Jer 12 | ZomZIV | STEP | TOPA aw, nang tungah thu kong tut ciangin na thumaan tawntung hi. Tua hita leh na thutang thu kong kikuppih nuam lai hi: Bang hangin migilote daupai uh ahi hiam? Bang hangin upna nei lo khempeuh nuamtakin om uh ahi hiam?

Jeremiah 12

Jeremiah Lungkimlohna

1 TOPA aw, nang tungah thu kong tut ciangin
na thumaan tawntung hi. ^a
Tua hita leh na thutang thu kong kikuppih nuam lai hi:
Bang hangin migilote daupai uh ahi hiam? ^b
Bang hangin upna nei lo khempeuh nuamtakin om uh ahi hiam?
2 Amaute nangma suansa hi uh a,
amaute in zungkha-in khangin a gah uh hi.
A kamun hong gen den napi
a lungsim uh tawh na kigamla hi.
3 Tua hita leh TOPA aw, kei nong thei a;
hong mu-in kong ngaihsutna nong sittel hi.
A kisehsat ding tuu bangin amaute kaikhiagawp in!
A kigawh ding uh ni ngakin tangkoihkhia in! ^c
4 Bangtan vei gamsung vuaigawpin ^{▼▼12.4 Ahikeh gamsung thum
,} ^e
lo sunga lopate vulgawp lai ding ahi hiam? ^f
Bang hang hiam cih leh tua gama tengte gilo uh a,
vasate le gamsate mangthang khin ta uh hi. ^g
Tua tham loin mite in,
“Ei tunga piangte hong mu kei na’nteh,” ci uh hi.

Pasian Dawnna

5 “Mite tawh tai kidem a,
nang hong bahsak uh ahileh
sakol bangci dem theih ding na hi hiam?
Gamsung ^{▼▼12.5 Ahikeh galmuanna gam na muan leh} a nopna ah kimuktu na hileh
Jordan gei-a ^{▼▼12.5 Ahikeh tuikhang ah} gampha lakah bang suak ding na hi hiam?
6 Na sanggamte le na innkuanpihte -
amaute nangawn in nang hong lehhek uh a;
nang hong langpangin nakpi-in awng uh hi. ^j
Hong phatgen uh hangin
muang kei in.
7 “Ka inn ka nusia-a ka gouluahte
ka phiatmang ta hi;
Ka it ka mite, ^k
tuanu galte khut sungah ka pia ding hi. ^l
8 Ka gouluahte kei tungah
tulaka humpinelkai bang uh hi.
Tuanu in kei hong hawksana,
tua ciangin ka mudah hi. ^m
9 Ka gouluah dingte kei tungah
sasial ne vasa gial khat,
sasial ne vasa dangte in a kimkot pan a tuk nainai uh bang hi lo hiam?
Pai-in gamsa gilote khawm inla,
a valhtum ding hong puak in. ⁿ
10 Tuucing tampi in ka lenggui lo susia ding uh a, ^o
ka lo a tuancilgawp ding uh hi;
a nuam mahmah ka lo
a kikhul lotul a suaksak ding uh hi.
11 Lotul kisuaksakin lei gawtakgawp a,
ka muhna-ah kinusia-in ^p
a kem ding om lo ahi manin
gambuppi kinusiacip hi.
12 TOPA namsau in gammong khat panin ^q
mong khat dong a vatmai nadingin ^r
sehnel-gam khosang khempeuh panin
a susiate hong kuan ding uh a;
khat beek a suakta kei ding uh hi. ^s
13 Amaute in mangbuh a vawh uh hangin lingkungte at ding uh a;
amaute a hahkat luat uh hangin bangmah a lawhtak kei ding uh hi.
Tua ciangin TOPA hehluatna hangin
maizumna bek na kaikhawm ding uh hi,” a ci hi. ^t

14 TOPA gen hih ahi hi, “Ka mi Israel-te ka piak gouluah a matsak ka veng migilote; amaute leitang panin ka botkhia dinga, amaute laka Judah innkuante ka botkhia ding hi. 15 Ahi hangin ka bawhkhiat khit ciangin amaute khuatuah kikin ama gam a luahna munuah ka puak kik ciat ding hi. 16 Tuateh ka mite omzia a sin ding uh a, Baal tunga kiciamzia ding ka mite nangawn a hilh bangun - ‘TOPA nuntakna lo-in,’ ci-a na kiciam uh leh - tua ciangin ka mite lakah amaute ka kipsak pan ding hi. 17 Ahi hangin minam khat peuhpeuh in ka thu a ngaih kei leh ka botkhia kiuhkeuh dinga, ka susia ding hi,” TOPA in cikhia hi. ^u