Jeremiah 43
1Jeremiah in mite kiangah TOPA amaute Pasian gen khempeuh - TOPA in amaute tungah gen dinga a sawl khempeuh a gen khit ciangin - 2Hoshaiah tapa Azariah, Kareah tapa Johanan le a kiphasak mipi khempeuh in Jeremiah kiangah, “Zuau gen na hi hi! TOPA kote Pasian in nang, ‘Egypt ah pai-in na teng kei un, a ci dingin hong sawl lo hi. 3Neriah tapa Baruch in kote hong langpangin Babylon mite ▼▼43.3 Ahikeh Chaldea-te
in kote hong thah theih nading ahikeh Babylon ah salin hong kaih theih nadingun nang hong sawl ahi hi,” a ci uh hi. b 4 Tua ciangin Kareah tapa Johanan’ galkap mangte khempeuh le mipi khempeuh in Judah gama ten ding TOPA thupiakna a mang nuam kei uh hi. 5A man sangsikun, Kareah tapa Johanan le galkap mangte khempeuh in minamte lakah a kithehthangna panun Judah gam a teng dingin a ciah kik Judah mi a baanglaite khempeuh nangawn a paikhiatpih mang uh hi. 6Amaute in mite khempeuh - nupi, papi, numei naupangte le kumpi cing galkap mangpa Nebuzaradan in Shaphan tapa Ahikam tapa Gedaliah tawh a nusiat khawm kumpipa tanute le kamsangpa Jeremiah le Neriah tapa Baruch zong a tonpih khin uh hi. 7Amaute in TOPA thu mang loin Egypt ah lut uh a Tahpanhes dong a tung uh hi. c 8 Tahpanhes ah TOPA thu Jeremiah tungah tung a: 9“Suang tumpi pawlkhat la inla Tahpanhes a Pharaoh kumpi inn lutna suangphah ah Jew-te muhin tungman tawh phum in. 10Tua ciangin amaute kiangah, ‘Hih in Israel Pasian Thahatpen TOPA gen ahi hi: Kei mah in ka nasem Babylon kumpipa Nebuchadnezzar ka vaikhak dinga, hih lai-a suangte ka phumna tung santakah a kumpi tokhom ka phut dinga; amah in a tungah kumpi puanbuk a zal ding hi. 11Amah hong kuanin Egypt sim dinga, sihsak dinga sehsate sisakin, sal-a kaih dinga sehsate salin kai-in, namsau thuak dinga sehsate thuaksak ding hi. 12Amah ▼▼43.12 Ahikeh keimah in
in Egypt pasiante biakinnte hal dinga; a biakinnte uh halin a pasiante uh a laksak ding hi. Tuucingpa in a puan a tungah a vialh bangin a tungah Egypt vial dinga, tua panin ngaihmuangtakin a ciah ding hi. 13Egypt a ni ▼▼43.13 Ahikeh heliopolis ah
biakna inn sunga khuampi siangthote sucim dinga, Egypt pasiante biakna innte a haltum ding hi,’ ci hi,” a ci hi. f
Copyright information for
ZomZIV