Jer 47 | ZomZIV | STEP | Hih in Pharaoh in Gaza a sim ma-a Philistia-te tawh kisai kamsangpa Jeremiah tunga TOPA kammal ahi hi:

Jeremiah 47

Philistia-te Tawh Kisai Thupuak

1 Hih in Pharaoh in Gaza a sim ma-a Philistia-te tawh kisai kamsangpa Jeremiah tunga TOPA kammal ahi hi: ^a

2 Hih in TOPA gen ahi hi:

“Leilu lama tuite a khankhan lam mu in; ^b
amaute a letkhia tuizeu suak ding uh hi.
Amaute in leitang le a sunga omte,
khuapi le a sunga tengte a tuum ding uh hi. ^c
Mite kiko ding uh a;
3 sakol koptai ging awte,
galte sakolleng gingte le ^d
a pei kigawi gingte hangin
gamsunga tengte khempeuh a kap ding uh hi.
Pate in a tate uh don zo lo ding uh a;
a khutte uh zawcip ding hi.
4 Ahang in, Philistia-te khempeuh
suksiat ding ni tungta a,
Tyre le Sidon a huh thei ding a baanglaite khempeuh ^e
thahgam hun tungta ding hi.
TOPA in Philistia-te le
Caphtor ^{▼▼47.4 Tua in, Crete} tuipi gei-a om lai sunte a susia ta ding hi. ^g
5 Gaza in thum kawmin a lu met dinga; ^h
Ashkelon a kidaicipsak ding hi.
Zanglei-a baanglaite no le no
bang tanvei kiliamsuah lai ding na hi uh hiam?
6 “Note kapin, ‘Kalasaih, TOPA namsau ⁱ
bang hun teh a khawl tam maw?
Na paii ah kisiat inla;
khawlta-in om hithiat in,’ na ci uh hi. ^j
7 Ahi hangin Ashkelon le tuipi gei sim dinga ^k
TOPA in a sawlsa,
thu a piaksa ahi ciangin
bangci khawl mawk ding ahi hiam?” ci hi.