Jeremiah 52
Jerusalem Pukna
1Zedekiah kumpi a suahin kum sawmnih le khat pha a, Jerusalem ah kum sawm le khat kumpi a sem hi. A nu Jeremiah tanu Hamutal hi a; Lipnah pan ahi hi. 2Amah in Jehoiakim hihsa bang tektekin TOPA muhna ah gitlohna a sem hi. 3TOPA hehna hangin Judah le Jerusalem ah hihte khempeuh a piang hi-a a tawpna ah ama ompihna panin amaute a lawnkhia gawp hi. a Tu-in Zedekiah in Babylon kumpipa a lehdo hi. b 4 Tua ciangin Zedekiah kumpi a suah zawh a kum kuana kum, a kha sawmna a ni sawmna ni-in Babylon kumpipa Nebuchadnezzar a galkap buppi tawh Jerusalem sim dingin a kuan hi. Khuapi pualam ah giahphual satin a kimkotah gal-umna phual a bawl uh hi. 5Kumpi Zedekiah kumpi a suah zawh akum sawm le khatna dong khuapi ki-umcih hi. c 6 A kha lina a ni kuana ni panin khuapi sungah kialpi nasia mahmah a mite nek ding a om nawn kei hi. 7Tua ciangin khuapi kulh kitovanga a galkap buppi a taikhia hi. Babylon mite ▼▼52.7 Ahikeh Chaldea-te; tg. 17 ah zong
in khuapi a umcih uh hangin amaute in kumpipa huan gei-a kulhte gel kikala kongpi tawn uh a, khuapi nusia-in zanin a tai uh hi. Amaute Arabah ▼▼52.7 Ahikeh Jordan Kuam
lam manawhin tai uh a, 8ahi hangin Babylon mi ▼▼52.8 Ahikeh Chaldea-te tg.14 ah zong
galkapte in kumpipa Zedekiah nungdelh uh a, Jericho zanglei ah a pha uh hi. Ama galkapte amah tawh kikhenin kithehthang uh a 9tuateh amah kiman hi. g Hamath gam Riblah a Babylon kumpipa kiangah amah kipuaka, tua lai-ah ama tunga thukhenna kizasak hi. 10Tua lai Riblah ah Babylon kumpipa in Zedekiah muhin a tapate thahsak a; Judah uliante khempeuh zong a that hi. 11Tua ciangin Zedekiah mittangte khelkhiatsak a, sumngo khekol bulhsakin Babylon ah tonpih a, tua lai-ah a sih dong thong sungah a khum hi. h 12 Babylon kumpipa Nebuchadnezzar a man zawh a kum sawm le kuana, a kha ngana a ni sawmna ni-in, Babylon kumpipa nasem, kumpi cing galkap mangpa Nebuzaradan, Jerusalem ah a pai hi. 13Amah in TOPA biakinnpi kumpi inn le Jerusalem a innte khempeuh a haltum hi. Inn thupi peuhmah a haltum hi. 14Kumpi cing galkap mangpa khut nuai-a galkap buppi in Jerusalem kimkota kulhte khempeuh a phelkhiamang uh hi. 15Kumpi cingpa Nebuzaradan in mizawng pente pawlkhat le khuapi sunga om lai-te khutsiam mite ▼▼52.15 Ahikeh mi nautang
le Babylon kumpipa beela paite tawh salin a kai khawm hi. 16Ahi hangin Nebuzaradan in tua gama om lai mizawngpente lo le lenggui lote kem dingin a nusia hi. j 17 Babylon mite in TOPA biakinnpi sunga om sumngo khuampite a kikhin thei a dinnate le sumngo Tuipi sukham gawp uh a, sumngo khempeuh Babylon ah a pua uh hi. 18Amaute in beelte, vutluahte, taitehte, tuitheh kuang-ukte, kuangte le biakinnpi sunga vanzatte khempeuh a lamang uh hi. 19Ngun le khama kibawl - kuangkumpi, gimnamtui halna, tuitheh-kuang-ukte, beelte, meivak tunnate, kuangte le dawntheih-a biakna kuang-ukte khempeuh kumpi cing galkap mangpa in a puamang hi. 20 Kumpipa Solomon in TOPA biakinnpi adingin a bawlsa sumngo khuampi nih, Tuipi le a tunna bawngtal sawm le nih le a kikhin thei a dinnate a gikna teh theih ding hi lo hi. 21A khuampite khat tong sawm le giat sanga a kimkot tong sawm le nih pha ▼▼52.21 Tua in pi 27 bang (meter 8.1 bang) sanga, a kimkot pi 18 (meter 5.6) bang ahi hi.
-a, zung li sahin asung hawm hi. 22A tunglam ah tong nga ▼▼52.22 Tua in pi 7 ½ bang (meter 2.3 bang)
asang sumngo ludawn nei-a khutsiamte in hoihtaka a zep uh hi a, a kimkot ah sumngo kibawl mang kawlsing gah lum a om hi. A khuampi khat in zong a kibang mang kawlsing gah mah a nei hi. 23Apangte ah mang kawlsing gah sawmkua le guk om a; a kimkota limsuai-te suaih mang kawlsing gah a vekin zakhat ahi hi. m 24 Kumpi cing ukpa in siampi makaipa Seraiah, le ama zoma lian siampi Zephaniah le kongpi cing thumte galmatin a kai hi. 25Tuate banah khuapi sunga galdo mite a uk galkap mangpa le kumpi nam thudotte sagih a kaithuah lai hi. Amah in gam mite a hanthawn galkap thuvanpi khat le khuapi sunga a tuahkhak uh ama mi sawmguk zong a kai hi. 26A makaipi Nebuzaradan in amaute khempeuh kai-a, Riblah a Babylon kumpipa omna ah a puak hi. 27Hamath gam Riblah munah kumpipa in amaute a thatlumsak hi. n Tua ciangin Judah, ama gam panin sal dingin a pai ta hi. 28Nebuchadnezzar in sal-a a kaih mi phazah: akum sagihna kumin Jew-te 3,023;29 Nebuchadnezzar a kum sawm le giatna kumin
Jerusalem panin mi 832;
30 akum sawmnih le thumna kumin
kumpi cing galkap mangpa Nebuzaradan in sal-a a kaih Jew-te 745 ahi hi. o
A vekpi-in 4,600 a pha hi. p
Jehoiachin Kikhah
31 Judah kumpipa Jehoiachin a saltan zawh kum sawmthum le giat a cin kumin Evil-Merodach ▼▼52.31 Amel-Marduk zong kici
Babylon kumpi suaka amah in Judah kumpipa Jehoiachin khahin a kha sawm le nihna, a ni sawmnih le ngana ni-in a suaktasak hi. 32Amah in hoihtakin hopih a, amah tawh a omkhawm Babylon a om kumpi dangte khempeuh sangin a sangzaw pahtawina tutphah a pia hi. 33Tua ciangin Jehoiachin in a thong puante suahkhia-a a om lai ama nuntak hun sung teng kumpipa sabuai-ah maanmaanin an a ne hi. 34Jehoiachin a sih ni mateng a nuntak hun sung tawntung Babylon kumpipa in nisimin a kisapna bangbang pia den hi. r
Copyright information for
ZomZIV