Job 5

1 “Na ut leh sam dih in, kua’n hong dawng peuhmah hiam? ^a
A siangthote kua pen kiang lamah kihei ding na hi hiam? ^b
2 Hehsuahna in mihaipa that a, ^c
enna in mimawlpa thatlum hi.
3 Kei mahmah in a kikhual mihai ka mu a, ^d
ahi hangin thakhat thu-in a inn kihamsiat hi. ^e
4 Ama tate lungmuanhuai na pan kigamla a, ^f
a hu om loin zum ah a kineng cip hi. ^g
5 Ama laksa an - lingkung laka omte nangawn
a gilkial mite in netum uh a, ^h
a dangtakte in a neihsate duh in tungnak uh hi.
6 Ahang in, haksatna lei pana po hi lo a,
gimna leitung pana mengkhia tawm hi lo hi. ⁱ
7 Meisiite atung lamah a lentoh bang tektekin
mihing zong a gim ding mah a suak ahi hi. ^j
8 “Ahi zongin kei hi leng, Pasian tungah ka ngen kik dinga
a mai-ah ka thu ka nga ding hi. ^k
9 Amah in teh theih loh a lamdangte, ^l
sim zawh loh a nalamdangte a bawl hi. ^m
10 Leitungah guah a zusak hi;
gam sungah tui a luangsak hi. ⁿ
11 Amah in a kiniamsak mite sangkoih a;
a thumte lungmuanna ah lamto hi. ^o
12 Amah in a zuaupilte geelna - ^p
khuta a sepna uh, a taksuak loh nadingin a dal hi. ^q
13 Amah in mipilte, amau zuaupilna panin mana, ^r
zuauphuak siamte ngimnate nulmang hi. ^s
14 Suntangpi in amau tungah khuamial a, ^t
sunlai pimahin zan bangin miallak zawt uh hi. ^u
15 A kamsungua namsau pan a tasamte honkhia a;
a vanglian mite ukcipna pan amaute a hu hi.
16 Tua hi-a a zawngte in lametna nei uh a;
thutanlohna in a kam a cip hi. ^v
17 “Pasian in a sittel mite, thupha ngah ahi hi; ^w
tua ahi ciangin Thahatpa ^{▼▼5.17 Hebrew in Shaddai hih lai le Job buppi ah} hong seknate thusim lo kei in. ^y
18 Ahang in, amah in a liamsak hangin a mahmah in a tuamsak hi; ^z
amah in liamsak a, a khutin a damsak hi. ^aa
19 Tuahsiatna lianpi guk panin nang hong hu dinga; ^ab
a sagihna ah lauhuaina na tuak kei ding hi. ^ac
20 Amah in kialpi tun ciangin sihna pan ahi zongin ^ad
gal kisim ciangin namsau pan ahi zongin, nang hong tankhia ding hi. ^ae
21 Gensiatna pan nang hong kidal dinga
siatna a tun ciangin na lau kei ding hi. ^af
22 Siatna le kialpite, na nuihsan lel dinga, ^ag
leitung gamsa gilote na kihta kei ding hi. ^ah
23 Ahang in, lo sunga suangte tawh thukhun na bawl dinga, ^ai
gamsa gilote tawh na kilem ding uh hi. ^aj
24 Na buk, a muanhuai lam na thei dinga, ^ak
a vante na sittel ciangin a kisam bangmah a om kei ding hi. ^al
25 Na tate a tam ding lam le na suan na khakte
leitung lopa a bat ding lam na thei ding hi.
26 A hun a tun cianga buhphalte a kikhop bangin ^am
kumcingin na teksih ding hi. ^an
27 “Hih thu ka kankhiatsa uh hi a, thumaan ahi hi.
Tua ahi ciangin za inla nang tungah kibulh pah in,” a ci hi. ^ao