Joshua 18:11-28
Benjamin Sehtanh
11 Benjamin beh a bawng’bawng’te adingin ai a pha hi. Amau sehtanhna gam, Judah le Joseph behte gam kikal hi a: 12 Amau gamgi leilu-lam pangah Jordan pan kipanin Jericho leilu-lam siik kantana, nitumna-lam manawhin mualtung gamah lut a Beth Aven sehnel gamah suakkhia hi. 13Tua panin Luz (tua pen Bethel) leitaw-lam siik kantan a, Beth Horon Nuainung leitaw lam mualtunga Ataroth Addon ah paisuk hi. a14 Mual panin Beth Horon maingatin gamgi leitaw lamah kihei-in nitumna-lam pang leitaw lamah kihei a, Judah mite khuapi khat ahi Kiriath Baal (tua pen Kiriath Jearim) ah suakkhia hi. Hih in nitumna-lam pang ahi hi.
15 A leitaw-lam pang nitumna lama Kiriath Jearim mongte panin kipana, Nephtoah Tuite nakah gamgi suakkhia hi. 16Rephaim Kuam leilu lama om, Ben Hinnom Kuam maingatin mualbul lamah gamgi a paisuk hi. Hinnom Kuam zomsuka, Jebus-te khuapi siik leitaw lamah paisuk in En Rogel a tungsuk hi. 17Tua ciangin leilu lamah kual-a, En Shemesh ah pai-in Adummim Ciangpi a maingat Geliloth tawh kizoma, Reuben’ tapa Bohan’ Suangpi a bansuk hi. 18Tua in Beth Arabah ▼
▼18.18 Septuagint; Hebrew duang pai-in Arabah maingat hi
leilu-lam siik zoma, tuateh Arabah sungah a lutsuk hi. 19Tuateh Beth Hoglah leilu-lam siik ah pai a, Ci Tuipi ▼▼18.19 Tua pen Si Tuipi.
gei leilu lama Jordan tun leitaw lamah a suakkhia hi. Hih in leitaw-lam gamgi ahi hi. d 20 Nisuahna-lam pang gamgi Jordan gun ahi hi.
Hihte Benjamin behte luah ding, a kimkota ciamtehna gamgite ahi hi. 21 Benjamin behte in a bawng’bawng’un a nuai-a khuapite a nei uh hi: Jericho, Beth Hoglah, Emek Keziz, 22Beth Arabah, Zemaraim, Bethel, 23Avvim, Parah, Ophrah, 24Kephar, Ammoni, Ophni le Geba - khuapi sawm le nih le a khua neute ahi hi.
25 Gibeon, Ramah, Beeroth, 26Mizpah, Kephirah, Mozah, 27Rekem, Irpeel, Taralah, 28Zelah, Haeleph, Jebus-te khuapi (tua pen Jerusalem), Gibeah le Kiriath - khuapi sawm le li le a khuaneute ahi hi.
Hih in Benjamin bawng’te gouluah ahi hi. e
Copyright information for
ZomZIV