Joshua 7:10-18
10 TOPA in Joshua tungah, “Dingto in! Bang hangin khupbawh niloh na hi hiam? 11Israel mawh khin ta hi; amaute zuih dinga ka thupiak ahi ka thukhun a palsat uh hi. Amaute in a ki-apsa nate pawlkhat a la uh hi; amaute in gu uh a, zuauphuakin amau neihsate lakah a koih uh hi. 12Tua hangin Israel-te in a galte uh nang zo lo uh a; amaute lehngatin a tai uh hi, bang hang hiam cih leh amaute in siat theih nading a bawl khin uh hi. Note lakah siatna sunga a ki-apsa peuhmah na suksiat phot kei uh leh note tawh ka omkhawm nawn kei ding hi. a 13 “Pai inla mipite siansuah in. TOPA Israel Pasian in ‘Israel aw, note lakah a ki-apsa na om hi. Na paihkhiat matengin na galte uh langah na ding thei kei ding uh hi,’ ci ahi manin zingciang adingin no le no kisiansuah ciat un,” ci in. b 14 “‘Zingciang zingsangin, a bawng’bawng’in hong om kim ciat un. TOPA in a lak beh panin a bawng’bawng’in a mai-ah hong kipaisak dinga, TOPA in a lak bawng’te a inn kuankuanin a mai ah hong kipaisak in, TOPA in a lak innkuante a mimi-in a maiah hong kipaisak ding hi. 15A ki-apsa na tawh a kiman khawmpa, ama kinaipih khempeuh tawh mei-in kisusia ding hi. Amah in TOPA’ thukhun palsatin Israel a maimawlsak zo hi!’ ci in,” a ci hi. c 16 A zingciang zingsang tungin Joshua in Israel-te a behbeh in a mai ah paisak a Judah a kiman hi. 17Judah bawng’te a mai-ah paikhia a Zerah-te a kiman hi. Zerah bawng’te a mai-ah a innkuankuanin paisak a Zimri a kiman hi. 18Joshua in ama innkuanpihte a mimalin a mai-ah paisak a Judah beh a Zerah tapa Zimri’ tapa Carmi’ tapa Achan a kiman hi. d
Copyright information for
ZomZIV