Lev 7:31-34 | ZomZIV | STEP | Siampipa in biakna-tau tungah a thau hal ding hi, ahi hangin a iik pen Aaron le a tapate tanh ahi hi.

Leviticus 7:31-34

31 Siampipa in biakna-tau tungah a thau hal ding hi, ahi hangin a iik pen Aaron le a tapate tanh ahi hi. 32 Kilawmtakna biakna a taklam phei siampipa tanh dingin na pia ding hi. 33 Kilawmtakna biakna-a sisan le athaute a pia Aaron tapa in a ma tanh dingin a taklam phei tang ding hi. 34 Israel kilawmtakna biakna panin a kiveisa a iik le a kipiasa a phei ken ka la zo a, tuate siampi Aaron le a tapate in Israel tung pana a tanh den dingin ka pia khin zo hi,’ ci in,” a ci hi. ^a