Micah 3
Makaite le Kamsangte Kitai
1Tua ciangin keimah in, “No Jacob makaite, aIsrael innkuan gam-ukte aw, ngai un.
Thutang a thei ding note hi lo maw,
2 no a hoih mudah a, a hoih lo a itte aw,
ka mite vunhawka,
a guh tunga satak kheuhkhiate aw; b
3 ka mite’ sa a nete,
a vun uh hawka a guh uh a suzante, c
sikbeel a kan ding sa satnen bangin satnen a, d
beel sunga suan ding banga a hihte. e
Thutang thei lo ding na hi uh hiam?” ka ci hi.
4 Tua ciangin amaute TOPA tungah kiko ding uh a,
ahi hangin a dawng kei ding hi.
Amaute gamtatsia uh ahi manin f
tua hun ciangin amaute panin a maitang a sel ding hi. g
5 TOPA gen hih ahi hi: “No kamsangte in
ka mite lam a khialsak,
amaute in an hong vak uh leh
amaute lungnopna tangkosakin h
hong vak kei uh leh
gal tuah ding na gelkholhsak uh hi.
6 Tua ahi ciangin note tungah mangmuh kholh lohin zan hong tung dinga,
aisanna loin khuamial hong tung ding hi. i
Kamsangte adingin ni tum dinga, j
amaute adingin sun a mial ding hi. k
7 Thumute maizum ding uh a,
thugenkholte a lungkim kei ding uh hi.
Pasian in dawng lo ahi manin l
a vekun a maitang uh a hum ding uh hi,” a ci hi.
8 Ahi hangin kei ka hileh
Jacob khialhna le Israel mawhna pulak dingin m
vangliatna, TOPA Kha le
thutang le hatna tawh
ka kidim ding hi.
9 No Jacob innkuan makaite,
Israel innkuan gam-ukte,
thutang deih lo-a
thumaan a khialin a heite aw za un;
10 Sisan luangsakin Zion na lam uh a, n
kheltatna tawh Jerusalem na lam uh hi. o
11 Tuanu makaite in golhguk sum tawh thu khen uh a,
ama siampite in thaman ngah nadingin thu hilh uh a,
ama kamsangte in sum ngah nading bekin kam a sang uh hi.
Tua hi napi TOPA tungah kinga-in,
“Eite lakah TOPA om hi lo hiam?
Eite tungah siatna hong tung kei ding hi,” ci uh hi. p
12 Tua ahi ciangin nangma hangin
Zion khua sung lo bangin kikho dinga,
Jerusalem ninkholnapi suakin, q
biakinnpi omna mual gammang lak a suak ding hi.
Copyright information for
ZomZIV