Numbers 5
Giahphual Sianthosakna
1TOPA in Moses tungah, 2“Isreal-te a kilawh thei vun natna a a vei, ahikeh tuipawt namkim ahikeh misi hanga a sianglo-a kiseh peuhmah giahphual pua-ah a hawlkhiat dingun thu pia in. 3Numei le pasal a kibangin hawlkhia in. Amaute laka ka tenna amau giahphual a buahsak loh nadingun amaute giahphual pua-ah hawlkhiasak in,” a ci hi. 4Israel mite in a hih uh hi; amaute in giahphual pua-ah a hawlkhia uh hi. TOPA in Moses a lamlah bang tektekin amaute in a sem uh hi. aZi Muanhuai Lo Zia-etna???
5 TOPA in Moses tungah, 6“Israel-te tungah, ‘Numei khat ahikeh pasal khat in khialh theina namkhat b peuh khiala, tua hangin TOPA tungah a muanhuai loh ciangin tua mi a khial hi a, 7ama mawhna pel loin a pulak ding hi. Amah in a khialhna a kimin loh dinga, a zah sehnga suah sehkhatin a mawhna mi tungah a kimin pia ding hi. 8Ahi hangin tua mi in a khialhnate hanga lohkikna a sang ding tanau kinaipih a neih kei leh tua lohkikna TOPA aa hi a ama adingin thoihdamna bawlna tuutal tawh siampipa tungah kipia khawm ding hi. 9Israel-te in siampipa tunga a puak uh a siangtho na khempeuh ama aa hi ding hi. 10Mi kimin a puak letsong siangthote ama neihsa hi a, ahi hangin amah in siampipa a piakte siampipa aa ahi hi,’ ci in,” a ci hi. bZi Muanhuai Lo Zia-etna
11 Tua khit ciangin TOPA in Moses tungah, 12“Israel-te hopih inla amaute kiangah: ‘Pisal khat a zi vakzau-a ama tungah muanhuai lo-in 13midang pasal khat tawh lumkhawma tua thu a pasal in thei loin, tuanu sianlohna kikan lo-a (ama langah teci ding om loin a mawh laitakin lah a kimat loh nungsang) 14a pasal in hazatna lungsim nei-a, a zi siangtho loin a upmawh leh tuanu a siang lopi mah amah in hazatna lungsim a neih leh - 15tua ciangin siampipa kiangah a zi paipih ding hi. Amah in tuanu aitang-a biakna dingin mangbuh-ham vui ephah c khat sehsawm suah sehkhat a tawi pelmawh ding hi. Amah in a tungah sathau sung loin, gimnamtui zong a koih kei ding hi, bang hang hiam cih leh tua in hazatna hanga an-a biakna hi-a, khialh kik khak loh nadingin phawksakna-a biakna ahi hi. c 16 “‘Siampipa in tuanu paipih dinga, TOPA mai-ah a dingsak ding hi. 17Tua ciangin leibeel-in tuisiangtho pawlkhat la dinga biakbuk sual-a leivui tawm khat tui sungah a khia ding hi. 18Siampipa in tua numei TOPA mai-ah a dinsak khit ciangin a sam phelsakin hazatna hanga an-a biakna ahi phawkkiksakna-a an-a biakna hamsiatna a tun tuikha a tawi sungteng tuanu khutah a nga ding hi. 19Tua ciangin siampipa in amah kiciamsakin tuanu kiangah, “Na pasal zi-a na om sungin nang tawh kuamah lumkhawm loin, koimah vakzau loin a sianglo na suah leh hih hamsiatna hong tun hih tuikha in nang tungah bangmah siatna hong tun kei hen. 20Ahi hangin na pasal zi-a na om sungin a vakvai na hileh na pasal lo midang tawh na lupkhawmna hangin nang le nang na kibuahsak leh,” - 21siampipa in tua numei hih tomlawhna-in kiciamsak dinga - “TOPA in na pheipi theepsakin na sungkua a bawksak a ciangin na mipihte in nang tomlawhna-in hong nei uh hen. 22Hih hamsiatna tuikha in na gilsung zui henla, na sungkua bawksakin na pheipi theepsak b hen,” a ci ding hi. “‘Tua khit ciangin tua numei in, “Amen, tua bangin hi ta hen,” a ci ding hi. d 23 “‘Siampipa in hih ciamsiatnate laizial tung khatah gelh dinga, tua ciangin tuikha sungah sawpkhia ding hi. 24Amah in tua numei hamsiatna tuikha dawnsak dinga, tua tui ama sungah tumsukin na sak velval ding hi. 25Tua ciangin siampipa in hazatna hanga an-a biakna tuanu khut panin lakhia dinga, TOPA mai-ah vei-in biakna-tau ah a paipih ding hi. 26Tua ciangin siampipa in phawkna hanga biakna dingin an-a biakna khut khat dim pham dinga biakna-tau tungah hal ding hi; tua khit ciangin amah in tua numei a tui a dawnsak ding hi. 27Amah le amah a kibuahsaka, a pasal tungah a muanhuai lo ahileh tua hamsia-tun tui a kidawnsak ciangin a sungah lut dinga nakpi-in nasak ding hi; a gilpi bawkin a pheipi theep c dinga, a mite lakah tuanu hamsiat thuak ahi ding hi. 28Ahi zongin a numei amah le amah kibuahsak lo a, a siang ahi nak leh amah a khial lo hi a, ta a nei thei ding hi. e 29 Hih in, numei khat in a pasal zi-a a om sungin vakzau in amah mah a kibuahsak ciang, 30ahikeh mi khat in a zi a ummawhna hanga hazatna lungsim a neih ciangin hazatna hanga zat ding thukham ahi hi. Siampipa in tuanu TOPA mai-ah dingsak dinga ama tungah hih thukham khempeuh a zang ding hi. 31A pasal khialhna bawlna panin mawhpeng dinga, ahi hangin numei in ama mawhna a thuak ding hi,’ ci in,” a ci hi. f
Copyright information for
ZomZIV