Psa 145 | ZomZIV | STEP | Phatna-la a phatna khat. David phuah. Keima Pasian Kumpipa, nang kong tawisang ding hi; a tawntungin na min ka phat den ding hi.

Psalms 145

Phatna-la a phatna khat. David phuah.

1 Keima Pasian Kumpipa, nang kong tawisang ding hi; ^a
a tawntungin na min ka phat den ding hi. ^b
2 Nisimin nang hong phatin a tawntungin
na min ka tawisang den ding hi. ^c
3 TOPA lian hi, a phattak pen ahi hi; ^d
ama liatna kuamah in teh thei lo hi. ^e
4 Khang khat in khang dang khat tungah na nasepte phat ding uh a; ^f
amaute in nangma nasep thahatte a gen ding uh hi. ^g
5 Amaute in na thupina a liatna le a thanna gen ding uh a, ^h
na nasep ^{▼▼ 5 Tuipi Si laizial le Syriac (Septuagint zong en in); Masoretic-te ah na minliatna thupina thang a/ tuateh na nasep lamdangte ah ka ki-ap ding hi} lamdangte ka lungngaingai ding hi.
6 Amaute in na nasepna a mulkimhuaite a vangliatna gen ding uh a,
ke’n bel na nasepna lianpite ka tangko ding hi. ^j
7 Amaute in na hoihna kicingte ai ding uh a,
na thumaanna lungnuamtakin sa ding uh hi. ^k
8 TOPA in mi hehpih siamin khuatuah nuam a, ^l
heh hakin itna a hau hi. ^m
9 Mi khempeuh tungah TOPA hoih a;
a bawlsa khempeuh a khuatuah hi. ⁿ
10 TOPA aw, na bawlsa khempeuh in nang hong phat ding uh a;
na misiangte in hong tawisang ding uh hi.
11 Amaute in na kumpi-gam minthanna genkhia ding uh a,
na thahatna zong gen ding uh hi,
12 tua in na nasepna thahatte le na kumpi thupi na le
minthanna mi khempeuh in a theih nading ahi hi. ^o
13 Na kumpi-gam pen tawntung kumpi-gam hi-a,
na kumpi ukna zong khang tawntungin a kip hi.
A thuciam khempeuh ah TOPA muanhuai-a, ^p
a bawlsate khempeuh a it hi, ^{▼▼ 13 Masoretic laibupi khutgelh khat. San Tuipi Laizial, Septuagint le Syriac; Masoretic khutgelh khempeuh in tg.13 na laigual nunungte gel a nei kei hi.}
14 TOPA in a pukte khempeuh lenkipin ^r
a kunsukte a phongto hi. ^s
15 Mit khempeuh in nang hong mitsuan uh a,
a hunhunin amaute an na pia hi.
16 Na khutpek na zal-a a nungta peuhmah
amau lunggulhin na taiisak hi.
17 Ama lampi khempeuh ah TOPA thumaan a, ^t
a bawlsate khempeuh a it hi.
18 TOPA in amah a sam khempeuh,
thutak-a amah a sam khempeuh a nai hi. ^u
19 Amah in amah a kihtate deihna tangtungsak a;
amaute kikona za-in a honkhia hi. ^v
20 TOPA in amah a it khempeuh cinga, ^w
migilote ahileh a susia ding hi. ^x
21 Ka kam in TOPA phatna a gen ding hi. ^y
A nungta peuhmah in a tawntungin
a min siangtho phatden uh hen. ^z