Psa 22 | ZomZIV | STEP | Thumtheih makaipa ading. “Bilpi nu Zing aw” in David phatna-la khat. Ka Pasian, ka Pasian, bang hangin kei hong taisan na hi hiam? Bang hang kei nong hotkhiat nading pan gamla a, ka tauna kammalte pan gamla na hi hiam?

Psalms 22

Thumtheih makaipa ading. “Bilpi nu Zing aw” in David phatna-la khat.

1 Ka Pasian, ka Pasian, bang hangin kei hong taisan na hi hiam? ^a
Bang hang kei nong hotkhiat nading pan gamla a,
ka tauna kammalte pan gamla na hi hiam? ^b
2 Ka Pasian aw, sunin kong kiko hangin nong dawng kei a,
zan in ka dai tuan kei hi.
3 Tua hi napi nang Siangtho Pa in na tu a, ^c
Israel ^{▼▼ 3 Ahikeh Nang na siangtho veve hi, / Israel phatnate tunga tu} phatna nang na hi hi.
4 Ka pate un nang hong muang uh a;
amaute in hong muang uh ahi manin na hukhia hi. ^e
5 Amaute nang tung hong kiko uh a, a kihonkhia hi; ^f
amaute in nang hong muang uh a a zahlak kei uh hi.
6 Ahi hangin kei tangtel ka hi-a, mihing ka hi kei hi; ^g
mite in hong simmawhin hong hua uh hi.
7 Kei hong mu khempeuh in hong zahko in;
hong engko in, hong lupeisan uh a; ^h
8 “Amah in TOPA muang hi;
TOPA in amah hukhia hen,
ama sungah nuamsa ahileh
amah in amah hukhia hen,” hong cihsan uh hi.
9 Tua hi napi sul sung pan kei nong lakhia a; ⁱ
kanu ang pan nangawnin
nang nong muangsak hi.
10 Ka suah a kipan nang tungah kong kinga a; ^j
ka nu sul a kipan ka Pasian na hi khin hi.
11 Lungkhamna hong nai a, ^k
hong huh ding omlo ahi manin
gamla ah hong omsan kei in.
12 Bawngtal tampi in kei hong um uh a;
Bashan bawngtal hatte in kei hong umcih uh hi. ^l
13 A samat balzana hawk humpinelkaite in ^m
a kam uh zapi in hong katsan uh hi. ⁿ
14 Tui bangin hong kisungkhia a,
ka guh khempeuh a kilawi khin hi. ^o
Ka lungtang khuainun suak a;
a sungah tuisuakmang khin hi. ^p
15 Ka thahatna belpei bangin keucipin ^q
ka dangtung ah ka leii belh a; ^r
nang in sihna leivui lakah kei ^{▼▼ 15 Ahikeh kei hong kisial} nong sial hi. ^t
16 Uite in kei hong um uh a;
migilo hon in kei hong umcihin, ^u
amaute in ka khut le ka khete a sunlet ^{▼▼ 16 Hebrew. Khutgelh pawlkhatte, Septuagint le Syriac; Heb. Khutgelh a tamzaw ah / humpi bangin} uh hi. ^w
17 Ka guhte khempeuh ka sim thei a;
mite in hong en gega in hong awibek uh hi. ^x
18 Amaute in ka puansilhte hawm uh a,
ka puan a hawm nadingun ai a lawn uh hi. ^y
19 Ahi hangin TOPA aw, nang gamla om lua kei in;
ka Thahatna aw, hong huh dingin hong kuan meng in. ^z
20 Namsau panin ka nuntakna hu inla; ^aa
uite vangliatna pan a manpha ka nuntakna hukhia in. ^ab
21 Humpineikaite kam pan kei hong hukhia inla; ^ac
gam bawngtal kite panin kei hong hon ^{▼▼ 21 Ahikeh / na za khin hi.} in. ^ae
22 Ka sanggamte tungah na min ka pulak dinga;
a kikhawm mipi lakah nang kong phat ding hi. ^af
23 TOPA a kihta note aw, amah phat un! ^ag
No Jacob suante khempeuh aw, amah pahtawi un! ^ah
No Israel suante khempeuh aw, amah zahtak un!
24 Ahang in, a thuaksiapa thuakna ^ai
simmawh lo neu-et lo a; ^aj
amah panin a maitang sel loin, ^ak
huh dinga a kikona a ngaihsak zaw hi. ^al
25 Kikhawm mi tampitak lakah ka phatna thubulpi nang panin hong pai a; ^am
nang ^{▼▼ 25 Hebrew. ah amah} hong kihtate mai-ah ka kiciamnate ka tangtungsak ding hi.
26 Mizawngte in ne in taii ding uh a; ^ao
TOPA a zongte in amah a phat ding uh hi - ^ap
na lungtangte uh hing den ta hen!
27 Leimong khempeuh dongin phawk kik in,
TOPA lamah kihei ding uh a, ^aq
minam innkuante khempeuh
ama mai-ah a kun ding uh hi;
28 ahang in, kumpi-gam TOPA aa hi a, ^ar
amah in minamte a uk hi.
29 Leitung mihau khempeuh in pawibawlin bia ding uh a; ^as
amau le amau a nungta dingin a kikem thei lo - ^at
leivui ah a paisukte khempeuh ama mai ah a khukdin ding uh hi.
30 Khangsawnte in na sem ding uh a; mailam a khangsawnte tungah
Topa thu a kigen ding hi.
31 Aman sem khinzo ahi manin
a suak nai lote tungah ama thumaanna ^au
amaute in a tangko ding uh hi. ^av