Psa 47 | ZomZIV | STEP | Tumtheih makaipa ading. Korah’ Tapate phuah. Phatna-la khat. No minamte khempeuh aw, na khut uh beng un; nuamna aw tawh Pasian tungah kiko un.

gSelah

h Ph 68:18

i 2Sa 22:50

j Zec 14:9

l1Ch 16:7

m 1Ku 22:19

o Job 25:2

p Ph 46:10

Psalms 47

Tumtheih makaipa ading. Korah’ Tapate phuah. Phatna-la khat.

1 No minamte khempeuh aw, na khut uh beng un; ^a
nuamna aw tawh Pasian tungah kiko un. ^b
2 Leitung khempeuh a uk alian Kumpipa, ^c
Sang Pen TOPA, kihtakhuai na zen e! ^d
3 Amah in eite nuai-ah minamte thazawmsakin ^e
i khenuai-ah a koih hi.
4 Amah in a itpa Jacob kisaktheihpih gouluah, ^f
eite adingin a teel hi. ^g
5 Nuam a kikona lakah Pasian kahto a, ^h
pengkul awgingte lakah TOPA a kahto khin hi.
6 Pasian phatna la sak un, phatna la sak un; ⁱ
eite Kumpipa phatna late sak un; phatna late sak un.
7 Leitung khempeuh Kumpipa, Pasian ahi manin ^j
amah phatna-in phatna-la ^{▼▼ 7 Ahikeh maskil (lailam ahikeh tumtheihlam kamzat hi kha ding)} khat sak un. ^l
8 Pasian in minamte uk hi;
ama kumpi tokhom siangtho tungah Pasian tu hi. ^m
9 Leitung kumpite ^{▼▼ 9 Ahikeh lumte} Pasian neihsa ahi manin ^o
Abraham’ Pasian’ mite bangin
minamte’ uliante kikhawm uh a;
amah lianpitakin kitawisang hi. ^p