Psalms 70
Tumtheih makaipa ading David phuah. Ngetna khat.
1 Pasian aw, kei hong honkhia meng in;TOPA aw, kei hong huh dingin hong pai meng in. a
2 Ka nuntakna hong zongte
maizum uh henla buaigawp uh hen; b
kei siat nading a deihte khempeuh
zahlakin kilehsak kik in.
3 Kei tungah, “Awi bek si’ng! Awi bek si’ng!” hong cite c
maizumin kilehkiksak in.
4 Ahi hangin nang hong zongte khempeuh
nang sungah lungnuamin kipak uh hen;
na hotkhiatna a itte in,
“Pasian kitawisang hen!” ci den uh hen. d
5 Tua hi napi, kei zawngin ka tasam hi;
Pasian aw, ka kiangah hong paimeng in.
Kei hong huhpa le hong hukhiapa na hi hi; e
TOPA aw, ziakai kei in.
Copyright information for
ZomZIV