Psa 98 | ZomZIV | STEP | Phatna-la khat. TOPA in a piandang nate bawl ahi manin lathak khat amah sak un; a taklam khut le a ban siangtho in ama ading hotkhiatna a sem khin hi.

Psalms 98

Phatna-la khat.

1 TOPA in a piandang nate bawl ahi manin ^a
lathak khat amah sak un;
a taklam khut le a ban siangtho in ^b
ama ading hotkhiatna a sem khin hi. ^c
2 TOPA in ama hotkhiatna kitheisak khin a, ^d
minamte tungah ama thumaanna a laakkhia hi. ^e
3 Amah in Israel innkuante tungah a itna le ^f
a muanhuaina phawk khin zo hi;
leimongte khempeuh dong in eite’
Pasian hotkhiatna a mu khin uh hi.
4 Leitung khempeuh aw, lungnuamin TOPA tungah kiko un, ^g
tumtheih tumin lungnopna la sakhia zuahzuah un;
5 harp tumin TOPA tungah gingsak unla, ^h
la awging le harp thuahkhawmin ⁱ
6 pengkulte le tuutal kite gingkhiasak unla - ^j
Kumpipa ahi TOPA mai-ah lungdamin awng un. ^k
7 Tuipi le a sunga om khempeuh le ^l
leitung le a tunga teng khempeuh kithawn hen. ^m
8 Gunte in a khut uh bengin ⁿ
mualte in lungdamin la sakhawm uh hen; ^o
9 Leitung thukhen dingin TOPA hong pai ahi manin
ama mai-ah amaute in la sa uh hen.
Amah in leitung buppi thumaanin thu khen dinga,
guptuam paihtuam nei loin mite thu a khen ding hi. ^p