Rom 8 | ZomZIV | STEP | Tua ahi manin Christ Jesu sunga omte adingin tu-in mawhpaihna a om kei hi.

Romans 8

Kha Tungtawna Nuntakna

1 Tua ahi manin Christ Jesu sunga omte adingin ^{▼▼8.1 Khutgelh nunung pawlkhatah Jesus, mawhdim pianngei deihna banga nungtate hi lo, Kha deihna banga nungta} tu-in mawhpaihna a om kei hi. 2 Bang hang hiam cih leh Christ Jesu tungtawnin nuntakna Kha thukham in mawhna le sihna thukham panin kei hong suaktasak zo hi. 3 Ahang in, mawhdim pianngei ^{▼▼8.3 Ahikeh ci-le-sa; tg. 4, 5, 8, 12 le 13 ah zong} in a thanemsak thukham, a thahatna bei-a, a sep theih loh pen, Pasian in mawhna hanga biakna ^{▼▼8.3 Ahikeh mawhna ading mi} a kizang dingin mawhdim mihing bangin ^{▼▼8.3 Ahikeh ci-le-sa sungah} ama Tapa mahmah hong sawlna tawh a sem zo hi. 4 Tua ahi ciangin mawhdim pianngei banga nungta hi lo, Kha deihna banga nungta eite sungah thukham in a kalh thumaan a tun theih nadingin amah in mawhdim mihing sungah mawhna a mawhpaih hi.

5 Pianngei mawhna banga nungtate in, tua pianngei deihna bekbek a lunggulh uh hi. Ahi hangin Kha deihna banga nungtate in Kha deihna bekbek a lunggulh uh hi. 6 Mawhdim mi ^{▼▼8.6 Ahikeh ci-le-sa sungah kinga} lungsim sihna hi-a ahi hangin Kha in a uk lungsim, nuntakna le lemna ahi hi. 7 Mawhdim lungsim ^{▼▼8.7 Ahikeh ci-le-sa sungah kinga} in Pasian a langneih hi. Tua in Pasian thukham a mang kei hi; zong a mang thei kei hi. 8 Mawhdim pianngei in a uksa mite in Pasian a lungkimsak thei kei uh hi.

9 Ahi zongin Pasian Kha note sungah a ten nak leh mawhdim pianngei in note hong uk nawn loin Kha in note hong uk hi zaw hi. Mi khatpeuh in Christ Kha a neih kei leh Christ aa ahi kei hi. 10 Ahi hangin note sungah Christ a om leh mawhna hangin note pumpi si taleh thumaanna hangin na kha uh a nungta hi. 11 Misi pana Jesu a thosakpa Kha note sungah hong teng ahileh misi pana Christ a thosakpa in no sunga teng ama Kha tawnin a si thei na pumpite uh zong nuntakna a pia ding hi. ^g

12 Tua ahi ciangin sanggamte aw, tu-in bat khat i nei hi. Tua in mawhdim pianngei deihna banga a nungta dingin pianngei tungah i ba kei hi. 13 Ahang in, mawhdim pianngei deihna banga na nuntak uh leh na si ding uh hi; ahi hangin Kha hangin na pumpi uh gamtatsiate na sihsak uh leh na nungta ding uh hi. 14 Bang hang hiam cihleh Pasian Kha in a makaihte Pasian tapate ahi uh hi. 15 Ahang in, note launa sila hong suaksak kik kha a sangte na hi kei uh hi; ahi hangin tapa-suahna ^{▼▼8.15 Ahikeh taseel} Kha na sang zo uh hi. Tua hi a, ama hangin eite in, “Abba, ^{▼▼8.15 Aramaic in Pa} Pa,” i ci hi. 16 Pasian tate i hina eimau kha tawh tua Kha mahmah in teci a pang hi. 17 Tu-in tate i hileh gouluahte i hi hi. Christ minthanna eite in zong i tanhpih theih nadingin ama thuaknate i thuakpih takpi leh Christ tawh gouluah khawm Pasian gouluahte i hi hi. ^j

Mailam Hun Minthanna

18 Tu laitaka i thuak gimnate le eite sunga hong kilang ding minthannate tehkak tham ka sa kei hi. 19 A kipiangsak na khempeuh in Pasian tapate a kilaak nading lawptakin lamenin a ngak uh hi. 20 Ahang in, a kipiangsak nate khempeuh amau deihtel hang hi lo, amau a nuai siahpa deihna bangin bucinlohna nuai-ah kihen hi. 21 Tua in a kipiangsak khempeuh muatna sila pan kisuaktasaka, a minthang Pasian tate suahtakna sungah a tun nading lametna hang ahi hi.

22 A kipiangsak khempeuh in tu hun mahmah dong nausuahnat thuak bangin tau lai uh hi, cih i thei hi. 23 Tua bek hi lo Kha gahmasa a nei eite mahmah zong eite pumpi tatkhiat nading tapa i suah ding lawptakin ngakin i sungah tau-in i om hi. 24 Ahang in, hih lametna sungah eite hotkhiat i hi hi. Ahi hangin a kimusa lametna pen lametna ahi peuhmah kei hi. Kua in a muhsate lamen ahi hiam? 25 Ahi hangin i muh nai lohte i lamet leh tuate i ngak keeikai hi. ^k

26 Tua mah bangin i thanemnate ah Kha in eite hong huh hi. Eite in thu bangci nget ding cih i thei kei hi, ahi hangin Kha mahmah in kammala lawhkhiat theih loh tuanate tawh eite adingin hong thumsak hi. 27 Tua hi a, eite lungsim a zongpa in Kha lungsim a thei hi. Bang hang hiam cihleh Pasian deihna tawh kizui-in Kha in misiangte ading a thumsak hi. ^l

Gualzote sang Gualzozaw

28 Tua ciangin Pasian in ama ngimna tawh kizui-a, a sapsa mite ^{▼▼8.28 Ahikeh amah a itte hoih nadingin na khempeuh a sem hi} ahi, amah a itte a hoih nadingin na khempeuh a sepsak hi, ^{▼▼8.28 Khutgelh pawlkhatah Tua hi a Pasian a itte a hoih nadingin kisem cih i thei hi.} cih i thei hi. 29 Ahang in, Tapa pen sanggam tampite lakah tacil a suah theih nadingin Pasian in a theihkholhsa mite ama Tapa tawh a kibang dingin a laitansa ahi hi. 30 Tua hi-a a laitansate zong a sam hi; a sapsate zong dik a tangsak hi; dik a tansaksate zong a minthangsak hi. ^o

31 Tua ahileh hih thu dawn nadingin bang i gen ding hiam? Pasian eite lamah a pan leh ei langah kua pang zo ding ahi hiam? 32 Ama Tapa neihsun sit loin eite khempeuh ading hong pia pa in amah tawh na khempeuh hong citpiak khawm loin om ding ahi hiam? 33 Pasian in a telsate kua in mawhmat ding ahi hiam? Dik a tangsak Pasian ahi hi. 34 A mawhpaihpa kua ahi hiam? Si bek tham loin nungta-a, a tho kik pa Christ Jesu, tu-in Pasian taklamah tu-a eite adingin hong thumsak hi. 35 Christ hong itna panin eite kua in hong khenkhia zo ding hiam? Lungmanna, haksatna, bawlsiatna, kialna, silh ding kisapna, lauhuaina, namsaute in hong khenkhia zo ding ahi hiam? 36 Hih bangin kigelh hi:

“Nangma hangin kote in ni thapai-in sihna ka maituah uh hi;
gawh ding tuute bangin kote hong kiseh hi,” ^{▼▼8.36 Ph. 44:22}

37 Hong khenkhia zo kei ding hi. Hihte khempeuh ah eite hong it ama tungtawnin gualzote sang i gualzo zaw hi. 38 Ahang in, sihna le hinna ahi zong in, vansawltakte le dawite ^{▼▼8.38 Ahikeh vanlam ukpa ahi lote} ahi zongin, tu hun le tu nung ciang ahi zongin, vangliatna khatpeuh ahi zongin, 39 a thukna le a sanna ahi zongin, a kipiangsak nate khat beek in i Topa Christ Jesu sunga om Pasian hong itna panin hong khenkhia zo kei ding hi, cih ka kipsan takpi hi. ^r