Zec 13 | ZomZIV | STEP | “Tua ni ciangn David innkuan tung le Jerusalem a tengte tungah amaute mawhna leh siantho lohnate silsiang nadingin tuinak khat kihong ding hi.

Zechariah 13

Mawhna pan Siansakna

1 “Tua ni ciangn David innkuan tung le Jerusalem a tengte tungah amaute mawhna leh siantho lohnate silsiang nadingin tuinak khat kihong ding hi.

2 “Tua ni ciangin gamsung panin milimte min khempeuh ka phiatmang dinga tuate a kiphawkkha ngei nawn kei ding hi,” Thahatpen TOPA in cikhia hi. “Gam sung panin a nin khate a kamsangte tawh ka paikhia khawm ding hi. 3 Mi khatpeuh in mailam thu a gen lai leh a pianna a nu le a pa in, ‘TOPA minin zuau phuak na hi manin na sih kul ding hi,’ ci ding uh hi. Mailam thu a gen ciangin a nu le a pate in amah dawtlum ding uh hi. ^a

4 “Tua ni ciangin kamsang peuhmah in a mangmuh theihna uh a maizumpih ding uh hi. Mi a khem nadingun a kamsang samul puanpi uh zong a silh kei ding uh hi. 5 Amah in, ‘Kamsang ka hi kei hi. Lo kho ka hi-a, ka neu tunga kipan leitang kho-a kivak ka hi hi,’ ^{▼▼13.5 Ahikeh lokhopa; mi khat in ka neu lai-a hong zuak ahi hi.} ci ding hi. 6 Mi khatpeuh in, ‘Na pumpi tunga liammate bang hiam? ^{▼▼13.6 Ahikeh na khut kikala liammate} ci-a a dot ciangin, amah in, ‘Ka lawmte inn-a ka liamna hi,’ ci-in dawng ding hi.

Tuucingpa Kisatin Tuute Kithehthang

7 “Namsau aw, ka tuucingpa le
kei tawh kinai mipa do dingin tho in,” ^d
Thahatpen TOPA in cikhia hi.
“Tuucingpa sat in
tuute kithehthang dinga, ^e
a note tungah ka khut ka viik ding hi.
8 TOPA in cikhia hi, “Gamsung buppi ah
sehthum suah sehnih kisattukin a kisia ding hi;
sehthum-a khat ahileh kinusia ding hi. ^f
9 Hih a thumna pen meikhuk ah ka khul ding hi. ^g
Ngun siansuah bangin ka siangsak dinga,
kham bangin ka zia-et ding hi.
Amaute in ka min hong lo ding uh a,
ka dawng ding hi;
‘Amaute ka mite ahi uh hi,’ ka ci dinga ^h
amaute in, ‘TOPA in kote Pasian ahi hi,’ ci ding uh hi.” ⁱ