Zep 3 | ZomZIV | STEP | Mite nengniamin a lehdo a kihhuai khuapi, gimna nak thuak na nicia!

Zephaniah 3

Jerusalem Mailam Hun

1 Mite nengniamin a lehdo a kihhuai khuapi, ^a
gimna nak thuak na nicia!
2 Amah in kuama thu mang loin ^b
kuama bawlphat ding a ut kei hi.
Tuanu in TOPA muang loin ^c
a Pasian kiang a naih nuam kei hi. ^d
3 A uliante humpinelkai hawk hi uh a,
a gam-ukte a zing-an ding bangmah a nei lo ^e
khuamial kuana keivomte ahi uh hi. ^f
4 A kamsangte uh ki-uangsakin
zuautat mi hi uh hi.
A siampite in mun siangtho thanghuaisak uh a,
thukham tungah a ngongtat uh hi.
5 Tuanu sungah TOPA thumaan a, ^g
khialhna a bawl kei hi. ^h
Zingsang khat khit zingsang khat a thutangna zekkhia a,
nisimin a zekkhia lo ngei kei hi.
Tua hi napi thumaan lote in zumna mel a thei kei uh hi. ⁱ
6 “Minamte ka khenkhia khin hi;
a panmun muanhuaite uh kisumang khin hi.
A kongzingte uh kuama tot loh dingin
ka kinusiacipsak hi;
a khuapite uh kisia khin hi;
kuamah kinusia loin-kuamah a om peuhmah kei hi.
7 Khuapi kiangah,
‘Kei hong kihta in
hong kibawlphatnate sang nuam ta niteh maw!’ ka ci hi. ^j
Tua ciangin ama sunga teng mite kikhenkhia nawn lo dinga,
a tungah ka dan piaknate khempeuh zong a tung kei ding hi.
Ahi hangin a sep ngeite uh sep ding
a lawp lai veve ding uh hi. ^k
8 TOPA in cikhia hi,
“Tua ahi ciangin ka mawhsak ^{▼▼3.8 Septuagint le Syriac, a lawk dingin ding ding uh hi} ding ni na ngak un; ^m
ka hehluatna khempeuh- ⁿ
amaute tunga ka thangpaihna a thuak dingin ^o
minamte kumpi-gamte tawh kaihkhop ding ^p
ka lungsim ka khentat khin zo hi.
Haza a ka hehluatna meikuang in
leitung buppi a kangtum ding hi. ^q
9 Tua ciangin amaute khempeuh in
TOPA min lo in liangko kinawkin ^r
a na a sep theih nadingun mite muk ka siangthosak ding hi.
10 Cush ^{▼▼3.10 Nile khunglam kual teng} gunpite gal panin ^t
keimah biakna hong piate, ka thehthang mite in
biakna hong puak ding uh hi.
11 Tua ni ciangin kei tunga
nong khialhna khempeuh hangin kong maizumsak kei ding hi, ^u
bang hang hiam cih leh hih khuapi panin
amau kiphatsakna nuam a sate ka lakhia ding hi. ^v
Ka mual siangtho tungah ^w
nang na kiphasak nawn kei ding hi.
12 Ahi hangin note lakah
TOPA min a muang ^x
a kiniamkhiatte le a lungnemte ka nusia ding hi.
13 Israel a baanglaite in khialhna a bawl nawn kei ding uh hi; ^y
zuauthu gen lo ding uh a,
a kam uah khemna kimu nawn lo ding hi. ^z
Amaute in an ne in lum hithiat ding uh a,
kuamah in a lausak nawn kei ding hi,” a ci hi. ^aa
14 Zion Tanu aw, la sa in;
Israel aw, kikokhia in!
Jerusalem Tanu aw,
na lungsim neihzahin lungdamin nuam in! ^ab
15 TOPA in na dan thuak ding tawh hong kipelhsak khin hi;
na galte hong kilehhawlsak zo hi.
TOPA Israel-te Kumpipa, note tawh omkhawm khin hi; ^ac
note in kisiatna peuhmah na kihta ngei nawn kei ding uh hi. ^ad
16 Tua ni ciangin amaute in Jerusalem tungah,
“Zion aw, lau kei in;
na khutte zawsak kei in. ^ae
17 TOPA na Pasian in hong ompih hi,
nang hong hon dingin amah thahat hi. ^af
Amah nang tungah lungkim mahmah dinga, ^ag
ama itna tawh daitakin hong omsakin ^ah
no tungah lungnuamin la sa ding hi,” ^ai
18 “A kisehsa pawi hanga na dahnate uh
kong lakkhiatsak ding hi;
tuate in note adingin vangikpi le mawhsakna ahi hi. ^{▼▼3.18 Ahikeh a kisehsa pawi hanga thumte kong khawm dinga / no adingin hong kimawhsakna na vangik uh a suak ding hi.}
19 Tua hun ciangin nang hong nengcipte khempeuh ^ak
dan ka pia dinga,
khebaite hu-in
a kithehthangte ka kaikhawm ding hi. ^al
Amaute omna gam peuhpeuh ah,
a maizumna uh phatna le pahtawina ka suaksak ding hi. ^am
20 Tua hun ciangin nang kong khawm dinga;
tua hun ciangin inn ah nang kong ciahpih ding hi. ^an
Na mailam hun ^{▼▼3.20 Ahikeh na saltaangte uh kong puak kik hi} ka hoihsak ciangin
note mitmuh tektekin ^ap
leitung mite lakah hong pahtawi-in kong phat ding hi,” ^aq

TOPA in ci hi.