Genesis 5
1ⲡⲁⲓ ⲡⲉ ⲡϫⲱⲱⲙⲉ ⲙⲡⲧⲁⲙⲓⲟ ⲙⲡⲣⲱⲙⲉ ϩⲙ ⲡϩⲟⲟⲩ ⲛⲧⲁⲡⲛⲟⲩⲧⲉ ⲧⲁⲙⲓⲟ ⲛⲁⲇⲁⲙ ⲕⲁⲧⲁ ⲑⲓⲕⲱⲛ ⲙⲡⲛⲟⲩⲧⲉ ⲁϥⲡⲗⲁⲥⲥⲉ ⲙⲙⲟϥ 2ⲟⲩϩⲟⲟⲩⲧ ⲙⲛ ⲟⲩⲥϩⲓⲙⲉ ⲁϥⲧⲁⲙⲓⲟⲟⲩ ⲁϥⲥⲙⲟⲩ ⲉⲣⲟⲟⲩ ⲁϥⲙⲟⲩⲧⲉ ⲉⲡⲉϥⲣⲁⲛ ϫⲉ ⲁⲇⲁⲙ ϩⲙ ⲡϩⲟⲟⲩ ⲛⲧⲁϥⲧⲁⲙⲓⲟⲟⲩ 3ⲁⲁⲇⲁⲙ ⲇⲉ ⲱⲛϩ ⲛϣⲏⲧⲙⲁⲁⲃ ⲛⲣⲟⲙⲡⲉ ⲁϥϫⲡⲟ ⲕⲁⲧⲁ ⲡⲉϥⲉⲓⲛⲉ ⲙⲛ ⲧⲉϥϩⲓⲕⲱⲛ ⲁϥⲙⲟⲩⲧⲉ ⲉⲡⲉϥⲣⲁⲛ ϫⲉ ⲥⲏⲧ 4ⲁⲩϣⲱⲡⲉ ⲇⲉ ⲛϭⲓ ⲛⲉϩⲟⲟⲩ ⲛⲁⲇⲁⲙ ⲛⲧⲁϥⲱⲛϩ ⲙⲙⲁⲩ ⲙⲛⲛⲥⲁ ⲧⲣⲉϥϫⲡⲟ ⲛⲥⲏⲑ ⲥⲁϣϥⲉ <ⲛϣⲉ> ⲛⲣⲟⲙⲡⲉ ⲁϥϫⲡⲟ ⲛϩⲛϣⲏⲣⲉ ⲙⲛ ϩⲛϣⲉⲉⲣⲉ 5ⲁⲩϣⲱⲡⲉ ⲇⲉ ⲛϭⲓ ⲛⲉϩⲟⲟⲩ ⲧⲏⲣⲟⲩ ⲛⲁⲇⲁⲙ ⲛⲧⲁϥⲱⲛϩ ⲙⲙⲟⲩ ⲯⲓⲥ ⲛϣⲉⲙⲁⲁⲃⲉ ⲛⲣⲟⲙⲡⲉ ⲁϥⲙⲟⲩ 6ⲁⲥⲏⲑ ⲇⲉ ⲱⲛϩ ⲛϣⲏϯ ⲛⲣⲟⲙⲡⲉ ⲁϥϫⲡⲟ ⲛⲉⲛⲱⲥ 7ⲁϥⲱⲛϩ ⲇⲉ ⲛϭⲓ ⲥⲏⲑ ⲙⲛⲛⲥⲁ ⲉⲧⲣⲉϥϫⲡⲟ ⲛⲉⲛⲱⲥ ⲛⲥⲁϣⲃⲉ ⲛϣⲉⲥⲁϣⲃⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛ ϩⲉⲛϣⲉⲉⲣⲉ 8ⲁⲩϣⲱⲡⲉ ⲛ[ϭⲓ] ⲛⲉϩⲟⲟⲩ ⲛⲥⲏⲑ ⲛⲧⲁϥⲱⲛϩ ⲙⲙⲁⲩ ⲯⲓⲥⲉ ⲛϣⲉ ⲙⲛⲧⲥⲛⲟⲟⲩⲥⲉ ⲛⲣⲟⲙⲡⲉ ⲁϥⲙⲟⲩ 9ⲁϥⲱⲛϩ ⲛϭⲓ ⲉⲛⲱⲥ ⲛϣⲉ ⲡⲥⲧⲁⲓⲟⲩ ⲛⲣⲟⲙⲡⲉ ⲁϥϫⲡⲟ ⲛⲕⲁⲓⲛⲁⲛ 10ⲁϥ[ⲱⲛ]ϩ ⲛϭⲓ ⲉⲛⲱ[ⲥ ⲙⲛ]ⲛⲥⲁ ⲉⲧⲣⲉϥϫⲡⲟ ⲛⲕⲁⲓⲛⲁⲛ ⲛⲥⲁϣϥⲉ ⲛϣⲉ ⲙⲛⲧⲏ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛ ϩⲉⲛϣⲉⲉⲣⲉ 11ⲁⲩϣⲱⲡⲉ ⲇ[ⲉ] ⲛϭⲓ ⲛⲉϩⲟⲟⲩ ⲧⲏⲣⲟⲩ ⲛⲉⲛⲱⲥ ⲯⲓⲥⲉ ⲛϣⲉϯ ⲣⲟⲙⲡⲉ ⲁϥⲙⲟⲩ 12ⲁϥⲱⲛϩ ⲛϭⲓ ⲕⲁⲓⲛⲁⲛ ⲛϣⲉϣⲃⲉ ⲛⲣⲟⲙⲡⲉ ⲁϥϫⲡⲟ ⲙⲁⲗⲉⲗⲉⲏⲗ 13ⲁϥⲱⲛϩ ⲛϭⲓ ⲕⲁⲓⲛⲁⲛ ⲙⲛⲛⲥⲁ ⲉⲧⲣⲉϥϫⲡⲟ ⲙⲙⲁⲗⲉⲗⲉⲏⲗ ⲛⲥⲁϣϥ ⲛϣⲉϩⲙⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛ ϩⲉⲛϣⲉⲉⲣⲉ 14ⲁⲩϣⲱⲡⲉ ⲛϭⲓ ⲛⲉϩⲟⲟⲩ ⲧⲏⲣⲟⲩ ⲛⲕⲁⲓ[ⲛⲁⲛ] ⲯⲓⲥ ⲛϣⲉⲙⲏⲧⲉ ⲛⲣⲟⲙⲡⲉ ⲁϥⲙⲟⲩ 15ⲁϥⲱⲛϩ ⲛϭⲓ ⲙⲁⲗⲉⲗⲉⲏⲗ ⲛϣⲉ ⲥⲏⲧⲏ ⲛⲣⲟⲙⲡⲉ ⲁϥϫⲡⲟ ⲛⲓⲁⲣⲉⲑ 16ⲁϥⲱⲛϩ ⲛϭⲓ ⲙⲁⲗⲉⲗⲉⲏⲗ ⲙⲛⲛⲥⲁ ⲉⲧⲣⲉϥϫⲡⲟ ⲛⲓⲁⲣⲉⲑ ⲛⲥⲁϣϥ ⲛϣⲉ [ⲙ]ⲁⲁⲃⲉ ⲛⲣⲟⲙⲡⲉ ⲁϥϫⲡⲟ ⲛϩⲛϣⲏⲣⲉ ⲙⲛ ϩⲉⲛϣⲉⲉⲣⲉ 17ⲁⲩϣⲱⲡⲉ ⲛϭⲓ ⲛⲉϩⲟ[ⲟⲩ] ⲧⲏⲣⲟⲩ ⲙⲙⲁⲗ[ⲉ]ⲗⲉⲏⲗ ⲛⲧⲁϥⲱⲛϩ ⲙⲙⲟⲟⲩ ϣⲙⲟⲩⲛⲉ ⲛϣⲉ ⲡ<ⲥ>ⲧⲁⲓⲟⲩⲧⲏ ⲛⲣⲟⲙⲡⲉ ⲁϥⲙⲟⲩ 18ⲁϥⲱⲛϩ ⲛϭⲓ ⲓⲁⲣⲉⲇ ⲛϣⲉ ⲥⲉⲥⲛⲟⲟⲩⲥⲉ ⲛⲣⲟⲙⲡⲉ ⲁϥϫⲡⲟ ⲛⲉⲛⲱⲭ 19ⲁϥⲱⲛϩ ⲛϭⲓ ⲓⲁⲣⲉⲇ ⲙⲛⲛⲥⲁ ⲉⲧⲣⲉϥϫⲡⲟ ⲛⲉⲛⲱⲭ ⲛϣⲙⲟⲩⲛ ⲛϣⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛ ϩⲉⲛϣⲉⲉⲣⲉ 20ⲁⲩϣⲱⲡⲉ ⲛϭⲓ ⲛⲉϩⲟⲟⲩ ⲛⲓⲁⲣⲉⲇ ⲯⲓⲥ ⲛϣ[ⲉ] ⲥⲉⲥⲛⲟⲟⲩⲥⲉ ⲛⲣⲟⲙⲡⲉ ⲁϥⲙⲟⲩ 21ⲁϥⲱⲛϩ ⲛϭⲓ ⲉⲛⲱⲭ ⲛϣⲉ ⲥⲉⲧⲏ ⲛⲣⲟⲙⲡⲉ ⲁϥϫⲡⲟ ⲙⲙⲁⲑⲟⲩⲥⲁⲗⲁ 22ⲁⲉⲛⲱⲭ ⲇⲉ ⲉⲣⲁⲛⲁϥ ⲙⲡⲛⲟⲩⲧⲉ ⲁϥⲱⲛϩ ⲇⲉ ⲛϭⲓ ⲉⲛⲱⲭ ⲙⲛⲛⲥⲁ ⲉⲧⲣϥϫⲡⲟ ⲙⲙⲁⲑⲟⲩⲥⲁⲗⲁ ⲛϣⲏⲧ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛ ϩⲛϣⲉⲉⲣⲉ 23ⲁⲩϣⲱⲡⲉ ⲛ[ϭⲓ] ⲛⲉϩⲟⲟⲩ ⲧⲏⲣⲟⲩ ⲛⲉⲛⲱⲭ ϣⲙⲛⲧϣⲏ ⲥⲉⲧⲏ ⲛⲣⲟⲙⲡⲉ 24ⲁⲉⲛⲱⲭ ⲇⲉ ⲉⲣⲁⲛⲁϥ ⲙⲡⲛⲟⲩⲧⲉ ⲁⲩⲱ ⲙⲡⲟⲩϩⲉ ⲉⲣⲟϥ ϫⲉ ⲁⲡⲛⲟⲩⲧⲉ ⲡⲟⲟⲛⲉϥ ⲉⲃⲟⲗ 25ⲁϥⲱⲛϩ ⲛϭⲓ ⲙⲁⲑⲟⲩⲥⲁⲗⲁ ⲛϣⲉ ⲥⲉⲧⲏ ⲛⲣⲟⲙⲡⲉ ⲁϥϫⲡⲟ ⲛⲗⲁⲙⲉⲭ 26ⲁϥⲱ<ⲛϩ> ⲛϭⲓ ⲙⲁⲑⲟⲩⲥⲁⲗⲁ ⲙⲛⲛⲥⲁ ⲉⲧⲣⲉϥϫⲡⲟ ⲛⲗⲁⲙⲉⲭ ⲛϣⲙⲟⲩⲛⲉ ⲛϣⲉ[ⲥⲛ]ⲧⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛ ϩⲉⲛϣⲉⲉⲣⲉ 27ⲁⲩϣⲱⲡⲉ ⲇⲉ ⲛϭⲓ ⲛⲉϩⲟⲟⲩ ⲧⲏⲣⲟⲩ ⲙⲙⲁⲑⲟⲩⲥⲁⲗⲁ ⲛⲧⲁϥⲱⲛϩ ⲙⲙⲁⲩ ⲯⲓⲥⲉ ⲛϣⲉ ⲥⲉⲯⲓⲥⲉ ⲛⲣⲟⲙⲡⲉ ⲁϥⲙⲟⲩ 28ⲁϥⲱⲛϩ ⲛϭⲓ ⲗⲁⲙⲉⲭ ⲛϣⲉ ϩⲙⲉ ϣⲙⲏⲛ[ⲉ ⲛ]ⲣⲟⲙⲡⲉ ⲁϥϫⲡⲟ ⲛⲟⲩϣⲏⲣⲉ 29ⲁϥⲙⲟⲩⲧⲉ ⲉⲡ[ⲉϥⲣⲁ]ⲛ ϫⲉ ⲛⲱϩⲉ ⲉϥϫⲱ ⲙⲙⲟⲥ ϫⲉ ⲡⲁⲓ ⲛⲁϯ ⲉⲙⲧⲟⲛ ⲛⲁⲛ ⲉⲃⲟⲗ [ϩ]ⲛ ⲛⲉⲛϩⲃⲏⲩⲉ [ … 30 31 32
Copyright information for
CopSahBible2