Psa 121 | CopSahBible2 | STEP | ⲧⲱⲇⲏ ⲛⲛⲧⲱⲣⲧⲣ ⲁⲓⲉⲩⲫⲣⲁⲛⲉ ⲉϫⲛ ⲛⲉⲛⲧⲁⲩϫⲟⲟⲥ ⲛⲁⲓ ϫⲉ ⲧⲛⲛⲁⲃⲱⲕ ⲉⲡⲏⲓ ⲙⲡϫⲟⲉⲓⲥ

Psalms 121

1 ⲧⲱⲇⲏ ⲛⲛⲧⲱⲣⲧⲣ ⲁⲓⲉⲩⲫⲣⲁⲛⲉ ⲉϫⲛ ⲛⲉⲛⲧⲁⲩϫⲟⲟⲥ ⲛⲁⲓ ϫⲉ ⲧⲛⲛⲁⲃⲱⲕ ⲉⲡⲏⲓ ⲙⲡϫⲟⲉⲓⲥ 2 ⲛⲉⲣⲉⲛⲉⲛⲟⲩⲉⲣⲏⲧⲉ ⲁϩⲉⲣⲁⲧⲟⲩ ϩⲛ ⲛⲟⲩⲁⲩⲗⲏ ⲑⲓⲗ︤ⲏ︦ⲙ︥ 3 ⲑⲓⲗ︤ⲏ︦ⲙ︥ ⲉⲩⲕⲱⲧ ⲙⲙⲟⲥ ⲛⲑⲉ ⲛⲟⲩⲡⲟⲗⲓⲥ ⲉⲣⲉⲧⲉⲥⲙⲉⲧⲟⲭⲏ ϩⲓ ⲛⲉⲥⲉⲣⲏⲩ 4 ⲛⲧⲁⲛⲉⲫⲩⲗⲏ ⲅⲁⲣ ⲃⲱⲕ ⲉϩⲣⲁⲓ ⲉⲙⲁⲩ ⲛⲉⲫⲩⲗⲏ ⲙⲡϫⲟⲉⲓⲥ ⲡⲙⲛⲧⲣⲉ ⲙⲡⲓ︤ⲏ︦ⲗ︥ ⲉⲟⲩⲱⲛϩ ⲉⲃⲟⲗ ⲙⲡⲉⲕⲣⲁⲛ ⲡϫⲟⲉⲓⲥ 5 ϫⲉ ⲛⲧⲁⲩϩⲙⲟⲟⲥ ⲙⲙⲁⲩ ⲛϭⲓ ϩⲉⲛⲑⲣⲟⲛⲟⲥ ⲉⲩϩⲁⲡ ϩⲉⲛⲑⲣⲟⲛⲟⲥ ⲉⲡⲏⲓ ⲛⲇⲁⲩⲉⲓⲇ 6 ϣⲓⲛⲉ ⲛⲥⲁ ⲛⲉⲧϣⲟⲟⲡ ⲉⲩⲉⲓⲣⲏⲛⲏ ⲛⲑⲓⲗ︤ⲏ︦ⲙ︥ ⲁⲩⲱ ⲟⲩⲟⲩⲣⲟⲧ ⲛⲛⲉⲧⲙⲉ ⲙⲙⲟⲕ 7 ⲙⲁⲣⲉⲟⲩⲉⲓⲣⲏⲛⲏ ϣⲱⲡⲉ ϩⲛ ⲧⲉⲕϭⲟⲙ ⲁⲩⲱ ⲟⲩⲟⲩⲣⲟⲧ ϩⲛ ⲛⲉⲕⲟⲩⲟⲙⲧⲉ 8 ⲉⲧⲃⲉ ⲛⲁⲥⲛⲏⲩ ⲙⲛ ⲛⲉⲧϩⲓⲧⲟⲩⲱⲓ ⲛⲉⲓϫⲱ ⲇⲉ ⲛⲟⲩⲉⲓⲣⲏⲛⲏ ⲉⲧⲃⲏⲏⲧⲕ 9 ⲉⲧⲃⲉ ⲡⲏⲓ ⲙⲡϫⲟⲉⲓⲥ ⲡⲉⲛⲛⲟⲩⲧⲉ ⲁⲓϣⲓⲛⲉ ⲛⲥⲁ ϩⲉⲛⲁⲅⲁⲑⲟⲛ