Psa 123 | CopSahBible2 | STEP | ⲧⲱⲇⲏ ⲛⲛⲧⲱⲣⲧⲣ ⲛⲥⲁⲃⲏⲗ ϫⲉ ⲡϫⲟⲉⲓⲥ ϣⲟⲟⲡ ⲛⲁⲛ ⲙⲁⲣⲉⲡⲓ︤ⲏ︦ⲗ︥ ϫⲟⲟⲥ

Psalms 123

1 ⲧⲱⲇⲏ ⲛⲛⲧⲱⲣⲧⲣ ⲛⲥⲁⲃⲏⲗ ϫⲉ ⲡϫⲟⲉⲓⲥ ϣⲟⲟⲡ ⲛⲁⲛ ⲙⲁⲣⲉⲡⲓ︤ⲏ︦ⲗ︥ ϫⲟⲟⲥ 2 ϫⲉ ⲛⲥⲁⲃⲏⲗ ϫⲉ ⲡϫⲟⲉⲓⲥ ϣⲟⲟⲡ ⲛⲁⲛ ϩⲙ ⲡⲧⲣⲉⲛⲣⲱⲙⲉ ⲧⲱⲟⲩⲛ ⲉϫⲱⲛ 3 ⲛⲉⲩⲛⲁⲟⲙⲕⲛⲉⲛⲟⲛϩ ⲡⲉ ϩⲙ ⲡⲧⲣⲉⲡⲉⲩϭⲱⲛⲧ ⲛⲟⲩϭⲥ ⲉϩⲣⲁⲓ ⲉϫⲱⲛ 4 ⲛⲉⲩⲛⲁⲟⲙⲕⲛⲉⲛⲟⲛϩ ⲡⲉ ⲉⲣⲉⲡⲙⲟⲟⲩ ⲛⲁⲟⲙⲥⲛ ⲡⲉ 5 ⲁⲧⲉⲛⲯⲩⲭⲏ ⲉⲓ ⲉⲃⲟⲗ ϩⲓⲧⲛ ⲟⲩⲙⲟⲩ ⲛⲥⲱⲣⲙ ⲛⲉⲣⲉⲧⲉⲛⲯⲩⲭⲏ ⲛⲏⲩ ⲉⲃⲟⲗ ϩⲓⲧⲙ ⲡⲙⲟⲟⲩ ⲉⲧϣⲧⲣⲧⲱⲣ 6 ⲡϫⲟⲉⲓⲥ ⲥⲙⲁⲙⲁⲁⲧ ⲉⲧⲉⲙⲡϥⲧⲁⲁⲛ ⲛϩⲣⲉ ⲛⲛⲉⲩⲛⲁϫϩⲉ 7 ⲁⲧⲉⲛⲯⲩⲭⲏ ⲛⲟⲩϩⲙ ⲛⲑⲉ ⲛⲟⲩϫⲁϫ ⲉⲡⲡⲁϣ ⲛⲛϭⲉⲣⲏϭ ⲁⲡⲡⲁϣ ⲟⲩⲱϣϥ ⲁⲩⲱ ⲁⲛⲟⲛ ⲁⲛⲛⲟⲩϩⲙ 8 ⲟⲩⲛⲃⲟⲏⲑⲉⲓⲁ ϣⲟⲟⲡ ⲛⲁⲛ ϩⲙ ⲡⲣⲁⲛ ⲙⲡϫⲟⲉⲓⲥ ⲡⲉⲛⲧⲁϥⲧⲁⲁⲙⲉ ⲧⲡⲉ ⲙⲛ ⲡⲕⲁϩ