Psalms 127
1ⲧⲱⲇⲏ ⲛⲛⲧⲱⲣⲧⲣ ⲛⲁⲓⲁⲧⲟⲩ ⲛⲟⲩⲟⲛ ⲛⲓⲙ ⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲉⲧⲙⲟⲟϣⲉ ϩⲛ ⲛⲉϥϩⲓⲟⲟⲩⲉ 2ⲕⲛⲁⲟⲩⲱⲙ ⲛⲛⲕⲁⲣⲡⲟⲥ ⲛⲛⲉⲕϩⲓⲥⲉ ⲛⲁⲓⲁⲧⲕ ⲁⲩⲱ ⲡⲡⲉⲧⲛⲁⲛⲟⲩϥ ⲛⲁϣⲱⲡⲉ ⲙⲙⲟⲕ 3ⲧⲉⲕⲥϩⲓⲙⲉ ⲛⲁⲣⲑⲉ ⲛⲛⲓⲃⲱ ⲛⲉⲗⲟⲟⲗⲉ ⲉⲧⲣⲟⲟⲩⲧ ϩⲛ ⲛⲕⲗϫⲉ ⲙⲡⲉⲕⲏⲓ ⲛⲉⲕϣⲏⲣⲉ ⲛⲑⲉ ⲛϩⲉⲛϫⲟⲉⲓⲧ ⲛⲧⲱϭⲉ ⲛⲃⲣⲣⲉ ⲙⲡⲕⲱⲧⲉ ⲛⲧⲉⲕⲧⲣⲁⲡⲉⲍⲁ 4ⲉⲓⲥ ϩⲏⲏⲧⲉ ⲉϥⲛⲁϫⲓⲥⲙⲟⲩ ⲛⲧⲉⲓϩⲉ ⲛϭⲓ ⲡⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ 5ⲉⲣⲉⲡϫⲟⲉⲓⲥ ⲥⲙⲟⲩ ⲉⲣⲟⲕ ⲉⲃⲟⲗ ϩⲛ ⲥⲓⲱⲛ ⲛⲅⲛⲁⲩ ⲉⲛⲁⲅⲁⲑⲟⲛ ⲛⲑⲓⲗ︤ⲏ︦ⲙ︥ ⲛⲛⲉϩⲟⲟⲩ ⲧⲏⲣⲟⲩ ⲙⲡⲉⲕⲱⲛϩ 6ⲁⲩⲱ ⲛⲅⲛⲁⲩ ⲉⲛϣⲏⲣⲉ ⲛⲛⲉⲕϣⲏⲣⲉ ϯⲣⲏⲛⲏ ⲉϫⲙ ⲡⲓ︤ⲏ︦ⲗ︥
Copyright information for
CopSahBible2