Psa 132 | CopSahBible2 | STEP | ⲧⲱⲇⲏ ⲛⲛⲧⲱⲣⲧⲣ ⲉⲓⲥ ϩⲏⲏⲧⲉ ⲟⲩ ⲡⲉⲧⲛⲁⲛⲟⲩϥ ⲏ ⲟⲩ ⲡⲉⲧⲛⲟⲧⲙ ⲛⲥⲁⲧⲣⲉϩⲉⲛⲥⲛⲏⲩ ⲟⲩⲱϩ ϩⲛ ⲟⲩⲙⲁ ⲛⲟⲩⲱⲧ

Psalms 132

1 ⲧⲱⲇⲏ ⲛⲛⲧⲱⲣⲧⲣ ⲉⲓⲥ ϩⲏⲏⲧⲉ ⲟⲩ ⲡⲉⲧⲛⲁⲛⲟⲩϥ ⲏ ⲟⲩ ⲡⲉⲧⲛⲟⲧⲙ ⲛⲥⲁⲧⲣⲉϩⲉⲛⲥⲛⲏⲩ ⲟⲩⲱϩ ϩⲛ ⲟⲩⲙⲁ ⲛⲟⲩⲱⲧ 2 ⲉⲩⲛⲁⲣⲑⲉ ⲙⲡⲥⲟϭⲛ ⲉⲧϩⲓϫⲛ ⲧⲁⲡⲉ ⲛⲁⲁⲣⲱⲛ ⲉⲧⲛⲏⲩ ⲉⲡⲉⲥⲏⲧ ⲉϫⲛ ⲧⲉϥⲙⲟⲣⲧ ⲉⲧⲛⲏⲩ ⲉⲡⲉⲥⲏⲧ ⲉϫⲛ ⲛⲥⲱⲃⲉ ⲛⲛⲉϥϩⲟⲉⲓⲧⲉ 3 ⲉⲩⲛⲁⲣⲑⲉ ⲛϯⲱⲧⲉ ⲛⲁⲉⲣⲙⲱⲛ ⲉⲧⲛⲏⲩ ⲉⲡⲉⲥⲏⲧ ⲉϫⲛ ⲛⲧⲟⲟⲩ ⲛⲥⲓⲱⲛ ϫⲉ ⲛⲧⲁⲡϫⲟⲉⲓⲥ ϩⲱⲛ ⲙⲙⲁⲩ ⲙⲡⲉϥⲥⲙⲟⲩ ⲟⲩⲱⲛϩ ϣⲁ ⲉⲛⲉϩ