Zephaniah 1
1 2 3 4 5 6 7 8 9 10 11 12 13 14ⲉⲓⲥ ϩⲏⲏⲧⲉ ⲁϥϩⲱⲛ ⲉϩⲟⲩⲛ ⲛϭⲓ ⲡⲛⲟϭ ⲛϩⲟⲟⲩ ⲙⲡ⳪ ⲉϥϩⲏⲛ ⲉϩⲟⲩⲛ ⲁⲩⲱ ϥⲛⲁⲉⲓ ⲛⲧⲉⲩⲛⲟⲩ ⲡⲉϩⲣⲟⲟⲩ ⲙⲡϫⲟⲉⲓⲥ ⲁⲩⲧⲟϭϥ ϥⲥⲁϣⲉ ⲉϥⲛⲁϣⲧ ⲉϥϭⲙϭⲟⲙ 15ⲟⲩϩⲟⲟⲩ ⲛⲟⲣⲅⲏ ⲡⲉ ⲡⲉϩⲟⲟⲩ ⲉⲧⲙⲙⲁⲩ ⲟⲩϩⲟⲟⲩ ⲡⲉ ⲛⲑⲗⲓⲯⲓⲥ ϩⲓ ⲁⲛⲁⲅⲕⲏ ⲟⲩϩⲟⲟⲩ ⲡⲉ ⲛⲕⲁⲕⲉ ϩⲓ ϭⲟⲥⲙ ⲟⲩϩⲟⲟⲩ ⲛⲕⲗⲟⲟⲗⲉ ⲡⲉ ϩⲓ ϩⲧⲟⲙⲧⲙ 16ⲟⲩϩⲟⲟⲩ ⲛⲥⲁⲗⲡⲓⲅⲝ ϩⲓ ⲁⲩⲱ ⲕⲁⲕ ⲡⲉ ⲉϫⲛ ⲧⲛⲟϭ ⲙⲡⲟⲗⲓⲥ ⲁⲩⲱ ⲉϫⲛ ⲛⲧⲟⲟⲩ ⲉⲧϫⲟⲥⲉ 17ⲁⲩⲱ ϯⲛⲁϩⲉϫϩⲱϫ ⲛⲣⲱⲙⲉ ⲛⲥⲉⲙⲟⲟϣⲉ ⲛⲑⲉ ⲛϩⲛⲃⲉⲗⲗⲉⲩ ⲉⲧⲃⲉ ⲡⲁϣⲁⲓ ⲛⲛⲉⲩⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ϥⲛⲁⲡⲱϩⲧ ⲉⲃⲟⲗ ⲙⲡⲉⲩⲥⲛⲟϥ ⲛⲑⲉ ⲛⲟⲩⲕⲁϩ ⲁⲩⲱ ⲛⲉⲩⲥⲁⲣⲝ ⲛⲑⲉ ⲛϩⲛϩⲟⲓⲣⲉ 18ⲁⲩⲱ ⲡⲉⲩⲕⲉϩⲁⲧ ⲙⲛ ⲡⲉⲩⲛⲟⲩⲃ ⲛϥⲛⲁϣⲛⲁϩⲙⲟⲩ ⲁⲛ ϩⲙ ⲡⲉϩⲟⲟⲩ ⲛⲧⲟⲣⲅⲏ ⲙⲡ⳪ ⲉⲃⲟⲗ ϫⲉ ⲁ ⲡⲕⲁϩ ⲧⲏⲣϥ ⲱϫⲛ ϩⲛ ⲥⲱⲧⲉ ⲙⲡⲉϥϭⲱⲛⲧ ⲙⲛ ⲡⲉϥⲕⲱϩⲧ ⲉⲓⲥ ⲡϫⲟⲉⲓⲥ ⲛⲁⲉⲓⲣⲉ ⲛⲟⲩⲥⲩⲛⲧⲉⲗⲁⲓⲁ ⲙⲛ ⲟⲩϣⲧⲟⲣⲧⲣ ⲛⲛⲉⲧⲟⲩⲏϩ ϩⲓϫⲙ ⲡⲕⲁϩ
Copyright information for
CopSahBible2