Psa 53 | HilAPD | STEP | Ang maskil nga ginsulat ni David. Sa direktor sang mga manugkanta: Gamita ang instrumento nga mahalat. Nagasiling ang mga buang-buang sa ila kaugalingon, “Wala sing Dios!” Malain sila tanan kag makangilil-ad ang ila mga ginahimo. Wala sing bisan isa nga nagahimo sing maayo.

Psalms 53

Ang Kalaot sang mga Tawo

(Sal. 14)

Ang maskil ^{▼▼maskil: Posible ini nga pulong may kaangtanan sa musika ukon sa estilo sang pagsulat.} nga ginsulat ni David. Sa direktor sang mga manugkanta: Gamita ang instrumento nga mahalat.

1 Nagasiling ang mga buang-buang sa ila kaugalingon, “Wala sing Dios!”
Malain sila tanan kag makangilil-ad ang ila mga ginahimo.
Wala sing bisan isa nga nagahimo sing maayo.
2 Didto sa langit nagatan-aw ang Dios sa mga tawo sa pag-usisa
kon bala may ara nga nakaintiendi sang kamatuoran kag nagadangop sa iya.
3 Ang tanan nagbiya sa Dios kag palareho nga naglain ang ila kabuhi.
Wala gid sing bisan isa nga nagahimo sing maayo.

4 Wala bala nakahibalo ining malain nga mga tawo sang ila ginahimo?
Siyempre nakahibalo!
Ginakilkilan gani nila ang akon mga kasimanwa nga daw sa nagalamon lang sila sang pagkaon,
kag wala sila nagapangamuyo sa Dios.
5 Pero magakurog sila sa kahadlok nga wala pa gid nila maagyi sang una,
kay laptahon sang Dios ang ila mga tul-an.
Sila nga mga nagasalakay sa inyo nga mga Israelinhon pakahuy-an ninyo
tungod kay ginsikway sila sang Dios.
6 Kuntani magaabot na ang magaluwas sa Israel nga halin sa Zion.
Daw ano ayhan kamalipayon ang mga Israelinhon, ang katawhan sang Dios,
kon ibalik na niya ang ila maayo nga kahimtangan. ^{▼▼ibalik…kahimtangan: ukon, pabalikon na niya sila sa ila duta halin sa pagkabihag}

Psalms 53

Ang Kalaot sang mga Tawo

(Sal. 14)

Ang maskil ▼▼maskil: Posible ini nga pulong may kaangtanan sa musika ukon sa estilo sang pagsulat. nga ginsulat ni David. Sa direktor sang mga manugkanta: Gamita ang instrumento nga mahalat.

Ang maskil ^{▼▼maskil: Posible ini nga pulong may kaangtanan sa musika ukon sa estilo sang pagsulat.} nga ginsulat ni David. Sa direktor sang mga manugkanta: Gamita ang instrumento nga mahalat.