Psa 100 | KYC | STEP | Yuu muu peparaena wambu dupwame Kamongo kando kenane pyao karalapape.

Psalms 100

Lakando Lao Kenane Pingi

1 Yuu muu peparaena wambu dupwame Kamongo kando kenane pyao karalapape.
2 Mona pyakalyuo pyao kenane lapo pyao
rae maiyuo Kamongo lakando karalapape.

3 Kamongo doko Anatuŋu lao kame see nalapape.
Baame namwa wasiya dokona namwa banya wambu ingilyamo.
Namwa banya sipisipi dopale. ^{▼▼Tembole anda kambu dokona sangyu lao parami. (100:4)}

4 Tembole anda kambu dokona sangyu lao parami.
Andakare kolando dokopa Anatunya kingi minyalyuo
baa kando sangyu lao lakando pupwape.

5 Kamongo doko keyange.
Baame namwa kulisa palyuo mona reto karalu karenge.
Baame namwa yaki nyii nao namwa keta keyangeko pyuo puu penge.