Psa 121 | MMX | STEP | A milik aurut at lempatkaana, la a lok keretna, “Loklok tooro ria naba laa meava?”

Psalms 121

Leeme Silok Neni Lurutu See Pe Atdik

1 A milik aurut at lempatkaana, la a lok keretna, “Loklok tooro ria naba laa meava?” 2 Loklok tooro naba suusu xusuk boro at Leeme Silok, neni ga rudum li laxalibet mi lavatkangka.

3 Neni noxo ke xepe ba u la una subu; atla neni mo Lurutu See Pe ram kopmen na vunga.

4 Mo Lurutu See Pe at leme Israel neni xopmen na vunga xis kopla na vunga met. 5 Leeme Silok naba reven tatao u; neni naba nemen saparav u kusu nak lok see ram. 6 Laxangking noxo sev asongot ba u at levenaleng kangking la lagaaling noxo sev asongor u at lengkanimin.

7 Leeme Silok axa nabak lox asepsu amisix u basinge levenaniu; la ni naba kok avukar u. 8 Ni nabak lok see ram at levempatpas taram at nai levenaleng la ap mo bok levenaleng i tu melamgo.