1Cor 12 | Ndebele | STEP | Maqondana-ke le zipho zomoya , bazalwane, kangithandi ukuthi lingazi.

1 Maqondana-ke lezipho zomoya ^a, bazalwane, kangithandi ^b ukuthi lingazi. 2 Lazi ukuthi lalingabezizwe ^c ladonselwa ^d ezithombeni eziyizimungulu ^e, njengelikhokhelwayo. 3 Ngakho ngiyalazisa, ukuthi kakho umuntu okhuluma ngoMoya kaNkulunkulu ^f othi: UJesu uyisiqalekiso ^{▼▼ isiqalekiso: kumbe, isithuko.}; futhi kakho umuntu ongathi: UJesu uyiNkosi ^h, ngaphandle ngoMoya oNgcwele.

4 Kukhona-ke izipho ezehlukeneyo ⁱ, kodwa uMoya munye ^j. 5 Njalo kukhona ^k inkonzo ezehlukeneyo ^l, kodwa iNkosi yinye ^m. 6 Kukhona-ke imisebenzi ⁿ eyehlukeneyo, kodwa nguNkulunkulu munye ^o, osebenza konke kubo bonke ^p. 7 Kodwa ngulowo lalowo uphiwa ukubonakalisa ^q kukaMoya kulokho okulusizo. 8 Ngoba omunye uphiwa ngoMoya ilizwi lenhlakanipho ^r, lakomunye ilizwi lolwazi ^s, ngoMoya munye; 9 lakomunye ukholo ^t, ngoMoya munye ^u; lakomunye izipho zokusilisa ^v, ngoMoya munye; 10 lakomunye ukusebenza imisebenzi ^w yamandla ^x, lakomunye isiprofetho ^y, lakomunye ukwehlukanisa imimoya ^z, lakomunye inhlobo yendimi ^aa, lakomunye ukuchasisa indimi ^ab; 11 kodwa konke lokho lowoMoya munye uyakusebenza, ebabela ^ac ngulowo lalowo ngamunye njengokuthanda kwakhe ^ad.

12 Ngoba njengoba umzimba umunye ^ae, njalo ulezitho ezinengi, kodwa zonke izitho zalowomzimba munye, zizinengi, zingumzimba munye ^af; kunjalo-ke loKristu ^ag; 13 ngoba ngoMoya munye ^ah lathi sonke sabhabhathizelwa emzimbeni munye, loba amaJuda loba amaGriki ^ai, loba izigqili loba abakhululekileyo ^aj; futhi thina sonke sanathiswa ^ak kuMoya munye ^al. 14 Ngoba umzimba lawo kawusiso isitho sinye kodwa ezinengi. 15 Uba unyawo lungathi: Lokhu ngingesisandla, kangisikho okomzimba; kungeyisikho ngalokho kakusilo olomzimba yini? 16 Uba-ke indlebe ingathi: Lokhu ngingesilo ilihlo, kangisikho okomzimba; ngenxa yalokho kayisiyo yini eyomzimba? 17 Uba umzimba wonke ubuyilihlo, ngabe kungaphi ukuzwa? Uba wonke ubuyikuzwa, ngabe kungaphi ukunuka? 18 Kodwa khathesi-ke uNkulunkulu umisile ^am izitho, yileso laleso sazo, emzimbeni, njengokuthanda kwakhe ^{an
,} ^ao. 19 Kodwa uba zonke beziyisitho sinye, umzimba ngabe ungaphi? 20 Kodwa khathesi izitho zinengi ^ap, kodwa umzimba munye. 21 Ilihlo-ke lingeke latsho esandleni ukuthi: Kangikusweli. Kumbe futhi ikhanda ezinyaweni ukuthi: Kangilisweli; 22 kodwa kakhulukazi izitho zomzimba ezikhangeleka zibuthakathaka kakhulu, ziyadingeka; 23 lalezo ezomzimba esicabanga ukuthi zidelelekile kakhulu, yizo esizihlonipha ^{▼▼ esizazisa: kumbe, esizembesa inhlonipho.} ngokwengezelelwe kakhulu; lalezo ezethu ezingezinhle ^ar zilobuhle obengezelelwe kakhulu; 24 kanti ezinhle zethu kazikusweli; kodwa uNkulunkulu wawuhlanganisa umzimba, enika udumo olwengezelelwe kakhulu kwesikuswelayo, 25 ukuze kungabi khona ukwehlukana emzimbeni, kodwa izitho zinanzelelane ngokufananayo. 26 Uba-ke kuhlupheka isitho sinye, izitho zonke zihlupheka kanye laso; uba kudunyiswa isitho sinye, izitho zonke ziyajabula ^as kanye laso. 27 Lina-ke lingumzimba kaKristu ^{at
,} ^au, lezitho ^av ngamunye ngamunye ^aw. 28 Njalo uNkulunkulu ^ax umisile abathile ebandleni, kuqala abaphostoli ^{ay
,} ^az, okwesibili abaprofethi ^{ba
,} ^{bb
,} ^bc, okwesithathu abafundisi ^bd, besekusiba imisebenzi yamandla ^be, besekusiba izipho zokusilisa ^bf, izenzo ezisizayo ^bg, ubukhokheli ^bh, indimi ezehlukeneyo ^{▼▼ indimi ezehlukeneyo: kumbe, imihlobo yendimi.}. 29 Bonke bangabaphostoli yini? Bonke bangabaprofethi yini? Bonke bangabafundisi yini? Bonke benza imisebenzi yamandla yini? 30 Bonke balezipho zokusilisa yini ^bj? Bonke bakhuluma ngendimi yini ^bk? Bonke bayachasisa yini ^bl? 31 Kodwa fisani kakhulu ^bm izipho ezingcono. Njalo ngisalitshengisa indlela engcono kakhulukazi.