2Sa 22 | Ndebele | STEP | UDavida wasekhuluma eN kosi ni amazwi alelihubo mhla iN kosi imkhulula esandleni sezitha zakhe zonke lesandleni sikaSawuli .

bc19:9,43, 20:1,2,22

bd 8:1-14

be Isa 55:5

bf Mika 7:17

bg Hlab 76:10

bh Hlab 95:1; Dute 32:15; Hlab 89:26; Hlab 18:46

bi Hlab 144:2

bj 22:40; Hlab 59:1

bk Hlab 140:1

bl Roma 15:9; Hlab 18:49

bm Hlab 144:10

bn Hlab 89:20

bo 7:12,13,29; Hlab 89:29

2 Samuel 22

Ihubo lokubonga kukaDavida

1 UDavida wasekhuluma eNkosini amazwi alelihubo mhla iNkosi imkhulula esandleni sezitha zakhe zonke lesandleni sikaSawuli ^a. 2 Wasesithi ^b: INkosi ilidwala lami ^c, lenqaba yami, lomkhululi wami ^d; 3 uNkulunkulu wedwala lami ^e, ngizaphephela kuye ^f, isihlangu sami ^g, lophondo losindiso lwami ^h, inqaba yami ephakemeyo ⁱ, lesiphephelo sami ^j, umsindisi wami; ungisindisile odlakeleni. 4 Ngizabiza iNkosi edumisekayo ^k, ngakho ngizasindiswa ezitheni zami.

5 Ngoba izinsizi zokufa zingizingelezele, lezikhukhula zobubi zangethusa. 6 Izibopho zesihogo zangigombolozela, imijibila yokufa yayiphambi kwami. 7 Ekuhluphekeni kwami ngayibiza iNkosi, ngakhala kuNkulunkulu wami ^l; waselizwa ilizwi lami esethempelini lakhe, lokukhala kwami kwafinyelela endlebeni zakhe ^m. 8 Khona umhlaba wazamazama, wanyikinyeka ⁿ, izisekelo zamazulu zaqhaqhazela, zazamazama, ngoba wayethukuthele ^o. 9 Kwenyuka intuthu emakhaleni akhe, lomlilo ophuma emlonyeni wakhe waqothula; amalahle avuthiswa yiwo. 10 Wasekhothamisa amazulu, wehlela phansi ^p; lomnyama onzima wawungaphansi kwenyawo zakhe ^q. 11 Wasegada ikherubhi*, waphapha, wabonakala phezu kwempiko zomoya ^r. 12 Wasemisa umnyama waba ngamadumba inhlangothi zonke zakhe ^s, lokuqoqana kwamanzi, amayezi amnyama omkhathi. 13 Ekukhazimuleni okuphambi kwakhe kwavuthiswa amalahle omlilo. 14 INkosi yaduma isemazulwini ^t, loPhezukonke walikhupha ilizwi lakhe. 15 Yathuma imitshoko ^u, yabachitha; imibane, yabaphaphathekisa ^v. 16 Khona kwabonakala imisele yolwandle, kwembulwa izisekelo zomhlaba, ekusoleni kweNkosi ^w, ekuvutheleni komoya wamakhala ayo.

17 Iphezulu yathuma, yangibamba ^x, yangenyula emanzini amanengi ^y. 18 Yangophula esitheni sami esilamandla, kwabangizondayo, ngoba babelamandla kulami ^z. 19 Babephambi kwami osukwini lwenhlupheko yami, kodwa iNkosi yaba yisisekelo sami ^aa. 20 Yangikhuphela endaweni ebanzi ^ab, yangikhulula, ngoba yayithokoza ngami ^ac.

21 INkosi yangivuza njengokulunga kwami ^ad, yangibuyisela njengokuhlanzeka kwezandla zami ^ae. 22 Ngoba ngizilondolozile indlela zeNkosi ^af, kangisukanga kuNkulunkulu wami ngenkohlakalo. 23 Ngoba zonke izahlulelo zayo zaziphambi kwami ^ag, lezimiso zayo, kangiphambukanga kuzo. 24 Njalo ngangiqondile phambi kwayo ^ah, ngizinqandile ebubini bami. 25 Ngakho iNkosi ingibuyisele njengokulunga kwami ^ai, njengokuhlanzeka kwami phambi kwamehlo ayo.

26 Kolesihawu uzaziveza ulesihawu; koqotho uzaziveza uqotho ^aj; 27 kohlanzekileyo uzaziveza uhlanzekile; lakophambukileyo uzaziveza uphambukile. 28 Labantu abahlutshwayo uzabasindisa ^ak, kodwa amehlo akho aphezu kwabaziphakamisayo, uzabehlisela phansi. 29 Ngoba uyisibane sami, Nkosi, iNkosi izakhanyisa-ke ubumnyama bami. 30 Ngoba ngawe ngigijimile ngadabula phakathi kwebutho, ngoNkulunkulu wami ngeqe umthangala.

31 UNkulunkulu; indlela yakhe iphelele; ilizwi leNkosi lihloliwe ^al; uyisihlangu kubo bonke abaphephela kuye ^am. 32 Ngoba ngubani onguNkulunkulu ngaphandle kweNkosi? Njalo ngubani olidwala ngaphandle kukaNkulunkulu wethu ^an? 33 UNkulunkulu uyinqaba yami lamandla ^ao, owenza indlela yami iphelele ^ap. 34 Owenza inyawo zami zibe njengezezimpala ^aq, wangimisa ezingqongeni zami ^ar. 35 Ofundisela izandla zami impi, ukuze idandili lethusi ligotshiswe zingalo zami ^as. 36 Unginikile lesihlangu sosindiso lwakho, lokuzithoba kwakho kungikhulisile. 37 Wenze laba banzi inyathelo lami ngaphansi kwami, ukuze inqagala zami zingatsheleli ^at.

38 Ngixotshene lezitha zami ngazibhubhisa, kangibuyanga ngaze ngaziqeda. 39 Ngaziqeda, ngazigwaza, ukuze zingavuki; kodwa zawa ngaphansi kwenyawo zami. 40 Ngoba ungibhincise amandla kusenzelwa impi ^au, wabakhothamisela phansi kwami abangivukelayo ^av. 41 Unginike intamo yezitha zami, labo abangizondayo ngababhubhisa ^aw. 42 Bakhangela, kodwa engekho umsindisi; eNkosini, kodwa kayibaphendulanga ^ax. 43 Ngasengibacholisisa ^ay njengothuli lomhlaba ^az, ngabagxoba njengodaka lwezitalada ^ba, ngabatsahaza ^bb.

44 Wasungikhulula ekuphikiseni kwabantu bami ^bc, wangigcina ngiyinhloko yezizwe ^bd; abantu engangingabazi bangisebenzela ^be. 45 Abezizweni bazazehlisela phansi kimi; bangenela ukuzwa ngendlebe bazangilalela. 46 Abezizweni bazabuna, baphume ezinqabeni zabo ^bf bethuthumela ^bg. 47 INkosi iyaphila; njalo kalibusiswe idwala lami, kaphakanyiswe uNkulunkulu, idwala losindiso lwami ^bh; 48 uNkulunkulu onginika impindiselo, lowehlisela izizwe ngaphansi kwami ^bi; 49 longikhupha ezitheni zami; laphezu kwabangivukelayo wena wangiphakamisa ^bj; lemuntwini wodlakela wangikhulula ^bk. 50 Ngenxa yalokhu ngizakudumisa, Nkosi, phakathi kwezizwe, ngihubele ibizo lakho indumiso ^bl. 51 Ingumphotshongo wosindiso kuyo inkosi yayo ^bm, isenzela ogcotshiweyo wayo umusa ^bn, kuDavida, lenzalweni yakhe kuze kube nininini ^bo.