3Jo | Ndebele | STEP |

INCWADI YESITHATHU

KAJOHANE

3 John

Isibingelelo

1 Umdala ^a, kuye uGayusi othandekayo ^b, mina engimthanda ngeqiniso ^c.

2 Sithandwa, kuzo zonke izinto ngifisa ^{d
,} ^{▼▼ ngifisa: kumbe, ngithandaza.} ukuthi uphumelele njalo uphile ^f, njengalokhu umphefumulo wakho uphumelela. 3 Ngoba ngathokoza kakhulukazi ^g, lapho kufika abazalwane, befakazela iqiniso lakho ^h, njengoba wena uhamba eqinisweni ⁱ. 4 Kangilantokozo enkulu edlula lezizinto, ukuthi ngizwe ukuthi abantwana bami ^j bahamba eqinisweni ^k.

Inkathazo ebandleni ^l

5 Sithandwa, wenza ngokuthembeka loba yikuphi okwenza kubazalwane ^m lakwabemzini ⁿ, 6 abafakazele uthando lwakho phambi kwebandla ^o; uzakwenza kuhle uba ubaphelekezela ^p ngokufanele uNkulunkulu ^q. 7 Ngoba ngenxa yebizo lakhe baphumile bengemukeli lutho kwabezizwe ^r. 8 Ngakho thina sifanele ukubemukela abanjalo, ukuze sibe yizisebenzi kanye leqiniso ^s.

9 Ngabhalela ibandla; kodwa uDiyotrefe othanda ukuba ngowokuqala kubo kasemukeli. 10 Ngakho, uba ngifika, ngizakhumbuza imisebenzi yakhe ayenzayo, uyasihleba ngamazwi amabi ^t; futhi kakholiswa yilezizinto, yena uqobo kemukeli abazalwane, uyabalela lalabo abathanda ukukwenza, njalo uyabaxotsha ebandleni.

11 Sithandwa, ungakulingiseli okubi, kodwa okuhle ^u. Owenza okuhle ungokaNkulunkulu ^v; kodwa owenza okubi kambonanga uNkulunkulu ^w. 12 NgoDemetriyu kufakazwe yibo bonke, langeqiniso uqobo ^x; lathi futhi siyafakaza, lani liyazi ukuthi ubufakazi bethu buqinisile ^y.

Isicino

13 Bengilezinto ezinengi zokubhala, kodwa kangithandi ukukubhalela ngeyinki losiba ^z; 14 kodwa ngithemba ukukubona masinyane, sibe sesikhuluma umlomo ngomlomo ^{▼▼ ngomlomo: Gr., umlomo ngomlomo.}.

Ukuthula kakube kuwe. Abangane bayakubingelela. Bingelela abangane ngamabizo ^ab.