Acts 10

Umbono kaKorneliyu

1Kwakukhona eKesariya indoda ethile ngebizo nguKorneliyu ^a, induna yekhulu yebutho elithiwa ngeleIthaliya ^b, 2eqotho ^c lemesabayo uNkulunkulu kanye lendlu yayo yonke, eyenza imisebenzi yomusa eminengi ebantwini, ikhuleka njalonjalo kuNkulunkulu ^d; 3yabona ^e embonweni ngokucacileyo, ngokungaba lihola lesificamunwemunye* losuku ^f, ingilosi kaNkulunkulu ingena kuyo ^g, yasisithi kuyo: Korneliyu! 4Waseyijolozela ^h efikelwa yikwesaba wathi: Kuyini, Nkosi ⁱ? Yasisithi kuye: Imikhuleko yakho lezipho zakho kubayanga kwenyuke ^j kwaba yisikhumbuzo phambi kukaNkulunkulu ^k. 5Khathesi-ke thuma amadoda eJopha ^l, ubize uSimoni othiwa futhi nguPetro; 6yena ungenisile kuSimoni othile umtshuki wezikhumba, ondlu yakhe iselwandle ^m; yena uzakutshela ofanele ukwenze ⁿ. 7Kwathi ingilosi ebikhuluma loKorneliyu isihambile, wabiza ababili kwabendlu yakhe ^o, lowebutho oqotho ^p kulabo ababemlinda ^q, 8njalo eselandisile konke kubo, wabathuma eJopha.

Ukuhlehliswa kwengqondo kaPetro

9Njalo kusisa bona besahamba sebesondela emzini, uPetro wenyukela ^r phezu kophahla lwendlu ukuyakhuleka ^s, okungaba lihola lesithupha* ^t; 10waselamba kakhulu, wafuna ukudla; kwathi bona besamlungisela, ukuhlehliswa kwengqondo kwamehlela ^u, 11wasebona izulu livulekile ^v, lesitsha esithile sehlela kuye, njengelembu elikhulu, libotshwe ngamasondo amane, lisehliselwa emhlabeni; 12okwakukhona kulo izidalwa zonke ezilenyawo ezine zomhlaba lezeganga lezihuquzelayo lenyoni zezulu. 13Kwasekufika ilizwi kuye lathi: Sukuma, Petro, hlaba udle. 14Kodwa uPetro wathi: Hatshi bo, Nkosi; ngoba kangizake ngidle loba yini ^w engahlambulukanga ^x kumbe engcolileyo ^y. 15Ilizwi laphinda ngokwesibili kuye: Izinto uNkulunkulu azihlambululileyo, wena ungatsho ukuthi kazihlambulukanga ^z. 16Njalo lokhu kwenzeka kwaze kwaba kathathu; lesitsha sabuya saphakanyiselwa ezulwini. 17Kwathi uPetro esadidekile ngaphakathi kwakhe ^aa ukuthi ngabe uyini umbono awubonileyo ^ab, njalo khangela, amadoda ayethunywe evela kuKorneliyu, esebuzile indlu kaSimoni, ema ^ac esangweni ^ad, 18esememezile abuza ukuthi uSimoni, othiwa futhi nguPetro, ungenisile lapha yini. 19Kwathi uPetro esanakana ngombono, uMoya wathi kuye: Khangela, amadoda amathathu ayakudinga ^ae. 20Ngakho sukuma wehle, uhambe lawo ^af, ungathandabuzi ^ag; ngoba yimi engiwathumileyo. 21UPetro wasesehlela emadodeni avela kuKorneliyu ayethunywe kuye, wathi: Khangelani, yimi elimdingayo; yisizatho bani elize ngaso? 22Basebesithi: UKorneliyu induna yekhulu, indoda elungileyo lemesabayo uNkulunkulu ^ah, efakazelwa yisizwe sonke samaJuda ^ai, walayelwa nguNkulunkulu ^aj ngengilosi engcwele ukuthi akubizele endlini yakhe ^ak, njalo ezwe amazwi kuwe ^al. 23Ngakho esebabizele phakathi wabangenisa. Njalo kusisa uPetro waphuma wahamba labo, labanye ^am babazalwane ababeseJopha bahamba laye ^an.

Ukufika kukaPetro endlini kaKorneliyu

24Ngosuku olulandelayo basebengena eKesariya ^ao. LoKorneliyu wayebalindele, esebizele ndawonye izihlobo zakhe labangane abazwana laye. 25Kwathi sekwenzakele ukuthi uPetro angene, uKorneliyu wamhlangabeza, ewela enyaweni zakhe ^ap, wamkhonza ^aq. 26Kodwa uPetro emphakamisa, wathi: Sukuma; lami ngokwami ngingumuntu ^ar. 27Njalo esakhuluma layo wangena, wafica abanengi bebuthene ^as, 28wasesithi kubo: Lina liyazi ukuthi kakuvunyelwa emuntwini ongumJuda ^at ukuhlangana kumbe ukuya emuntwini wesinye isizwe ^au; kodwa uNkulunkulu ungitshengisile ukuthi ngingabizi muntu ngokuthi kahlambulukanga kumbe ungcolile ^av; 29ngakho-ke ngizile ngingaphikisanga nxa ngibizwa. Ngakho ngiyabuza, ukuthi ungibizele sizatho bani? 30UKorneliyu wasesithi: Ngensuku ezine ezidlulileyo ^aw kuze kube yilelihola ngangizila ukudla ^ax, ngehola lesificamunwemunye ngangikhuleka endlini yami ^ay; njalo khangela, indoda yema phambi kwami ^az yembethe isembatho esikhazimulayo ^{ba , bb}, 31yasisithi: Korneliyu, umkhuleko wakho uzwakele, lemisebenzi yakho yomusa ikhunjulwe phambi kukaNkulunkulu ^bc. 32Ngakho thumela eJopha, ubusubiza uSimoni othiwa futhi nguPetro; yena ungenisile endlini kaSimoni umtshuki wezikhumba ngaselwandle; ozakuthi angabuya akutshele ^bd. 33Ngakho ngahle ngathumela kuwe; njalo wena wenze kuhle ukuthi ufike. Ngakho khathesi sesikhona sonke phambi kukaNkulunkulu ukuze sizwe konke okulayelwe nguNkulunkulu ^be.

Intshumayelo kaPetro

34Kwathi uPetro evula umlomo, wathi ^bf: Ngeqiniso ngiyaqedisisa ukuthi uNkulunkulu kayisuye umkhangeli wobuso bomuntu ^bg; 35kodwa kuso sonke isizwe ^bh yena omesabayo lowenza ukulunga, uyemukeleka kuye ^bi. 36Ilizwi alithumela kubantwana bakoIsrayeli, ngevangeli etshumayela ukuthula ngoJesu Kristu ^bj (yena ^bk uyiNkosi yabo bonke ^bl). 37Lina liyalazi ilizwi elamenyezelwa eJudiya yonke, kusukela eGalili ^bm, emva kobhabhathizo uJohane alutshumayelayo; 38uJesu weNazaretha, ukuthi uNkulunkulu wamgcoba njani ngoMoya oNgcwele langamandla ^bn, owabhoda esenza okulungileyo njalo esilisa bonke labo abacindezelwe ngudiyabhola, ngoba uNkulunkulu wayelaye ^bo. 39Lathi singabafakazi bezinto zonke azenzayo elizweni lamaJuda leJerusalema ^bp; abambulala bamphanyeka esihlahleni ^bq. 40Yena uNkulunkulu wamvusa ngosuku lwesithathu, wasemnika ukuze abonakale ^br, 41kungeyisikho kubo bonke abantu ^bs, kodwa kubafakazi ababekhethwe ngaphambili nguNkulunkulu ^bt, kithi, esadla sanatha kanye laye emva kokuvuka kwakhe kwabafileyo ^bu. 42Wasesilaya ukuthi sitshumayele ebantwini ^bv, sifakaze ^bw ukuthi nguye ^bx omiswe nguNkulunkulu ukuba nguMehluli ^by wabaphilayo labafileyo ^bz. 43Ngaye bonke abaprofethi bafakaza ^ca, ukuthi wonke okholwa kuye ^cb uzakwemukela uthethelelo lwezono ngebizo lakhe ^cc.

Ukubhabhathizwa kukaKorneliyu labendlu yakhe

44Kwathi uPetro esakhuluma lawomazwi, uMoya oyiNgcwele wehlela phezu kwabo bonke abalizwayo ilizwi ^cd. 45Labokusoka abakholwayo basanganiseka ^ce, bonke ababefike loPetro ^cf, ukuthi isipho sikaMoya oNgcwele ^cg sathululelwa ^ch laphezu kwabezizwe ^ci; 46ngoba babezwa bekhuluma ngendimi, bekhulisa uNkulunkulu ^cj. Khona uPetro waphendula wathi ^ck: 47Ukhona yini ongala lamanzi, ukuthi laba bangabhabhathizwa ^cl, abemukele uMoya oyiNgcwele lanjengathi ^cm? 48Waselaya ukuthi babhabhathizwe ^cn ebizweni leNkosi ^co. Basebemcela ukuthi ahlale insuku ezithile.