Act 18 | Ndebele | STEP | Emva kwalezizinto uPawuli wasuka eAtene weza eKorinte .

1 Emva kwalezizinto uPawuli wasuka eAtene weza eKorinte ^a. 2 Wasefica umJuda othile uAkwila ^b ngebizo, owePontusi ngokuzalwa ^c, owayesanda ukufika evela eIthaliya, loPrisila umkakhe ^d (ngenxa yokulaya kukaKlawudiyosi ^e kokuthi wonke amaJuda kawasuke eRoma), waya kubo; 3 njalo ngoba babelomsebenzi ofananayo, wahlala kubo wasebenza ^f; ngoba babengabenzi bamathente ngomsebenzi. 4 Wasekhulumisana labo ^g esinagogeni amasabatha wonke ^h, wancenga amaJuda lamaGriki. 5 Kwathi uSilasi loTimothi ⁱ sebehlile bevela eMakedoniya ^j, uPawuli wacindezelwa nguMoya ^k, efakaza kumaJuda ^l ukuthi uJesu unguKristu ^m. 6 Kwathi emelana laye ehlambaza ⁿ, wathintitha izembatho ^o, wathi kuwo: Igazi lenu kalibe phezu kwekhanda lenu ^p; mina ngimsulwa ^q; kusukela khathesi ngizakuya kwabezizwe ^r. 7 Wasesuka lapho waya endlini yomunye obizo lakhe nguJustusi, okhonza uNkulunkulu, ondlu yakhe yayiseduze lesinagoge ^s. 8 Kodwa uKrispusi ^t umphathi wesinagoge wakholwa eNkosini ^u lendlu yakhe yonke ^v; labanengi kwabeKorinte balalela bakholwa babhabhathizwa ^w. 9 INkosi yasisithi kuPawuli ebusuku ^x ngombono ^y: Ungesabi, kodwa khuluma njalo ungathuli; 10 ngoba mina ngilawe ^z, njalo kakho ozakuhlasela ukukwenzela okubi; ngoba ngilabantu abanengi kulumuzi. 11 Njalo wahlala umnyaka lenyanga eziyisithupha, efundisa ilizwi likaNkulunkulu phakathi kwabo.

12 Kwathi uGaliyo engumbusi ^aa weAkaya ^ab, amaJuda amvukela uPawuli nganhliziyonye, amusa ^ac phambi kwesihlalo sokwahlulela ^ad, 13 esithi: Lo uncenga abantu ukuthi bakhonze uNkulunkulu ngokuphambene lomlayo ^ae. 14 Kodwa kwathi uPawuli esezavula umlomo ^af, uGaliyo wathi kumaJuda: Ngakho uba bekulento engalunganga kumbe inkohliso embi ^ag, maJuda, ngesizatho bengizalibekezelela ^ah; 15 kodwa uba kuyikuphikisana ngelizwi lamabizo ^ai, lomlayo phakathi kwenu ^aj, ziboneleni lina; ngoba mina kangithandi ukuba ngumahluleli walezizinto. 16 Wasewaxotsha esihlalweni sokwahlulela ^ak. 17 Wonke amaGriki asebamba uSostenesi ^al umphathi wesinagoge ^am, amtshaya phambi kwesihlalo sokwahlulela ^an. Njalo uGaliyo kaze azinanza lezizinto.

18 Kwathi uPawuli esahlezi insuku ezinengi, wavalelisa abazalwane ^ao, wasuka ngomkhumbi waya eSiriya ^ap, loPrisila ^aq loAkwila ^ar kanye laye, esephuce ikhanda ^as eKenikreya ^at, ngoba wayelesifungo ^au. 19 Sebefikile eEfesu ^av, wasebatshiya khona; kodwa yena engena esinagogeni ^aw wakhulumisana lamaJuda ^ax. 20 Sebemcelile ukuthi ahlale isikhathi esidanyana labo, kavumanga; 21 kodwa wabavalelisa ^ay esithi: Kufanele isibili ^az ukuthi ngigcine eJerusalema umkhosi ozayo ^ba; kodwa ngizabuyela kini njalo, uba uNkulunkulu evuma ^bb. Wasuka eEfesu ngomkhumbi ^bc, 22 njalo esefikile eKesariya ^bd, wenyuka wabingelela ibandla ^be; wehlela eAntiyoki ^bf.

Uhambo lwesithathu lukaPawuli. UApolo eEfesu

23 Njalo esechithe isikhathi esithile, wasuka, wadabula ngokulandelana ilizwe leGalathiya ^bg leFrigiya ^bh, eqinisa bonke ^{bi
,} ^bj abafundi ^bk.

24 Njalo umJuda othile, uApolosi ngebizo ^bl, umAleksandriya ^bm ngokuzalwa, eyindoda eyisikhulumi, wafika eEfesu ^bn, elamandla emibhalweni. 25 Lo wayefundisiwe indlela yeNkosi, njalo evutha emoyeni ^bo wakhuluma wafundisa ngokukhuthala izinto ezimayelana leNkosi ^bp, esazi ubhabhathizo lukaJohane kuphela ^bq; 26 lo waseqala ukukhuluma ngesibindi esinagogeni ^br. Kwathi sebemzwile uPrisila loAkwila ^bs, bamthathela kubo, bamchasisela ^bt indlela kaNkulunkulu ^bu ngokuqonda okukhulu ^bv. 27 Kwathi esethanda ukuchaphela eAkaya ^bw, abazalwane bemkhuthaza babhalela abafundi ukuthi bamemukele ^bx; okwathi esefikile wabasiza kakhulu abakholwa ngomusa ^by; 28 ngoba waphikisa ngamandla ^bz wawehlula ngokupheleleyo obala amaJuda ^ca, etshengisa ngemibhalo ^cb ukuthi uKristu unguJesu ^cc.