Act 4 | Ndebele | STEP | Kwathi besakhuluma ebantwini, abapristi lenduna yethempeli labaSadusi babafikela ,

1 Kwathi besakhuluma ebantwini, abapristi lenduna ^{▼▼ induna: kumbe, umbusi.} yethempeli labaSadusi babafikela ^b, 2 benengekile ngoba babefundisa abantu ^c, njalo betshumayela ukuvuka kwabafileyo ngoJesu ^d. 3 Babadumela ngezandla ^e, babafaka esitokisini kwaze kwaba kusisa; ngoba kwasekuhlwile ^f. 4 Kodwa abanengi abalizwayo ilizwi bakholwa; lenani lamadoda lalingaba zinkulungwane ezinhlanu ^g.

5 Kwasekusithi kusisa kwabuthana ababusi labadala lababhali babo eJerusalema ^h, 6 loAnasi umpristi omkhulu ⁱ, loKayafasi, loJohane, loAleksandro, labo bonke abendlu yompristi omkhulu ^j. 7 Sebebamise phakathi, babuza: Lokhu lina likwenze ngawaphi amandla kumbe ngaliphi ibizo ^k? 8 Khona uPetro egcwaliswe nguMoya oNgcwele wathi kubo ^l: Babusi babantu labadala bakoIsrayeli ^m, 9 nxa thina sibuzwa lamuhla ngomsebenzi omuhle emuntwini obuthakathaka emzimbeni ⁿ, ukuthi yena usiliswe ngani ^o; 10 kakwaziwe yini lonke laso sonke isizwe sakoIsrayeli, ukuthi ngebizo likaJesu Kristu umNazaretha ^p, lina elambethelayo, uNkulunkulu owamvusayo kwabafileyo ^q, ngaye lo umi lapha phambi kwenu esesilile. 11 Yena lo uyilitshe ^r elaliwa yini abakhi, eseliyinhloko yengonsi ^s. 12 Njalo kalukho usindiso komunye; ngoba kalikho lelinye ibizo ngaphansi kwezulu elinikiweyo phakathi kwabantu, esimele sisindiswe ngalo ^t.

13 Kwathi bebona isibindi sikaPetro loJohane ^u, njalo besazi ukuthi ^v babengabantu abangafundanga njalo bengabantu nje ^w, bamangala, njalo babazi ukuthi babeloJesu ^x, 14 kodwa bebona umuntu osilisiweyo emi labo, babengelakuphika lutho ^y. 15 Kodwa sebebalayile ukuthi baphume phandle emphakathini ^z, bacebisana bodwa, 16 besithi: Sizabenzani lababantu ^aa? Ngoba ukuthi isibonakaliso esidumisekayo senziwa yibo, kusobala kubo bonke abahlezi eJerusalema, njalo singekuphike ^ab; 17 kodwa ukuze kungabe kusanda phakathi kwabantu, asibaqonqosele ukuthi bangabe besakhuluma lamuntu ngalelibizo ^ac. 18 Basebebabiza, babalaya ukuthi bangakhulumi lakanye njalo bangafundisi ngebizo likaJesu ^ad. 19 Kodwa uPetro loJohane babaphendula bathi: Yehlukanisani ukuthi kulungile phambi kukaNkulunkulu ukulalela lina kuloNkulunkulu ^ae. 20 Ngoba thina ^af kasilakuyekela ukukhuluma ^ag izinto esizibonileyo lesizizwileyo. 21 Kwathi sebebaqonqosele futhi, babayekela bahamba; bengatholi lutho lokuthi bangabajezisa njani, ngenxa yabantu ^ah, ngoba bonke badumisa uNkulunkulu ^ai ngalokho okwenzakeleyo ^aj. 22 Ngoba umuntu wayeleminyaka edlula amatshumi amane esenziwa kuye lesisibonakaliso seselapho.

Ukukhuleka kwebandla

23 Kwathi sebeyekelwe basuka baya kwabakibo, bababikela konke abapristi abakhulu labadala abakutshiloyo kubo ^ak. 24 Kwathi bona sebezwile baphakamisela ilizwi nganhliziyonye kuNkulunkulu ^al, bathi: Nkosi ^am, wena unguNkulunkulu ^an owenza izulu lomhlaba lolwandle lakho konke okukukho ^ao; 25 owathi ngomlomo wenceku yakho uDavida: Kungani abezizwe bexokozela, labantu banakane okuyize? 26 Amakhosi omhlaba ema, lababusi bahlangana ndawonye ukumelana leNkosi ^ap, lokumelana loGcotshiweyo wayo ^aq; 27 ngoba isibili bahlangana ndawonye bemelane ^ar leNdodana yakho engcwele uJesu ^as, owayigcobayo ^at, bonke uHerodi ^au loPontiyusi Pilatu ^av, kanye labezizwe ^aw labantu bakoIsrayeli ^ax, 28 ukwenza konke isandla sakho lecebo lakho elakumisa phambili ukuthi kwenzeke ^ay. 29 Njalo ngalesisikhathi, Nkosi, khangela ukusonga kwabo ^az, unike izinceku zakho ukuthi zikhulume ilizwi lakho ngesibindi sonke ^ba, 30 ngokuthi welule isandla sakho ukusilisa, lokuthi kwenziwe izibonakaliso lezimangaliso ^bb ngebizo ^bc leNdodana yakho engcwele uJesu ^bd. 31 Kwathi sebekhulekile kwazanyazanyiswa indawo ababebuthene kuyo ^be, basebegcwaliswa bonke ngoMoya oNgcwele ^bf, basebekhuluma ilizwi likaNkulunkulu ngesibindi ^bg.

Ukuhlanganyela kwebandla izinto zonke

32 Lexuku labakholwayo lalinhliziyonye ^bh lomoya munye ^bi; njalo kungekho oyedwa owathi ezintweni alazo ngezakhe, kodwa bahlanganyela izinto zonke ^bj. 33 Langamandla amakhulu ^bk abaphostoli baveza ubufakazi ^bl bokuvuka kweNkosi uJesu ^bm, lomusa omkhulu waba phezu kwabo bonke ^bn. 34 Ngoba kwakungekho futhi oswelayo phakathi kwabo; ngoba bonke ababengabanikazi bemihlaba kumbe izindlu, bathengisa baletha intengo zalokho okuthengisiweyo ^bo, 35 bayibeka enyaweni zabaphostoli ^bp; njalo kwabelwa ngulowo lalowo ^bq njengokuswela kwakhe ^br. 36 Kwathi uJose owabizwa ngabaphostoli ngokuthi nguBarnabasi ^bs, okuyikuthi ngokuphendulelwa, indodana yenduduzo, umLevi, umKuprosi ngokuzalwa ^bt, 37 elesiqinti, wasithengisa ^bu, waletha imali, wayibeka enyaweni zabaphostoli ^bv.