Dan 7 | Ndebele | STEP | Ngomnyaka wokuqala kaBelishazari inkosi yeBhabhiloni , uDaniyeli wabona iphupho lemibono yekhanda lakhe embhedeni wakhe . Lapho walibhala iphupho, wakhuluma indikimba yezindaba.

1 Ngomnyaka wokuqala kaBelishazari inkosi yeBhabhiloni ^a, uDaniyeli wabona iphupho ^{b
,} ^c lemibono yekhanda lakhe embhedeni wakhe ^d. Lapho walibhala iphupho, wakhuluma indikimba yezindaba. 2 UDaniyeli waphendula wathi: Ngabona embonweni wami ebusuku, khangela-ke, imimoya yomine yamazulu yavumbuluka phezu kolwandle olukhulu ^e. 3 Izilo ezine ezinkulu zakhuphuka elwandle ^f, zehlukile esinye kwesinye ^g. 4 Esokuqala sasinjengesilwane ^{h
,} ⁱ, esilempiko zenkozi ^j. Ngakhangela zaze zacuthwa impiko zaso, sasesiphakanyiswa sisuswa emhlabeni ^k, samiswa ngenyawo njengomuntu, sanikwa inhliziyo yomuntu ^l. 5 Khangela-ke esinye isilo, esesibili ^m, sasinjengebhere ⁿ, sazimisa ehlangothini olulodwa, silembambo ezintathu emlonyeni waso phakathi kwamazinyo aso. Basebesithi njalo kuso: Sukuma, udle inyama enengi. 6 Emva kwalokhu ngabona, khangela-ke esinye ^o, sasinjengengwe ^p, silempiko ezine zenyoni emhlana waso ^q, njalo isilo sasilamakhanda amane ^r, lokubusa kwaphiwa kuso. 7 Emva kwalokhu ngabona emibonweni yebusuku ^s, khangela-ke isilo sesine ^{t
,} ^u, esesabekayo, esethusayo, silamandla kakhulukazi ^v, silamazinyo amakhulu ensimbi ^w, sadla ^x safohloza ^y, sanyathela okuseleyo ngenyawo zaso ^z. Njalo sasehlukile kuzo zonke izilo ezazingaphambi kwaso ^{aa
,} ^ab; futhi sasilempondo ezilitshumi ^ac. 8 Ngakhangelisisa izimpondo, khangela-ke, kwenyuka phakathi kwazo olunye uphondo oluncinyane ^ad; lezintathu zezimpondo zokuqala zasitshunwa ngezimpande phambi kwalo ^ae; khangela-ke, amehlo anjengamehlo ^af omuntu ^ag aba sephondweni lolu, lomlomo ^ah okhuluma izinto ezinkulu ^ai.

9 Ngakhangela, kwaze kwabekwa izihlalo zobukhosi ^aj, kwahlala oMdala wezinsuku ^ak, ozembatho zakhe ^al zazimhlophe njengeliqhwa elikhithikileyo ^am, lenwele zekhanda lakhe njengoboya bemvu obuhlanzekileyo ^an; isihlalo sakhe sobukhosi sililangabi lomlilo ^ao, amavili aso angumlilo ovuthayo ^ap. 10 Isifudlana somlilo sageleza saphuma phambi kwakhe ^aq. Inkulungwane zezinkulungwane ^ar zamkhonza ^as, lezinkulungwane ezilitshumi zezinkulungwane ezilitshumi zema phambi kwakhe ^at. Isahlulelo sazimisa ^au, lezincwadi zavulwa ^av. 11 Lapho ngakhangela ngenxa yomsindo wamazwi amakhulu uphondo olwawakhulumayo ^aw. Ngakhangela saze sabulawa isilo ^ax, lomzimba waso wachithwa ^ay, wanikelwa emlilweni obhebhayo ^az. 12 Mayelana lezinye izilo, umbuso wazo wasuswa ^ba, kanti ukwelulwa empilweni kwanikwa kuzo kwaze kwaba yisikhathi esimisiweyo lethuba. 13 Ngabona emibonweni yebusuku ^bb, khangela-ke, onjengendodana yomuntu ^{bc
,} ^bd weza ngamayezi amazulu ^be, wafika kuMdala wezinsuku ^bf, basebemsondeza phambi kwakhe. 14 Wasenikwa ukubusa, lodumo, lombuso ^bg, ukuze bonke abantu, izizwe, lezindimi kumkhonze ^bh. Ukubusa kwakhe kuyikubusa kwaphakade ^bi, okungayikudlula ^bj, lombuso wakhe ngongayikuchithwa ^bk.

15 Mina Daniyeli, umoya wami wadabuka phakathi komzimba ^bl, lemibono yekhanda lami yangethusa ^bm. 16 Ngasondela komunye wababemi khona ^bn, ngabuza kuye iqiniso lakho konke lokhu. Wasengitshela, wangazisa ingcazelo yezindaba. 17 Lezizilo ezinkulu, zozine, zingamakhosi amane, azasukuma evela emhlabeni ^bo. 18 Kodwa abangcwele boPhezukonke ^bp bazakwemukela umbuso ^bq, babe lombuso kuze kube phakade ^br, ngitsho kuze kube nini lanini.

19 Lapho ngathanda ukwazi iqiniso ngesilo sesine, esasehlukile kuzo zonke ^bs, sisesabeka kakhulukazi ^bt, omazinyo aso ayengawensimbi, lenzipho zaso zingezethusi ^bu; sadla ^bv, safohloza ^bw, sanyathela okuseleyo ngenyawo zaso ^bx; 20 langezimpondo ezilitshumi ezazisekhanda laso ^by, lolunye olwenyukayo ^bz, lezawa phambi kwalo ezintathu ^ca; ngitsho lolophondo olwalulamehlo ^cb, lomlomo owakhuluma izinto ezinkulu, lokubonakala kwalo kwakukukhulu kulezinye ^cc. 21 Ngabona, ukuthi loluphondo lusilwa ^cd labangcwele ^ce, lwabanqoba ^cf, 22 kwaze kwafika oMdala wezinsuku ^cg, lesahlulelo saphiwa ^ch abangcwele boPhezukonke ^ci; kwasekufika isikhathi esimisiweyo sokuthi abangcwele babe lombuso ^{cj
,} ^ck.

23 Watsho njalo: Isilo sesine sizakuba ^cl ngumbuso wesine emhlabeni ^cm, ozakwehluka kuyo yonke imibuso ^cn, sidle wonke umhlaba, siwunyathelele phansi ^co, siwufohloze ^cp. 24 Mayelana lempondo ezilitshumi, amakhosi alitshumi azasukuma evela kulo umbuso ^cq, lenye izasukuma emva kwawo ^cr. Yona-ke izakwehluka kwawokuqala, iwehlisele phansi amakhosi amathathu ^cs. 25 Njalo izakhuluma ^{ct
,} ^cu amazwi imelene ^cv loPhezukonke ^cw, ihluphe njalonjalo ^cx abangcwele boPhezukonke ^cy, inakane ngokuguqula izikhathi lomlayo ^cz; njalo bazanikelwa esandleni sayo kuze kube yisikhathi lezikhathi lengxenye yesikhathi ^da. 26 Kodwa isahlulelo sizahlala ^db, basuse umbuso wayo, ukuthi bawuchithe bawuqede ^dc kuze kube sekupheleni ^dd. 27 Njalo umbuso lokubusa lobukhulu bemibuso ngaphansi kwamazulu wonke ^de kuzanikwa abantu babangcwele boPhezukonke ^df, ombuso wabo ngumbuso ongulaphakade, lemibuso yonke izamkhonza ilalele ^dg. 28 Kuze kube lapha yisicino sendaba. Mina Daniyeli ^dh, imicabango yami yangethusa kakhulu, lokucwebezela kobuso bami kwaguquka kimi; kodwa ngalugcina udaba enhliziyweni yami ^di.