Deu 12:11, 14, 18, 21, 26, 14:6-7, 11, 15-16, 23-25, 15:20, 16:2, 17:8, 18:6, 26:2, 31:11, Jos 9:27, 18:1, 1Ki 8:29, 2Ch 7:12, Psa 78:68 | Ndebele | STEP | khona kuzakuba lendawo iN kosi uNkulunkulu wenu ezayikhetha ukwenza ibizo layo lihlale lapho ; lizaletha lapho konke engililaya khona, iminikelo yenu yokutshiswa, lemihlatshelo yenu, lokwetshumi kwenu, lomnikelo wokuphakanyiswa wesandla senu, lezithembiso zenu zonke ezikhethekileyo elizazithembisa eN kosi ni.

Deuteronomy 12:11

11 khona kuzakuba lendawo iNkosi uNkulunkulu wenu ezayikhetha ukwenza ibizo layo lihlale lapho ^a; lizaletha lapho konke engililaya khona, iminikelo yenu yokutshiswa, lemihlatshelo yenu, lokwetshumi kwenu, lomnikelo wokuphakanyiswa wesandla senu, lezithembiso zenu zonke ezikhethekileyo elizazithembisa eNkosini.

Deuteronomy 12:14

14 kodwa endaweni iNkosi ezayikhetha kwesinye sezizwe zakho, lapho uzanikela iminikelo yakho yokutshiswa, lalapho uzakwenza konke engikulaya khona ^b.

Deuteronomy 12:18

18 Kodwa phambi kweNkosi uNkulunkulu wakho uzadlela lokho endaweni iNkosi uNkulunkulu wakho ezayikhetha, wena lendodana yakho lendodakazi yakho, lenceku yakho lencekukazi yakho, lomLevi ophakathi kwamasango akho; njalo uzathaba phambi kweNkosi uNkulunkulu wakho ^c kukho konke obeka isandla sakho kukho ^d.

Deuteronomy 12:21

21 Uba indawo iNkosi uNkulunkulu wakho ezayikhetha ukubeka ibizo layo khona ikhatshana lawe, uzahlaba enkomeni zakho loba ezimvini zakho iNkosi ekunike zona, njengokukulaya kwami, uzakudlela phakathi kwamasango akho, njengokwesifiso sonke somphefumulo wakho ^e.

Deuteronomy 12:26

26 Kuphela izinto ezingcwele olazo ^f, lezithembiso zakho, uzazithatha, uye endaweni iNkosi ezayikhetha ^g.

Deuteronomy 14:6-7

6 layo yonke inyamazana edabula isondo, edabula okudabukileyo kube zinklagu ezimbili, eyetshisayo phakathi kwezinyamazana; leyo lingayidla. 7 Kodwa lezi kaliyikuzidla kuzo ezetshisayo, lakuzo ezidabula isondo elidabukileyo: Ikamela lomvundla lembila, ngoba ziyetshisa kodwa kazidabulanga isondo; zingcolile kini.

Deuteronomy 14:11

11 Zonke inyoni ezihlambulukileyo lingazidla.

Deuteronomy 14:15-16

15 lesikhova, lomandukulo, lenkanku, lokhozi ngohlobo lwalo, 16 isikhova esincinyane, lesikhova esikhulu, lesikhova esimhlophe,

Deuteronomy 14:23-25

23 Njalo uzakudla phambi kweNkosi uNkulunkulu wakho, endaweni ezayikhetha ukuthi ibeke ibizo layo khona, okwetshumi kwamabele akho, okwewayini lakho elitsha, lokwamafutha akho ^h, lamazibulo enkomo zakho lawezimvu zakho, ukuze ufunde ukuyesaba iNkosi uNkulunkulu wakho insuku zonke ⁱ. 24 Uba-ke indlela inde kakhulu kuwe, uze wehluleke ukukuthwala, ngoba ikhatshana kakhulu lawe indawo iNkosi uNkulunkulu wakho ezayikhetha ukuthi ibeke ibizo layo khona, lapho iNkosi uNkulunkulu wakho ikubusisile ^j, 25 uzakuguqula-ke kube yimali, ubophele imali esandleni sakho, uye endaweni iNkosi uNkulunkulu wakho ezayikhetha ^k,

Deuteronomy 15:20

20 Phambi kweNkosi uNkulunkulu wakho uzalidla, umnyaka ngomnyaka, endaweni iNkosi ezayikhetha, wena lendlu yakho ^l.

Deuteronomy 16:2

2 Ngakho uzahlabela iNkosi uNkulunkulu wakho iphasika, lezimvu lenkomo ^m, endaweni iNkosi ezayikhetha ukuthi ibeke ibizo layo khona ⁿ.

Deuteronomy 17:8

8 Uba kulodaba olulukhuni kakhulu kuwe ekwahluleleni ^o, phakathi kwegazi legazi, phakathi kwesahlulelo lesahlulelo, laphakathi kokutshaya lokutshaya, indaba zokuphikisana emasangweni akho, khona uzasukuma ^p uye endaweni iNkosi uNkulunkulu wakho ezayikhetha ^q,

Deuteronomy 18:6

6 Uba-ke umLevi esiza evela loba kukuliphi lamasango akho kuIsrayeli wonke lapho ahlala khona njengowezizwe, eze ^r ngesifiso sonke somphefumulo wakhe ^s endaweni iNkosi ezayikhetha ^t,

Deuteronomy 26:2

2 uthathe okokuqala kwezithelo zonke zomhlabathi ozakuletha kuvela elizweni lakho iNkosi uNkulunkulu wakho ekunika lona ^u, ukufake esitsheni ^v, uye endaweni iNkosi uNkulunkulu wakho ezayikhetha ukuhlalisa ibizo layo khona ^w.

Deuteronomy 31:11

11 lapho uIsrayeli wonke esefike ukubonakala phambi kweNkosi uNkulunkulu wakho endaweni ezayikhetha ^x, uwubale lumlayo phambi kukaIsrayeli wonke endlebeni zabo ^y.

Joshua 9:27

27 UJoshuwa wasebenza ngalolosuku baba ngabagamuli benkuni labakhi bamanzi benhlangano, labelathi leNkosi, kuze kube lamuhla ^z, endaweni ezayikhetha ^aa.

Joshua 18:1

1 Inhlangano yonke-ke yabantwana bakoIsrayeli yabuthana eShilo ^ab, yamisa khona ithente lenhlangano. Lelizwe lalehliselwe phansi phambi kwabo.

1 Kings 8:29

29 Ukuthi amehlo akho avulekele lindlu ebusuku lemini, indawo owatsho ngayo ^ac ukuthi: Ibizo lami lizakuba lapho; ukuze uzwe umkhuleko wenceku yakho ezawukhuleka kulindawo ^ad.

2 Chronicles 7:12

12 INkosi yasibonakala kuSolomoni ebusuku yathi kuye: Ngizwile umkhuleko wakho, sengizikhethele lindawo ukuba yindlu yomhlatshelo ^ae.

Psalms 78:68

68 Kodwa yakhetha isizwe sakoJuda, intaba yeZiyoni eyithandayo ^af.