Deu 14 | Ndebele | STEP | Lingabantwana beN kosi uNkulunkulu wenu . Kaliyikuzisika , lingenzi impabanga phakathi laphakathi kwamehlo enu ngenxa yabafileyo .

Deuteronomy 14

Izinto ezithile ezingafanele ukwenziwa emngcwabeni

1 Lingabantwana beNkosi uNkulunkulu wenu ^a. Kaliyikuzisika ^b, lingenzi impabanga phakathi laphakathi kwamehlo enu ngenxa yabafileyo ^c. 2 Ngoba uyisizwe esingcwele eNkosini uNkulunkulu wakho; leNkosi ikukhethile ^d ukuthi ube yisizwe esikhethekileyo kuyo, ngaphezu kwezizwe zonke ezisebusweni bomhlaba ^e.

Inyamazana ezihlambulukileyo lezingahlambulukanga

3 Ungadli loba yikuphi okunengekayo ^f. 4 Yilezi inyamazana elingazidla: Inkabi, imvu, lembuzi ^g, 5 indluzele ^h, lomziki ⁱ, lomziki olempondo ezilembaxambaxa ^j, lembuzi yeganga, lomtshwayeli, lenkabi yeganga, legogo ^k, 6 layo yonke inyamazana edabula isondo, edabula okudabukileyo kube zinklagu ezimbili, eyetshisayo phakathi kwezinyamazana; leyo lingayidla. 7 Kodwa lezi kaliyikuzidla kuzo ezetshisayo, lakuzo ezidabula isondo elidabukileyo: Ikamela lomvundla lembila, ngoba ziyetshisa kodwa kazidabulanga isondo; zingcolile kini. 8 Lengulube, ngoba idabula isondo kodwa kayetshisi; ingcolile kini. Lingadli okwenyama yazo, lingathinti izidumbu zazo ^l.

9 Lezi lingazidla kuzo zonke ezisemanzini: Zonke ezilempiko lamaxolo lingazidla. 10 Kodwa loba yikuphi okungelampiko lamaxolo lingakudli; kungcolile kini.

11 Zonke inyoni ezihlambulukileyo lingazidla. 12 Kodwa yilezi elingayikudla kuzo: Ukhozi lelinqe lengqungqulu edla inhlanzi, 13 lomzwazwa, lohelwane ^m, lelinqe ngohlobo lwalo ⁿ, 14 lalo lonke iwabayi ngohlobo lwalo, 15 lesikhova, lomandukulo, lenkanku, lokhozi ngohlobo lwalo, 16 isikhova esincinyane, lesikhova esikhulu, lesikhova esimhlophe, 17 lewunkwe, lelinqe elikhulu, letshayamanzi, 18 lengabuzane, lehemu ngohlobo lwalo, lemvenduna, lolulwane. 19 Lazo zonke izibungu ezilempiko zingcolile kini ^o; kazingadliwa ^p. 20 Zonke izinyoni ezihlambulukileyo lingazidla.

21 Lingabokudla langcuba; ungayinika owemzini ophakathi kwamasango akho ukuthi ayidle, loba uyithengise kowezizwe ^q; ngoba uyisizwe esingcwele eNkosini uNkulunkulu wakho ^r. Ungapheki izinyane lembuzi ngochago lukanina ^s.

Umthetho omayelana lokwetshumi

22 Uzanikela ngoqotho okwetshumi kwesithelo sonke senhlanyelo yakho, insimu ekuthelayo iminyaka ngeminyaka ^t. 23 Njalo uzakudla phambi kweNkosi uNkulunkulu wakho, endaweni ezayikhetha ukuthi ibeke ibizo layo khona, okwetshumi kwamabele akho, okwewayini lakho elitsha, lokwamafutha akho ^u, lamazibulo enkomo zakho lawezimvu zakho, ukuze ufunde ukuyesaba iNkosi uNkulunkulu wakho insuku zonke ^v. 24 Uba-ke indlela inde kakhulu kuwe, uze wehluleke ukukuthwala, ngoba ikhatshana kakhulu lawe indawo iNkosi uNkulunkulu wakho ezayikhetha ukuthi ibeke ibizo layo khona, lapho iNkosi uNkulunkulu wakho ikubusisile ^w, 25 uzakuguqula-ke kube yimali, ubophele imali esandleni sakho, uye endaweni iNkosi uNkulunkulu wakho ezayikhetha ^x, 26 uthenge ngaleyomali loba kuyini umphefumulo wakho okufisayo, izinkabi loba izimvu loba iwayini loba okunathwayo okulamandla, loba kuyini umphefumulo wakho okufisayo; udle khona phambi kweNkosi uNkulunkulu wakho, uthabe wena lendlu yakho ^y. 27 LomLevi ophakathi kwamasango akho, ungamdeli ^z, ngoba kalasabelo lelifa kanye lawe ^aa.

28 Ekupheleni kweminyaka emithathu uzakhupha konke okwetshumi kwezithelo zakho ngalowomnyaka, ukugcine phakathi kwamasango akho ^ab. 29 LomLevi ^ac, lokhu engelasabelo lelifa kanye lawe ^ad, lowemzini, lentandane, lomfelokazi, abaphakathi kwamasango akho, bazakuza, badle, basuthe, ukuze iNkosi uNkulunkulu wakho ikubusise emsebenzini wonke wesandla sakho owenzayo ^ae.