Exo 29:18, 25, 41, Lev 1:3, 5, 9-11, 13-14, 16-17, 2:2, 3:3, 4:35 | Ndebele | STEP | utshise inqama yonke elathini. Kungumnikelo wokutshiswa eN kosi ni, kuluqhatshi olumnandi, umnikelo owenzelwe iN kosi ngomlilo .

Exodus 29:18

18 utshise inqama yonke elathini. Kungumnikelo wokutshiswa eNkosini, kuluqhatshi olumnandi, umnikelo owenzelwe iNkosi ngomlilo ^a.

Exodus 29:25

25 Ukuthathe ezandleni zabo ^b, ukutshise phezu kwelathi phezu komnikelo wokutshiswa, ukuze kube luqhatshi olumnandi phambi kweNkosi; kungumnikelo owenzelwe iNkosi ngomlilo.

Exodus 29:41

41 Lelinye iwundlu ulinikele kusihlwa ^c, wenze kulo njengomnikelo wokudla wekuseni ^d, lanjengomnikelo wawo wokunathwayo, kube luqhatshi olumnandi ^e, umnikelo owenzelwe iNkosi ngomlilo.

Leviticus 1:3

3 Uba umnikelo wakhe ungumnikelo wokutshiswa ovela enkomeni, uzanikela iduna elingelasici ^f, alinikele emnyango wethente lenhlangano, ngokuthanda kwakhe, phambi kweNkosi.

Leviticus 1:5

5 Uzalihlaba ijongosi phambi kweNkosi; lamadodana kaAroni, abapristi, azanikela igazi, afafaze igazi elathini inhlangothi zonke ^g, elisemnyango wethente lenhlangano.

Leviticus 1:9-11

9 Kodwa imibilini yalo lemilenze yalo uzakugezisa ngamanzi ^h; njalo umpristi uzakutshisa konke elathini, kube ngumnikelo wokutshiswa, umnikelo owenziwe ngomlilo ⁱ oloqhatshi olumnandi eNkosini ^j.

10 Njalo uba umnikelo wakhe uvela emhlanjini, owezimvu loba owembuzi, kube ngumnikelo wokutshiswa, uzasondeza iduna elingelasici; 11 uzalihlabela eceleni kwelathi ngenyakatho ^k, phambi kweNkosi; njalo amadodana kaAroni, abapristi, azafafaza igazi lalo elathini inhlangothi zonke.

Leviticus 1:13-14

13 Kodwa uzagezisa imibilini lemilenze ngamanzi; lompristi uzakunikela konke, akutshise elathini; kungumnikelo wokutshiswa, umnikelo owenziwe ngomlilo oloqhatshi olumnandi eNkosini.

14 Uba-ke umnikelo wakhe eNkosini ungumnikelo wokutshiswa owezinyoni, uzanikela umnikelo wakhe uvela emajubeni ^l loba amaphuphu enkwilimba.

Leviticus 1:16-17

16 asuse isidlelo salo lensiba zalo, akulahle eceleni kwelathi ngempumalanga ^m, endaweni yomlotha, 17 aliqhaqhe ngempiko zalo, angalehlukanisi ⁿ; umpristi alitshise-ke elathini, phezu kwenkuni ezisemlilweni; kungumnikelo wokutshiswa ^o, umnikelo owenziwe ngomlilo oloqhatshi olumnandi eNkosini.

Leviticus 2:2

2 awulethe kumadodana kaAroni, abapristi, acuphe kuwo isandla sakhe esigcweleyo impuphu yawo ecolekileyo lokwamafutha awo, kanye lenhlaka yawo yonke; lompristi atshise isikhumbuzo sawo elathini, umnikelo ^p owenziwe ngomlilo, oloqhatshi olumnandi eNkosini ^q.

Leviticus 3:3

3 Uzanikela okuvela kuwo umhlatshelo weminikelo yokuthula umnikelo owenzelwe iNkosi ngomlilo, idanga ^r, lamahwahwa wonke asemibilini,

Leviticus 4:35

35 Lawo wonke amahwahwa awo uzawasusa njengalokhu amahwahwa ewundlu esuswa kuwo umhlatshelo weminikelo yokuthula ^s, lompristi awatshise elathini phezu kweminikelo yeNkosi eyenziwe ngomlilo. Ngalokho umpristi uzamenzela inhlawulo yokuthula ngesono sakhe asonileyo ^t, njalo uzathethelelwa.