Exo 29:26-27, 31, 34, Lev 7:31, 33, 37, 8:28 | Ndebele | STEP | Uzathatha isifuba senqama yokwehlukaniswa engekaAroni, usizunguze sibe ngumnikelo wokuzunguzwa phambi kweN kosi , njalo sibe yisabelo sakho.

Exodus 29:26-27

26 Uzathatha isifuba senqama yokwehlukaniswa engekaAroni, usizunguze sibe ngumnikelo wokuzunguzwa phambi kweNkosi, njalo sibe yisabelo sakho. 27 Uzasingcwelisa isifuba somnikelo wokuzunguzwa ^a lomlenze womnikelo wokuphakanyiswa ozunguzwayo lophakanyiswayo ^b, okwenqama yokwehlukaniswa, okwalokho okungokukaAroni lokwalokho okungokwamadodana akhe;

Exodus 29:31

31 Uzathatha-ke inqama yokwehlukaniswa, upheke inyama yayo endaweni engcwele ^c.

Exodus 29:34

34 Njalo uba kusala okwenyama yokwehlukaniswa kumbe okwesinkwa kuze kuse, tshisa okuseleyo ngomlilo ^d; kungadliwa, ngoba kungcwele.

Leviticus 7:31

31 Umpristi uzatshisa-ke amahwahwa elathini ^e, kodwa isifuba sibe ngesikaAroni lesamadodana akhe ^f.

Leviticus 7:33

33 Lowo phakathi kwamadodana kaAroni onikela igazi leminikelo yokuthula lamahwahwa uzazuza umlenze wokunene ube yisabelo sakhe.

Leviticus 7:37

37 Lo ngumlayo womnikelo wokutshiswa ^g, womnikelo wokudla ^h, lowomnikelo wesono ⁱ, lowomnikelo wecala ^j, lowokwehlukaniselwa ^k, lowomhlatshelo weminikelo yokuthula ^l,

Leviticus 8:28

28 UMozisi wasekuthatha ezandleni zabo, wakutshisa elathini phezu komnikelo wokutshiswa ^m, kwaba yikwehlukaniswa okoqhatshi olumnandi, kungumnikelo owenzelwe iNkosi ngomlilo.