Exo 29:27, Eze 45:1, 6-7, 12-13, 16, 18, 20-21 | Ndebele | STEP | Uzasingcwelisa isifuba somnikelo wokuzunguzwa lomlenze womnikelo wokuphakanyiswa ozunguzwayo lophakanyiswayo , okwenqama yokwehlukaniswa, okwalokho okungokukaAroni lokwalokho okungokwamadodana akhe;

27 Uzasingcwelisa isifuba somnikelo wokuzunguzwa ^a lomlenze womnikelo wokuphakanyiswa ozunguzwayo lophakanyiswayo ^b, okwenqama yokwehlukaniswa, okwalokho okungokukaAroni lokwalokho okungokwamadodana akhe;

Ezekiel 45:1

1 Kuzakuthi-ke lapho lisaba ilizwe ngenkatho ukuthi libe yilifa ^c, lizanikela ^d umnikelo eNkosini ^e, indawo engcwele yelizwe; ubude buzakuba yibude bezinkulungwane ezingamatshumi amabili lanhlanu ^f, lobubanzi buzakuba zinkulungwane ezilitshumi ^g. Leyo izakuba ngcwele kuyo yonke imingcele yayo inhlangothi zonke.

Ezekiel 45:6-7

6 Njalo lizanika imfuyo yomuzi, ububanzi bezinkulungwane ezinhlanu, lobude bamatshumi amabili lanhlanu ^h, maqondana ⁱ lomnikelo ongcwele ^j; izakuba ngeyendlu yonke kaIsrayeli ^k.

7 Njalo isiphathamandla ^l sizakuba lesabelo ^m ngapha langapha komnikelo ⁿ wesabelo esingcwele lakwemfuyo yomuzi, phambi komnikelo wesabelo ongcwele, laphambi kwemfuyo yomuzi, kusukela ngentshonalanga kuqonda entshonalanga, lakusukela ngempumalanga kuqonda empumalanga. Lobude buzaqondana lesinye sezabelo, kusukela emngceleni wentshonalanga kuze kube semngceleni wempumalanga.

Ezekiel 45:12-13

12 Leshekeli* lizakuba ngamagera* angamatshumi amabili ^o; amashekeli angamatshumi amabili, amashekeli angamatshumi amabili lanhlanu, lamashekeli alitshumi lanhlanu, azakuba yimane* ^p kini.

Mayelana leminikelo lemikhosi

13 Lokhu kungumnikelo elizawunikela ^q: Ingxenye eyodwa kweziyisithupha ye-efa ^r yehomeri yengqoloyi ^s, futhi lizakupha ingxenye eyodwa kweziyisithupha ye-efa* yehomeri yebhali ^t.

Ezekiel 45:16

16 Bonke abantu belizwe bazakuba kulowomnikelo kusenzelwa isiphathamandla koIsrayeli ^u.

Ezekiel 45:18

18 Itsho njalo iNkosi uJehova: Ngenyanga yokuqala, ngolokuqala lwenyanga ^v, uzathatha ijongosi elilithole lenkomo elingelasici ^w, uhlambulule indawo engcwele ^{x
,} ^y.

Ezekiel 45:20-21

20 Futhi uzakwenza njalo ngolwesikhombisa lwenyanga ngenxa yomuntu oduhayo ^z, langenxa yongelalwazi ^aa; ngokunjalo uzakwenzela indlu inhlawulo yokuthula ^ab. 21 Ngenyanga yokuqala ^ac, ngosuku lwetshumi lane lwenyanga, lizakuba lephasika, umkhosi wensuku eziyisikhombisa; isinkwa esingelamvubelo sizadliwa.