Gen 17:14, Exo 12:15, 30:38, 31:14, Lev 7:5-6, 9-10, 18, 20-21, 25, 27, 17:4, 18:29, 19:8, 20:3, 22:3, 23:29 | Ndebele | STEP | Lesilisa esingasokwanga, esinyama yejwabu laphambili lingasokwanga, lowomphefumulo uzaqunywa usuke esizweni sawo, weqile isivumelwano sami.

15 Insuku eziyisikhombisa lizakudla isinkwa esingelamvubelo ^a. Yebo ngosuku lokuqala lizakhupha imvubelo ezindlini zenu; ngoba wonke odla okuvutshelweyo kusukela kusuku lokuqala kuze kufike usuku lwesikhombisa, lowomphefumulo uzaqunywa usuke koIsrayeli ^b.

Exodus 30:38

38 Loba ngubani ozakwenza enjengayo ukuyinuka ^c, uzaqunywa asuke ebantwini bakibo.

Exodus 31:14

14 Ngakho gcinani isabatha, ngoba lingcwele kini; olonayo uzabulawa lokubulawa; ngoba wonke owenza umsebenzi ngalo, lowomphefumulo uzaqunywa usuke ebantwini bawo ^d.

Leviticus 7:5-6

5 lompristi uzakutshisa elathini kube ngumnikelo owenzelwe iNkosi ngomlilo; kungumnikelo wecala. 6 Wonke owesilisa kubapristi uzawudla ^e; kawudlelwe endaweni engcwele, uyingcwelengcwele ^f.

Leviticus 7:9-10

9 Lawo wonke umnikelo wokudla obhakwe eziko ^g, lakho konke okulungiswa epaneni ^h loba emganwini oyincence, kuzakuba ngokwalowompristi onikele ngakho. 10 Lawo wonke umnikelo wokudla ovutshwe ngamafutha kumbe owomileyo uzakuba ngowamadodana wonke kaAroni, enye njengenye.

Leviticus 7:18

18 Njalo uba okwenyama yomhlatshelo weminikelo yakhe yokuthula kudliwa lokudliwa ngosuku lwesithathu, okunikelayo kayikwemukeleka, kakuyikubalelwa kuye ⁱ; kuzakuba yisinengiso ^j, lomphefumulo odla okwayo uzathwala ububi bawo.

Leviticus 7:20-21

20 kodwa umphefumulo odla inyama yomhlatshelo weminikelo yokuthula, engeyeNkosi, lokungcola kwawo kuphezu kwawo ^k, lowomphefumulo uzaqunywa usuke ebantwini bawo ^l. 21 Njalo uba umphefumulo uthinta loba yini engcolileyo, ukungcola komuntu ^m, loba inyamazana engcolileyo ⁿ, kumbe loba yini engcolileyo eyisinengiso ^o, abesesidla okwenyama yomhlatshelo weminikelo yokuthula engeyeNkosi, lowomphefumulo uzaqunywa usuke ebantwini bawo ^p.

Leviticus 7:25

25 Ngoba loba ngubani odla amahwahwa enyamazana abanikela ngayo umnikelo owenzelwe iNkosi ngomlilo, lowomphefumulo odlayo uzaqunywa usuke ebantwini bawo.

Leviticus 7:27

27 Wonke umphefumulo odlayo loba yiliphi igazi, lowomphefumulo uzaqunywa usuke ebantwini bawo.

Leviticus 17:4

4 engakulethanga emnyango wethente lenhlangano ukunikela umnikelo eNkosini phambi kwethabhanekele leNkosi, igazi lizabalelwa lowomuntu, uchithile igazi; ngakho lowomuntu uzaqunywa asuke ebantwini bakibo ^q.

Leviticus 18:29

29 Ngoba wonke owenza okwalezizinengiso, imiphefumulo ekwenzayo izaqunywa isuke ebantwini bayo ^r.

Leviticus 19:8

8 Ngakho okudlayo uzathwala ububi bakhe, ngoba ungcolise okungcwele kweNkosi ^s; lalowomphefumulo uzaqunywa usuke ebantwini bawo ^t.

Leviticus 20:3

3 Mina-ke ngizamisa ubuso bami bumelane lalowomuntu ^u, ngimqume asuke phakathi kwabantu bakibo, ngoba enikele okwenzalo yakhe kuMoleki ^v, ukuze angcolise indlu yami engcwele ^w, eyise ibizo lami elingcwele ^x.

Leviticus 22:3

3 Tshono kibo uthi: Loba nguwuphi umuntu ezizukulwaneni zenu owenzalo yenu yonke osondela ezintweni ezingcwele, abantwana bakoIsrayeli abazingcwelisela iNkosi, nxa ukungcola kwakhe kuphezu kwakhe ^y, lowomuntu uzaqunywa asuke phambi kwami. NgiyiNkosi ^z.

Leviticus 23:29

29 Ngoba loba yiwuphi umphefumulo ongazithobiyo ngalona lolosuku uzaqunywa usuke ebantwini bakibo ^aa.