a35:30, 36:1; 1 Lan 2:20
b17:10,12
c35:31; 1 Kho 7:14
d35:34
e28:3
f36:8-38
g37:1-5
h37:6-9
i37:10-16
j37:17-24
k37:25-28
l38:1-7
m38:8
n35:19, 39:1,41; Nani 4:5,6
o30:25,31, 37:29
p30:7,34
q20:8, 23:12, 35:2; Levi 19:3,30, 26:2; Dute 5:12; Jer 17:22; Hez 20:12,20, 44:24
r35:2; Nani 15:35
s20:9
tGen 2:2; Eks 16:23, 20:10
u31:13; Hez 20:12,20
vGen 1:31, 2:2
w24:12, 32:15,16; Dute 4:13, 5:22, 9:10,11; 2 Kor 3:3

Exodus 31

Ukubizwa kukaBhezaleli loOholiyaba

1INkosi yasikhuluma kuMozisi yathi: 2Bona, ngibizile ngebizo uBhezaleli indodana kaUri indodana kaHuri a owesizwe sakoJuda b; 3ngimgcwalisile ngoMoya kaNkulunkulu, ekuhlakanipheni lekuqedisiseni lelwazini lakuyo yonke imisebenzi yobungcitshi c, 4ukuthi aqambe imisebenzi yobungcitshi, asebenze ngegolide langesiliva langethusi, 5ekubazeni amatshe ukuwafaka, lekubazeni izigodo, ukwenza yonke imisebenzi yobungcitshi. 6Mina-ke, khangela, nginike uOholiyaba indodana kaAhisamaki d owesizwe sakoDani kanye laye; lenhliziyweni yakhe wonke ohlakaniphileyo ngenhliziyo ngifake inhlakanipho e, ukuthi benze konke engikulaye khona, 7ithente lenhlangano f, lomtshokotsho wobufakazi g, lesihlalo somusa esiphezu kwawo h, lempahla yonke yethente, 8letafula lezitsha zalo i, loluthi lwesibane olucwengekileyo j lezitsha zalo zonke, lelathi lempepha k, 9lelathi lomnikelo wokutshiswa l lezitsha zalo zonke, lenditshi yokugezela lonyawo lwayo m, 10lezembatho ezifekethisiweyo, lezembatho ezingcwele zikaAroni umpristi, lezembatho zamadodana akhe, ukusebenza njengabapristi n, 11lamafutha okugcoba o, lempepha emnandi yendawo engcwele p; benze njengakho konke engikulaye khona.

Ukugcinwa kwamasabatha

12INkosi yasikhuluma kuMozisi isithi: 13Wena-ke, tshela abantwana bakoIsrayeli uthi: Isibili lizagcina amasabatha ami q; ngoba lokhu kuyisibonakaliso phakathi kwami lani ezizukulwaneni zenu, ukwazi ukuthi ngiyiNkosi elingcwelisayo. 14Ngakho gcinani isabatha, ngoba lingcwele kini; olonayo uzabulawa lokubulawa; ngoba wonke owenza umsebenzi ngalo, lowomphefumulo uzaqunywa usuke ebantwini bawo r. 15Insuku eziyisithupha kwenziwe umsebenzi s, kodwa ngosuku lwesikhombisa kulisabatha lokuphumula t, lingcwele eNkosini; wonke owenza umsebenzi ngesabatha uzabulawa lokubulawa. 16Ngakho abantwana bakoIsrayeli bazagcina isabatha, balilondoloze isabatha ezizukulwaneni zabo, libe yisivumelwano esilaphakade. 17Liyisibonakaliso phakathi kwami labantwana bakoIsrayeli kuze kube nini lanini u; ngoba ngensuku eziyisithupha iNkosi yenza amazulu lomhlaba v, kodwa ngosuku lwesikhombisa yaphumula, yavuselelwa.

18Wasemnika uMozisi, eseqedile ukukhuluma laye entabeni yeSinayi, izibhebhe ezimbili zobufakazi, izibhebhe zamatshe, zibhalwe ngomunwe kaNkulunkulu w.

Copyright information for Ndebele