Eze 11 | Ndebele | STEP | UMoya wasengiphakamisa , wangiletha esangweni lempumalanga lendlu yeN kosi , elikhangele ngempumalanga ; khangela-ke, emnyango wesango kwakukhona amadoda angamatshumi amabili lanhlanu ; laphakathi kwawo ngabona uJahazaniya indodana kaAzuri , loPelatiya indodana kaBhenaya, iziphathamandla zabantu .

1 UMoya wasengiphakamisa ^a, wangiletha esangweni lempumalanga lendlu yeNkosi, elikhangele ngempumalanga ^b; khangela-ke, emnyango wesango kwakukhona amadoda angamatshumi amabili lanhlanu ^c; laphakathi kwawo ngabona uJahazaniya indodana kaAzuri ^d, loPelatiya indodana kaBhenaya, iziphathamandla zabantu ^e. 2 Wasesithi kimi: Ndodana yomuntu, lawa ngamadoda acabanga inkohlakalo, aceba iseluleko esibi kulumuzi, 3 athi ^f: Kakuseduze ^g ukwakha izindlu ^h; lumuzi uyimbiza, lathi siyinyama ⁱ. 4 Ngakho profetha umelene lawo, profetha, ndodana yomuntu.

5 UMoya weNkosi wasewela phezu kwami, wathi kimi: Khuluma uthi: Itsho njalo iNkosi: Litshilo njalo, lina ndlu kaIsrayeli ^j, ngoba izinto ezivela engqondweni yenu, mina ngiyazazi yileyo laleyo yazo ^k. 6 Landisile ababuleweyo benu kulumuzi, lagcwalisa izitalada zawo ngababuleweyo ^l. 7 Ngakho itsho njalo iNkosi uJehova: Ababuleweyo benu elibabeke phakathi kwawo ^m, bona bayinyama ⁿ, lalo umuzi uyimbiza ^o; kodwa lina ngizalikhupha phakathi kwawo ^p. 8 Liyesabile inkemba, njalo ngizayiletha inkemba phezu kwenu, itsho iNkosi uJehova ^q. 9 Njalo ngizalikhupha phakathi kwawo ^r, ngilinikele esandleni sabezizwe ^s, ngenze izigwebo phakathi kwenu ^t. 10 Lizakuwa ngenkemba ^u, ngiligwebe emngceleni wakoIsrayeli ^v; njalo lizakwazi ukuthi ngiyiNkosi ^w. 11 Lo umuzi ^x kawuyikuba yimbiza yenu, kumbe lina libe yinyama phakathi kwawo ^y; ngizaligweba ^z emngceleni wakoIsrayeli ^aa. 12 Njalo lizakwazi ukuthi ngiyiNkosi; ngoba kalihambanga ezimisweni zami, lezahlulelo zami kalizenzanga ^ab, kodwa lenze njengokwezahlulelo zezizwe ezilihanqileyo ^ac.

13 Kwasekusithi ngisaprofetha ^ad, uPelatiya indodana kaBhenaya wafa ^ae. Ngasengisithi mbo ngobuso bami phansi, ngamemeza ngelizwi elikhulu ngathi ^af: Hawu, Nkosi Jehova ^ag, uzaqeda ^ah ngokupheleleyo yini insali yakoIsrayeli ^ai?

INkosi ithembisa ukubuyisa abathunjiweyo

14 Ilizwi leNkosi lafika kimi futhi lisithi: 15 Ndodana yomuntu, abafowenu, abafowenu, abantu bezihlobo zakho, layo yonke indlu yakoIsrayeli, yonke, bayilabo abahlali beJerusalema abathi kubo: Sukani khatshana leNkosi; lelilizwe linikwe thina ukuze libe yilifa.

16 Ngakho wothi: Itsho njalo iNkosi uJehova: Lanxa ngibase khatshana phakathi kwezizwe, njalo lanxa ngibahlakaze phakathi kwamazwe, kanti ngizakuba kubo ^aj yindawo engcwele encinyane emazweni abafika kiwo ^ak. 17 Ngakho wothi: Itsho njalo iNkosi uJehova: Yebo, ngizaliqoqa ezizweni ^al, ngilibuthe emazweni engilihlakazele kiwo ^am, ngilinike ilizwe lakoIsrayeli ^an. 18 Njalo bazafika kulo, basuse kulo ^ao zonke izinto ezinengekayo zalo ^ap lawo wonke amanyala alo ^aq. 19 Njalo ngizabanika inhliziyo eyodwa ^ar, ngifake umoya omutsha phakathi kwenu ^as, ngikhuphe inhliziyo yelitshe enyameni yabo ^at, ngibanike inhliziyo yenyama ^au; 20 ukuze bahambe ngezimiso zami, bagcine izahlulelo zami bazenze ^av; njalo bazakuba ngabantu bami ^aw, lami ngibe nguNkulunkulu wabo ^ax. 21 Kodwa labo abanhliziyo yabo ihamba ngokwenhliziyo yezinto zabo ezinengekayo ^ay lamanyala abo ^az, ngizakwehlisela indlela yabo phezu kwekhanda labo, itsho iNkosi uJehova ^ba.

22 Amakherubhi* asephakamisa impiko zawo ^bb, lamavili eceleni kwawo ^bc; lenkazimulo kaNkulunkulu kaIsrayeli yayiphezu kwawo ngaphezulu ^{bd
,} ^be. 23 Lenkazimulo yeNkosi yenyuka isuka phakathi komuzi ^bf, yema phezu kwentaba engasempumalanga komuzi ^bg.

24 UMoya wasengiphakamisa ^bh, wangisa ngombono ngoMoya kaNkulunkulu ^bi eKhaladiya kubo abokuthunjwa ^bj. Ngokunjalo umbono engangiwubonile wenyuka wasuka kimi. 25 Ngasengikhuluma kubo abokuthunjwa wonke amazwi eNkosi eyayingibonise wona.