Eze 23 | Ndebele | STEP | Ilizwi leN kosi lafika kimi futhi lisithi:

1 Ilizwi leNkosi lafika kimi futhi lisithi: 2 Ndodana yomuntu, kwakulabesifazana ababili, amadodakazi omfazi oyedwa ^a. 3 Basebesenza ubuwule ^b eGibhithe ^c; benza ubuwule ^d ebutsheni babo ^e; amabele abo abotozwa khonapho, lengono zobuntombi babo ^f zacindezelwa khonapho ^g. 4 Lamabizo abo ayenguOhola omdala, loOholiba umnawakhe ^h. Njalo babengabami ⁱ, bazala amadodana lamadodakazi ^j. Lamabizo abo: UOhola uyiSamariya, loOholiba uyiJerusalema ^k.

5 UOhola wasesenza ubuwule engaphansi kwami ^l, wakhanuka izithandwa zakhe ^m, amaAsiriya aseduze ⁿ, 6 agqoke okuluhlaza okwesibhakabhaka, abalawulimabutho lababusi ^{o
,} ^p, bonke bengamajaha aloyisekayo ^q, abagadi bamabhiza ^r begade amabhiza ^s. 7 Ngokunjalo wanika ubuwule bakhe kubo, bonke belikhethelo labantwana beAsiriya, lakubo bonke obakhanukayo ^t; wazingcolisa ngazo zonke izithombe zabo. 8 Futhi kabuyekelanga ubuwule bakhe abuya labo eGibhithe ^u, ngoba ebutsheni bakhe balala laye ^v, bona-ke bacindezela izingono zobuntombi bakhe, bathululela ukuphinga kwabo phezu kwakhe ^w. 9 Ngakho ngamnikela esandleni sezithandwa zakhe, esandleni sabantwana beAsiriya ^x ayebakhanuka ^y. 10 Bona baveza ubunqunu bakhe ^z; bathatha amadodana lamadodakazi akhe, bambulala ngenkemba; wasesiba libizo phakathi kwabesifazana ^aa, lapho benza isahlulelo phezu kwakhe ^ab.

11 Kwathi umnawakhe uOholiba ekubona ^{ac
,} ^ad, wonakala ^ae ekukhanukeni kwakhe kulaye ^af, lebuwuleni bakhe okwedlula ubuwule bukadadewabo. 12 Wakhanuka ^ag abantwana beAsiriya ^ah, abalawulimabutho lababusi abaseduze ^ai, abagqoke okupheleleyo ^aj, abagadi bamabhiza begade amabhiza ^ak, bonke bengamajaha akhanukekayo ^al. 13 Ngasengibona ukuthi ungcolisiwe; bobabili babelendlelanye. 14 Wasesengezelela ebuwuleni bakhe; lapho ebona abesilisa bebazwe ngokugujwa emdulini ^am, izithombe ^an zamaKhaladiya ^ao zibazwe ngokugujwa ngokubomvu ^ap, 15 bebhince ibhanti ezinkalweni zabo, belamaqhiye alengayo emakhanda abo, bonke bekhangeleka beyiziphathamandla, umfanekiso wabantwana beBhabhiloni, beKhaladiya, ilizwe lokuzalwa kwabo ^aq. 16 Wasebakhanuka ekubaboneni ngamehlo akhe ^ar, wathuma izithunywa kubo ^as eKhaladiya ^at. 17 Amadodana eBhabhiloni afika kuye embhedeni wothando, amngcolisa ngokuphinga kwawo, wasengcoliswa yiwo ^au; khona umphefumulo wakhe wehlukaniswa lawo ^av. 18 Wasesembula ubuwule bakhe, wembula ubunqunu bakhe; khona umphefumulo wami wehlukaniswa laye, njengalokhu umphefumulo wami wehlukaniswa lodadewabo ^aw. 19 Kodwa wandisa ubuwule bakhe ^ax, ngokukhumbula izinsuku zobutsha bakhe ^ay afebe ngazo elizweni leGibhithe ^az. 20 Wasekhanuka izithandwa zabo ^ba, onyama yazo iyinyama yabobabhemi ^{bb
,} ^bc, lokukhihliza kwazo kuyikukhihliza kwamabhiza ^bd. 21 Ngokunjalo wena wakhumbula amanyala obutsha bakho ^be, ekucindezelweni kwengono zakho ^bf ngamaGibhithe, ngenxa yamabele obutsha bakho ^bg.

22 Ngakho, wena Oholiba, itsho njalo iNkosi uJehova: Khangela, ngizavusa izithandwa zakho zimelane lawe, owehlukana lazo umphefumulo wakho ^bh, ngizilethe zimelane lawe zivela inhlangothi zonke ^bi; 23 abantwana beBhabhiloni, lamaKhaladiya wonke, iPekodi, leShowa, leKowa, labo bonke abantwana beAsiriya kanye labo ^bj, bonke bengamajaha akhanukekayo ^bk, abalawulimabutho, lababusi, izinduna, labalodumo, bonke begade amabhiza ^bl. 24 Njalo bazakuza bemelene lawe belezikhali, izinqola, lamavili, langexuku labantu ^bm; bazamisa bemelene lawe ihawu ^bn lesihlangu ^bo lekhowa inhlangothi zonke ^bp; njalo ngizabeka isigwebo phambi kwabo, bakugwebe njengokwezigwebo zabo ^bq. 25 Njalo ngizabeka ubukhwele bami bumelane lawe, bakuphathe ngolaka; bazasusa impumulo yakho lendlebe zakho, lensali yakho izakuwa ngenkemba; bona bazathatha amadodana lamadodakazi akho ^br, lensali yakho izadliwa ngumlilo ^bs. 26 Futhi bazakuhlubula izigqoko zakho ^bt, bathathe iziceciso zakho ezinhle ^bu. 27 Ngokunjalo ngizaqeda amanyala akho kuwe ^bv, lobuwule bakho owasuka labo elizweni leGibhithe, ukuze ungabe uphakamisela amehlo akho kubo, ungabe usakhumbula iGibhithe ^bw.

28 Ngoba itsho njalo iNkosi uJehova: Khangela, ngizakunikela esandleni salabo obazondayo ^bx, esandleni salabo umphefumulo wakho owehlukaniswe labo ^by. 29 Njalo bazakuphatha ngenzondo, bathathe wonke umtshikatshika wakho ^bz, bakutshiye unqunu uze ^ca; lobunqunu bobuwule bakho buzakwembulwa, lamanyala akho lobuwule bakho ^cb. 30 Lezizinto zizakwenziwa kuwe, ngoba ulandele abezizweni ngokuwula, langenxa yokuthi wangcoliswa ngezithombe zabo ^cc. 31 Uhambile ngendlela kadadewenu; ngakho ngizanikela inkezo yakhe esandleni sakho ^cd.

32 Itsho njalo iNkosi uJehova: Uzanatha inkezo kadadewenu ezikileyo lebanzi; uzakuba yinhlekisa lokuklolodelwa; imumethe okunengi ^ce. 33 Uzagcwala ukudakwa losizi ^cf, inkezo yesesabiso lencithakalo ^cg, inkezo kadadewenu iSamariya ^ch. 34 Yebo, uzayinatha ^ci, uyibhije ^{cj
,} ^ck, uphahlaze ^cl indengezi zayo, utshuphule amabele akho; ngoba ngikhulumile, itsho iNkosi uJehova ^cm.

35 Ngakho itsho njalo iNkosi uJehova: Ngoba ungikhohliwe ^cn, wangilahlela ngemva komhlana wakho ^co, ngakho lawe thwala amanyala akho lobuwule bakho ^cp.

36 INkosi yathi futhi kimi: Ndodana yomuntu, uzakwahlulela uOhola loOholiba yini ^cq? Yebo, batshele izinengiso zabo ^cr. 37 Ngoba bafebile, legazi lisezandleni zabo, njalo bafebile lezithombe zabo ^cs, futhi lamadodana abo, abangizalele wona ^{ct
,} ^cu, bawadabulise emlilweni ukuthi abe yikudla ^cv. 38 Babuye benza lokhu kimi: Bangcolise indawo yami engcwele ngalolosuku ^cw, bangcolisa lamasabatha ami ^cx. 39 Ngoba sebebulalele izithombe zabo abantwana babo ^cy, basebengena ngalona lolosuku endaweni yami engcwele ukuthi bayingcolise ^cz; khangela-ke, benze njalo phakathi kwendlu yami ^da.

40 Lalokho ukuthi bathumele kumadoda avela khatshana, okwathunywa kiwo isithunywa ^db, khangela-ke, afika; owawagezelayo ^dc, wacomba amehlo akho ^dd, wazicecisa ngeziceciso ^de. 41 Wahlala embhedeni okhazimulayo ^df, letafula lalungiswa phambi kwawo ^dg, owabeka phezu kwalo ^dh impepha yami ^di lamafutha ami ^dj. 42 Lelizwi lexuku elonwabileyo lalilaye ^dk; lakumadoda exuku labantu kwalethwa amaSabeya avela enkangala ^dl, afaka amasongo ezandleni zawo ^dm, lomqhele omuhle emakhanda awo ^dn.

43 Ngasengisithi kowesifazana owayeguge ngokufeba: Khathesi bazakwenza ubuwule laye, yena-ke labo. 44 Basebengena kuye, njengoba besiya kowesifazana oyisifebe; ngokunjalo bangena kuOhola lakuOholiba, abesifazana abalamanyala.

45 Kodwa amadoda alungileyo wona azabagweba, ngokwendlela yezifebekazi langendlela yabesifazana abachitha igazi ^do; ngoba bayizifebekazi, njalo igazi lisezandleni zabo ^dp. 46 Ngoba itsho njalo iNkosi uJehova: Ngizabenyusela ixuku, ngibanikele babe yisesabiso njalo babe yimpango ^dq. 47 Njalo ixuku lizabakhanda ngamatshe, libaqume ngezinkemba zalo ^dr, libulale amadodana abo lamadodakazi abo ^ds, litshise izindlu zabo ngomlilo ^{dt
,} ^du. 48 Ngokunjalo ngizakwenza amanyala aphele elizweni ^{dv
,} ^dw, ukuze bonke abesifazana bafundiswe ukuthi bangenzi ngokwamanyala enu ^dx. 49 Ngokunjalo bazabeka amanyala enu phezu kwenu, lithwale izono zezithombe zenu ^dy. Lizakwazi-ke ukuthi ngiyiNkosi uJehova ^dz.