Eze 30 | Ndebele | STEP | Ilizwi leN kosi lafika kimi futhi, lisithi:

1 Ilizwi leNkosi lafika kimi futhi, lisithi: 2 Ndodana yomuntu, profetha uthi: Itsho njalo iNkosi uJehova: Qhinqani isililo: Maye ngalolosuku ^a! 3 Ngoba usuku luseduze ^b, ngitsho usuku lweNkosi luseduze ^{c
,} ^{d
,} ^e, usuku olulamayezi ^f; kuzakuba yisikhathi sezizwe ^g. 4 Lenkemba izafika eGibhithe ^h, losizi ⁱ luzakuba seEthiyophiya ^j, lapho ababuleweyo bezakuwa eGibhithe; ngoba bazasusa ixuku layo ^k, lezisekelo zayo zidilizelwe phansi ^l. 5 IEthiyophiya ^{m
,} ⁿ, lePuti ^{o
,} ^p, leLudi ^{q
,} ^r, labo bonke abantu abahlanganisiweyo, leKhubi, labantwana belizwe lesivumelwano, bazakuwa ngenkemba kanye labo ^s.

6 Itsho njalo iNkosi: Yebo, abasekela iGibhithe bazakuwa, lokuzigqaja kwamandla ayo kuzakwehla ^t; kusukela eMigidoli kuze kube seSevene bazakuwa kuyo ngenkemba, itsho iNkosi uJehova ^u. 7 Njalo bazachitheka phakathi kwamazwe achithekileyo ^v; lemizi yayo izakuba phakathi kwemizi engamanxiwa ^w. 8 Khona bezakwazi ukuthi ngiyiNkosi ^x, sengibeke umlilo eGibhithe ^y, lapho bonke abasizi bayo sebephuliwe ^z. 9 Ngalolosuku izithunywa zizaphuma phambi kwami ngemikhumbi ^aa ukuyakwethusa amaEthiyophiya onwabileyo ^ab, losizi luzakuba phakathi kwabo osukwini lweGibhithe ^ac, ngoba, khangela, luyeza ^ad.

10 Itsho njalo iNkosi uJehova: Yebo, ngizaqeda ixuku leGibhithe ngesandla sikaNebhukadirezari inkosi yeBhabhiloni ^ae. 11 Yena, labantu bakhe kanye laye, abesabekayo bezizwe, bazalethwa ukuzachitha ilizwe ^af; njalo bazahwatsha izinkemba zabo bemelene leGibhithe, bagcwalise ilizwe ngababuleweyo ^ag. 12 Njalo ngizakwenza ^ah imifula ^ai itshe ^aj, ngithengise ilizwe ^ak esandleni sabakhohlakeleyo ^al, ngilichithe ilizwe ^{am
,} ^an lokugcwala kwalo ngesandla sabezizwe ^ao; mina Nkosi ngikhulumile ^ap.

13 Itsho njalo iNkosi uJehova: Ngizabhubhisa lezithombe ^aq, ngiqede izifanekiso ^ar eNofi ^as; njalo kakusayikuba khona isiphathamandla esivela elizweni leGibhithe ^at; njalo ngizaletha ukwesaba elizweni leGibhithe ^au. 14 Ngenze iPatrosi ibe lunxiwa ^av, ngibeke umlilo ^aw eZowani ^ax, ngenze izahlulelo ^ay eNo ^az. 15 Ngithulule ulaka lwami phezu kweSini, amandla eGibhithe; ngiqume ixuku ^ba leNo ^bb. 16 Ngibeke umlilo eGibhithe ^bc; iSini izakuba lobuhlungu obukhulu; leNo izadatshulwa phakathi ^bd; leNofi ^be izakhathazeka nsuku zonke ^bf. 17 Amajaha eAvene lePhibhesethi azakuwa ngenkemba ^bg, lale imizi izakuya ekuthunjweni. 18 Njalo eThahaphanesi imini izakuba mnyama ^bh, lapho ngizakwephula khona amajogwe eGibhithe ^bi, lokuzikhukhumeza kwamandla ayo kuzaphela kiyo. Yona, iyezi lizayisibekela, lamadodakazi ayo azakuya ekuthunjweni ^bj. 19 Ngokunjalo ngizakwenza izahlulelo eGibhithe ^bk. Khona bezakwazi ukuthi ngiyiNkosi ^bl.

20 Kwasekusithi ngomnyaka wetshumi lanye, ngenyanga yokuqala, ngolwesikhombisa lwenyanga, ilizwi leNkosi lafika kimi, lisithi: 21 Ndodana yomuntu, ngiyephule ingalo kaFaro inkosi yeGibhithe ^bm; khangela-ke kayibotshwanga ukuthi kunikwe ukuphola, ukuthi kufakwe uhlaka lokuyibopha, ukuyiqinisela ukubamba inkemba ^bn. 22 Ngakho itsho njalo iNkosi uJehova: Khangela, ngimelene loFaro inkosi yeGibhithe ^bo, njalo ngizakwephula ingalo zakhe, elamandla, laleyo eyephukileyo, ngenze inkemba iwe esandleni sakhe ^bp. 23 Ngihlakazele amaGibhithe phakathi kwezizwe, ngiwasabalalisele emazweni ^bq. 24 Ngiqinise ingalo zenkosi yeBhabhiloni, ngibeke inkemba yami esandleni sayo ^br; kodwa ngizakwephula izingalo zikaFaro, abubule phambi kwayo ^bs ngokububula kogwaziweyo ^bt. 25 Kodwa ngizaqinisa ingalo zenkosi yeBhabhiloni, lengalo zikaFaro zizawela phansi ^bu; njalo bazakwazi ukuthi ngiyiNkosi, sengifake inkemba yami esandleni senkosi yeBhabhiloni ^bv, isiyelule phezu kwelizwe leGibhithe ^bw. 26 Njalo ngizahlakaza amaGibhithe phakathi kwezizwe, ngiwasabalalisele emazweni ^bx. Njalo bazakwazi ukuthi ngiyiNkosi ^by.