Hab 2 | Ndebele | STEP | Ngizakuma endaweni yami yokulinda , ngizimise enqabeni, ngilinde, ukuze ngibone ukuthi izakuthini kimi, lokuthi ngizaphendula ngithi ni ekusolweni kwami .

Habakkuk 2

Impendulo yeNkosi

1 Ngizakuma endaweni yami yokulinda ^a, ngizimise enqabeni, ngilinde, ukuze ngibone ^b ukuthi izakuthini kimi, lokuthi ngizaphendula ngithini ekusolweni kwami ^c. 2 INkosi yasingiphendula yathi: Bhala umbono ^d, uwenze ucace phezu kwezibhebhe, ukuze ogijimayo awufunde ^e. 3 Ngoba umbono ^f usezakuba ngowesikhathi esimisiweyo ^g; kodwa uzakhuluma ekucineni, ungaqambi amanga ^h; lanxa ⁱ uphuza ^j, uwulindele ^k; ngoba isibili uzafika ^l, kawuyikuphuza ^m.

4 Khangela, uzikhukhumeza ⁿ, umphefumulo wakhe ^o kawuqondanga kuye; kodwa olungileyo uzaphila ngokholo lwakhe ^{p
,} ^q. 5 Yebo futhi, ngoba ekhohlisa ^r ngewayini ^s, engumuntu ozikhukhumezayo, engahlali ekhaya ^t, ekhulisa isiloyiso sakhe ^u njengesihogo ^v, futhi unjengokufa, kasuthiseki ^w, kodwa ubuthelela kuye zonke izizwe ^x, aziqoqele bonke abantu ^y. 6 Bonke laba kabayikuphakamisa ^z umzekeliso ngaye yini ^aa, lesaga ^{ab
,} ^ac esiyinhlekisa ^ad ngaye? Njalo bazakuthi: Maye kuye owandisa okungeyisikho okwakhe ^ae! Koze kube nini ^af? Lozethwesa ngezibambiso. 7 Kabayikuhle basukume bakulume yini ^ag, bavuke abazakuthuthumelisa yini ^ah? Njalo uzakuba yizimpango kubo ^ai. 8 Ngoba wena uziphangile izizwe ezinengi ^aj, yonke insali yabantu ^ak izakuphanga ^al; ngenxa yegazi elinengi labantu ^am, lodlakela lwelizwe ^an, umuzi, labo bonke abahlala kiwo ^ao. 9 Maye kozuzela indlu yakhe inzuzo embi ^ap, ukuze abeke isidleke sakhe ^aq ngaphezulu, ukuze akhululwe esandleni sobubi ^ar. 10 Indlu yakho usuyicebele ihlazo, ngokuquma abantu abanengi; wonile umelene lomphefumulo wakho ^as. 11 Ngoba ilitshe lizakhala lisemdulini ^at, lothungo luliphendule lusesigodweni.

12 Maye kowakha umuzi ngegazi elinengi ^au, amise idolobho ngesiphambeko ^av. 13 Khangela, kakuveli eNkosini yamabandla yini ukuthi izizwe zizatshikatshikela ^aw umlilo ^ax, labantu ^ay bazidinise ^az ngeze ^ba? 14 Ngoba umhlaba uzagcwala ^bb ngolwazi ^bc lwenkazimulo yeNkosi ^bd, njengamanzi esibekela ulwandle ^be. 15 Maye konathisa umakhelwane wakhe ^bf, othulula ^bg imbodlela yakho ^bh, omdakisa laye ^bi, ukuze ubukele ubunqunu babo ^bj! 16 Uzasutha ngehlazo kulodumo ^bk; natha lawe, wembule ijwabu laphambili ^bl! Inkezo yesandla seNkosi sokunene izaphendukela kuwe ^bm, lehlazo libe phezu kodumo lwakho ^bn. 17 Ngoba udlakela ^bo lweLebhanoni luzakusibekela ^bp, lokuchitheka kwezinyamazana kubethuse ^bq, ngenxa yegazi elinengi labantu ^br, lodlakela lwelizwe ^bs, umuzi, labo bonke abahlala kiwo ^bt.

18 Sisizani isithombe esibaziweyo lokhu umbumbi waso esibazile ^bu? Kumbe isithombe esibunjwe ngokuncibilikisa, lomfundisi wamanga ^bv, ukuthi umbumbi athembe kokubunjiweyo kwakhe, ukwenza izithombe eziyizimungulu ^bw? 19 Maye kuye otsho kuso isigodo: Phaphama! Lelitsheni eliyisimungulu: Vuka, lona lizafundisa! Khangela, kunanyekwe ngegolide lesiliva, njalo kungekho moya phakathi kwakho ^bx. 20 Kodwa iNkosi isethempelini layo elingcwele ^by; thula phambi kwayo, mhlaba wonke ^bz.