Isa 10 | Ndebele | STEP | Maye kwabamisa izimiso ezikhohlakeleyo , lakubabhali ababhala uhlupho ;

1 Maye kwabamisa izimiso ezikhohlakeleyo ^a, lakubabhali ababhala uhlupho ^b; 2 ukuphambula abayanga ekwahlulelweni, lokuphanga ilungelo labahluphekayo babantu bami ^c, ukuze abafelokazi ^d babe yimpango yabo lokuthi baphange izintandane ^e! 3 Kodwa lizakwenzani ^f ngosuku ^g lwempindiselo ^h, lencithakalweni ⁱ ezavela khatshana? ^j Lizabalekela kubani ukuthi libe losizo? Lizatshiya ngaphi udumo lwenu? 4 Ngaphandle kwami bazakhothama ngaphansi kwezibotshwa ^k, liwele ngaphansi kwababuleweyo. Kukho konke lokhu intukuthelo yayo kayiphenduki ^l, kodwa isandla sayo silokhu seluliwe.

Ilizwi leNkosi ngeAsiriya

5 Maye kumAsiriya, intonga yentukuthelo yami ^m, lolaka lwami luyinduku ⁿ esandleni sabo! 6 Ngizamthumela isizwe esizenzisayo ^o, ngizamlaya ^p ukumelana labantu bolaka lwami, ukuphanga impango ^q, lokuthumba okuthunjiweyo, lokukubeka kube ngokunyathelwayo njengodaka lwezitalada. 7 Kodwa yena kanakani njalo ^r, lenhliziyo yakhe kayicabangi njalo; kodwa kusenhliziyweni yakhe ukuchitha, lokuquma izizwe ezingenlutshwana. 8 Ngoba uthi: Iziphathamandla zami zonke kazisimakhosi yini? ^s 9 IKalino ^t kayinjengeKarikemishi ^u yini? IHamathi kayinjengeArpadi yini? ^{v
,} ^{w
,} ^x ISamariya ^y kayinjengeDamaseko ^z yini? 10 Njengoba isandla sami ^aa sithole imibuso yezithombe ^ab, ozithombe zayo ezibaziweyo zingcono kulezeJerusalema lakulezeSamariya ^ac; 11 njengalokhu ngenzile kuyo iSamariya ^ad lezithombe zayo ^ae, kangiyikwenza njalo yini kuyo iJerusalema lezithombe ^af zayo?

12 Kuzakuthi-ke lapho iNkosi isiqedile umsebenzi wayo wonke ^ag entabeni yeZiyoni laseJerusalema ^ah, ngiphindisele ^ai isithelo sokuzikhukhumeza kwenhliziyo yenkosi yeAsiriya ^aj lobuhle bokuziqhenya kwamehlo ayo. 13 Ngoba ithe: Ngamandla esandla sami ngikwenzile ^ak, langenhlakanipho yami ^al, ngoba ngiyaqedisisa; njalo ngisusile imikhawulo yezizwe, ngaphanga inotho yazo; lanjengeqhawe ^am ngehlisela phansi abahlali bazo. 14 Isandla sami sesithole inotho yezizwe njengesidleke ^an; lanjengobuthelela amaqanda atshiyiweyo, mina ngibuthelele umhlaba wonke; njalo kwakungekho ophaphazelisa impiko, kumbe ovula umlomo, kumbe otshiyozayo ^ao. 15 Ihloka lizazikhukhumeza kuye ogamula ngalo yini ^ap? Isaha izazikhulisa kuye oyinyikinyayo yini? Njengokungathi induku ingaziphakamisa, kungathi kayisisigodo. 16 Ngalokhu iNkosi uJehova wamabandla ^aq izathumela ukucaka phakathi kwabazimukileyo bayo ^{ar
,} ^as; langaphansi kodumo lwayo izaphemba ukutshisa njengokutshisa komlilo. 17 Lokukhanya kukaIsrayeli kuzakuba ngumlilo, loNgcwele wakhe abe lilangabi, elizatshisa liqede ^at ameva ayo lokhula lwayo oluhlabayo ^au ngasuku lunye ^av. 18 Liqede lodumo lwehlathi lwayo ^aw, lensimu yayo ethelayo ^ax, kusukela emphefumulweni kusiya enyameni, ibe njengokuphela kwamandla womthwalifulegi ^ay. 19 Lokuseleyo kwezihlahla zehlathi zayo kuzakuba nlutshwana ngenani, ukuze umntwana akubale.

Insali yakoIsrayeli

20 Kuzakuthi-ke ngalolosuku ^az insali yakoIsrayeli labaphunyukileyo bendlu kaJakobe ^ba kabasayikuqhubeka ukweyama kobatshayileyo ^bb; kodwa bazakweyama eNkosini ^bc, oNgcwele kaIsrayeli, ngeqiniso. 21 Insali izabuyela ^bd, insali kaJakobe, kuNkulunkulu olamandla ^be. 22 Ngoba lanxa abantu bakho, Israyeli ^bf, bengangetshebetshebe lolwandle ^bg, kube kanti insali yabo izabuya; ukuchitheka kumisiwe ^bh, kuphuphuma ngokulunga. 23 Ngoba ukubhujiswa okupheleleyo ^bi okumisiweyo iNkosi uJehova wamabandla izakwenza phakathi komhlaba wonke. 24 Ngakho itsho njalo iNkosi uJehova wamabandla: Bantu bami, elihlala eZiyoni, lingesabi iAsiriya ^bj lapho ilitshaya ngenduku ^bk, iliphakamisela intonga yayo ^bl njengendlela yamaGibhithe ^{bm
,} ^bn. 25 Ngoba kuseyisikhatshana nje ^{bo
,} ^bp ukuthukuthela kuzaphela ^bq, lolaka lwami ekuchithweni kwabo. 26 Njalo iNkosi yamabandla izabavusela isiswepu ^br, njengokuhlatshwa kweMidiyani edwaleni leOrebi ^bs; lanjengentonga yayo phezu kolwandle ^bt ezayiphakamisa njengendlela yeGibhithe ^{bu
,} ^bv. 27 Kuzakuthi-ke ngalolosuku ^bw umthwalo wayo ^bx usuke ehlombe lakho, lejogwe layo entanyeni yakho, lejogwe lizakwephulwa ^by ngenxa yokugcotshwa ^bz.

Ukuhlasela kwabeAsiriya

28 Uyeza eAyathi ^ca, udabula phakathi kweMigironi ^cb; eMikimashi ^cc wethula impahla yakhe ^cd. 29 Badlula esikhaleni ^ce, ebusuku bayalala eGeba ^cf; iRama iyathuthumela ^cg; iGibeya ^ch kaSawuli iyabaleka. 30 Hlaba umkhosi ngelizwi lakho, ndodakazi kaGalimi ^ci! Lizwakalise eLayishi, Anathothi ^cj elusizana! 31 IMadimena ^ck iyabaleka, abahlali beGebimi badinga isiphephelo. 32 Kuselamuhla uzakuma eNobi ^cl, anyikinye isandla sakhe ^cm emelene ^cn lentaba ^co yendodakazi yeZiyoni ^cp, uqaqa lweJerusalema. 33 Khangela, iNkosi uJehova wamabandla ^cq izaquma ingatsha ngamandla esabekayo ^cr, lalabo abaphakeme ngobude ^cs bazaganyulelwa phansi, labazikhukhumezayo bazathotshiswa. 34 Njalo izagamula izixuku zehlathi ngensimbi ^ct, leLebhanoni ^cu izakuwa ngolamandla.