Isa 12 | Ndebele | STEP | Langalolosuku uzakuthi: Ngiyakubonga, N kosi , lanxa wawungithukuthelele, ulaka lwakho seluphendukile, njalo ungiduduzile.

Isaiah 12

Ingoma yokubonga

1 Langalolosuku ^a uzakuthi: Ngiyakubonga, Nkosi, lanxa wawungithukuthelele, ulaka lwakho seluphendukile, njalo ungiduduzile. 2 Khangela, uNkulunkulu ulusindiso lwami ^b, ngizathemba ngingesabi; ngoba iNkosi uJehova ^c ingamandla ami lengoma yami ^d, isibe lusindiso lwami. 3 Ngakho ngentokozo ^e lizakukha amanzi emithonjeni yosindiso. 4 Lithi ngalolosuku ^f: Bongani iNkosi ^g, libize ibizo layo ^h, lazise izenzo zayo ^{i
,} ^j phakathi kwezizwe, limemezele ukuthi ibizo layo ^k liphakeme ^l. 5 Hlabelelani eNkosini ^m ngoba yenzile izinto ezinhle kakhulu; lokhu kakwaziwe emhlabeni wonke. 6 Memeza ⁿ, uhlabele ngentokozo, mhlali weZiyoni ^{o
,} ^p, ngoba oNgcwele kaIsrayeli mkhulu phakathi kwakho ^{q
,} ^r.