Isa 19 | Ndebele | STEP | Umthwalo weGibhithe . Khangela, iN kosi igade eyezini elilejubane , izakuza eGibhithe; lezithombe zeGibhithe zizathuthumela phambi kwayo, lenhliziyo yamaGibhithe incibilike phakathi kwawo.

1 Umthwalo ^a weGibhithe ^b. Khangela, iNkosi igade ^c eyezini elilejubane ^d, izakuza eGibhithe; lezithombe zeGibhithe ^e zizathuthumela phambi kwayo, lenhliziyo yamaGibhithe ^f incibilike phakathi kwawo. 2 Njalo ngizacija amaGibhithe amelane lamaGibhithe, ukuthi alwe, ngulowo lalowo emelene lomfowabo, langulowo lalowo emelene lomakhelwane wakhe ^g, umuzi umelene lomuzi, umbuso umelene lombuso. 3 Lomoya wamaGibhithe uzathululwa phakathi kwawo, njalo ngizaginya icebo lawo; babesebebuza izithombe zawo, labathakathi, labalamadlozi ^h, labalumbayo. 4 Sengizavalela amaGibhithe esandleni samakhosi alukhuni ⁱ; lenkosi elolaka ^j izabusa phezu kwawo, kutsho iNkosi uJehova wamabandla ^k. 5 Lamanzi elwandle azacitsha ^{l
,} ^m, lomfula ⁿ wome utshe ^o. 6 Njalo bazakwala imifula, lezifudlana zeGibhithe zetshe zicitshe ^p; imihlanga lebhuma ^q kubune ^r. 7 Imihlanga ezifuleni, emilonyeni yezifula, lakho konke okuhlanyelweyo kwezifula kuzakoma, kuphetshethwe ^s, kungabe kusaba khona. 8 Njalo abagoli benhlanzi ^t bazakhala, labo bonke abaphosa ingwegwe ^u zokuthiya inhlanzi esifuleni bazalila; labendlala imbule ebusweni bamanzi bazaphela amandla ^v. 9 Labasebenzi ngefikalisi elicolekileyo ^w labeluka okumhlophe bazakuba lenhloni. 10 Lezisekelo zayo zonke zizachotshozwa, lamadoda ayiziqatshwa azadana emphefumulweni.

11 Isibili, iziphathamandla zeZowani ziyizithutha ^x, iseluleko sabeluleki abahlakaniphileyo bakaFaro siyibuthutha ^y. Litsho njani kuFaro lithi: Ngiyindodana yabahlakaniphileyo ^z, indodana yamakhosi endulo ^aa? 12 Pho, bangaphi abahlakaniphileyo bakho ^ab? Yebo, ake bakutshele, kabakwazi lokho iNkosi yamabandla ekucebileyo ngeGibhithe. 13 Iziphathamandla zeZowani ^ac sezibe yizithutha, iziphathamandla ^ad zeNofi zikhohlisiwe ^ae; bazaduhisa iGibhithe ^af, insika ^{▼▼ insika: Heb amagumbi.} yezizwe zayo. 14 INkosi ithulule umoya ophambeneyo phakathi kwayo; baduhise iGibhithe ^ah kukho konke ukwenza kwayo, njengodakiweyo ^ai ediyazela ^aj ekuhlanzeni kwakhe. 15 Njalo kakuyikuba khona umsebenzi weGibhithe okungawenza inhloko kumbe umsila ^ak, ugatsha loba umhlanga ^al.

16 Ngalolosuku ^am iGibhithe izakuba njengabesifazana ^an; izathuthumela yesabe ngenxa yokuzunguza kwesandla ^ao seNkosi yamabandla esizunguza ^ap phezu kwayo. 17 Lelizwe lakoJuda lizakuba yisesabiso eGibhithe; wonke ozakhuluma ngalo uzakwethuka yena ngokwakhe ngenxa yecebo leNkosi yamabandla elicebileyo imelene layo.

18 Ngalolosuku ^aq kuzakuba lemizi emihlanu ^ar elizweni leGibhithe ekhuluma ^as ulimi lweKhanani, lefungayo eNkosini yamabandla. Omunye uzakuthiwa ngumuzi wokubhujiswa ^at. 19 Ngalolosuku ^au iNkosi izakuba lelathi ^av phakathi kwelizwe leGibhithe ^aw, lensika ^ax yeNkosi emngceleni wayo. 20 Njalo izakuba yisibonakaliso ibe yibufakazi ^ay beNkosi yamabandla elizweni leGibhithe, ngoba bazakhala eNkosini ^az ngenxa yabacindezeli, njalo izathuma kubo umsindisi ^{ba
,} ^bb lomkhulu ozabakhulula. 21 LeNkosi izakwaziwa kumaGibhithe; njalo amaGibhithe ^bc azayazi iNkosi ngalolosuku ^bd, azakwenza umhlatshelo lomnikelo ^be, afunge isifungo eNkosini, asikhokhe ^bf. 22 LeNkosi izatshaya iGibhithe, itshaye ibuye isilise ^bg; njalo bazaphendukela eNkosini, ezancengeka ngabo ^bh, ibasilise.

23 Ngalolosuku ^bi kuzakuba lomgwaqo omkhulu ^bj osuka eGibhithe usiya eAsiriya, ukuze amaAsiriya eze eGibhithe, lamaGibhithe eAsiriya; lamaGibhithe akhonze kanye lamaAsiriya ^bk. 24 Ngalolosuku ^bl uIsrayeli uzakuba ngowesithathu leGibhithe leAsiriya, isibusiso phakathi komhlaba, 25 ezababusisa iNkosi yamabandla isithi: Ibusisiwe iGibhithe abantu bami ^bm, leAsiriya umsebenzi wezandla zami ^bn, loIsrayeli ilifa lami ^bo.