Isa 28 | Ndebele | STEP | Maye kumqhele wokuzigqaja wezidakwa zakoEfrayimi, obuhle benkazimulo yazo buliluba elibunayo, eliphezu kwekhanda lezihotsha ezivundileyo zalabo abatshaywe liwayini.

1 Maye kumqhele wokuzigqaja ^a wezidakwa zakoEfrayimi, obuhle benkazimulo yazo ^b buliluba elibunayo, eliphezu kwekhanda lezihotsha ezivundileyo ^c zalabo abatshaywe liwayini. 2 Khangela, iNkosi ilaye olamandla loqinileyo ^d, ozaphosela emhlabeni ngesandla, njengezulu lesiphepho elilesiqhotho ^e, isiphepho esichithayo ^{f
,} ^g, njengempophoma yamanzi alamandla ^h akhukhulayo ^{i
,} ^j. 3 Umqhele wokuzigqaja ^k wezidakwa zakoEfrayimi uzanyathelelwa phansi ngezinyawo. 4 Lobuhle benkazimulo yakhe ^l, obuphezu kwekhanda lesihotsha esivunde kakhulu ^m, buzakuba liluba elibunayo, njengesithelo esivuthwe masinyane kungakafiki ihlobo ⁿ; okuthi osibonileyo asibone, sisesesandleni sakhe asiginye.

5 Ngalolosuku ^o iNkosi yamabandla izakuba ngumqhele wenkazimulo ^p, lesidlodlo sobuhle ^q kunsali yabantu bayo, 6 lomoya wesahlulelo kulowo ohlalela isahlulelo, lamandla kulabo ababuyisela impi esangweni ^r. 7 Lalaba baduhile ngenxa yewayini ^s, langenxa yokunathwayo okulamandla baphambukile ^t; umpristi lomprofethi baduhile ngenxa yokunathwayo okulamandla ^u, baginywe liwayini, baphambukile ngenxa yokunathwayo okulamandla; bayaduha embonweni, bakhubeke kusahlulelo ^v. 8 Ngoba wonke amatafula agcwele amahlanzo lokungcola, kakulandawo engangcolanga.

9 Izafundisa bani ulwazi ^w, njalo izakwenza bani aqedisise umbiko? Abalunyuliweyo echagweni ^x, abakhunyuliweyo emabeleni. 10 Ngoba umthetho phezu komthetho ^y, umthetho phezu komthetho; umzila phezu komzila, umzila phezu komzila; lapha okuncinyane, laphayana okuncinyane. 11 Ngoba ngendebe eziklolodayo langolunye ulimi ^{z
,} ^aa izakhuluma kulababantu, 12 eyathi kubo: Lokhu yikuphumula ^ab, phumuzani abadiniweyo ^ac; lalokhu yikuvuselela; kodwa kabathandanga ukuzwa ^ad. 13 Kodwa ilizwi leNkosi lizakuba kibo ngumthetho phezu komthetho, umthetho phezu komthetho ^ae; umzila phezu komzila, umzila phezu komzila ^af; lapha okuncinyane, laphayana okuncinyane; ukuze bahambe, bawe nyovane ^ag, bephuke ^ah, bathiywe ^ai, bathunjwe ^aj.

14 Ngakho zwanini ilizwi leNkosi, bantu abaklolodayo ^ak, elibusa lababantu abaseJerusalema. 15 Ngoba lithe: Sivumelane isivumelwano lokufa ^al, njalo senze isivumelwano lesihogo ^am; lapho isiswepu esiphuphumayo sisedlula ^an, kasiyikufika kithi; ngoba senze amanga aba yisiphephelo sethu ^ao, sacatsha ngaphansi kwenkohliso ^ap. 16 Ngakho itsho njalo iNkosi uJehova: Khangela, ngibeka eZiyoni ^aq ilitshe ^ar lesisekelo, ilitshe elihloliweyo ^as, ilitshe lengonsi eliligugu ^at, isisekelo esisekelweyo ^au; okholwayo kayikuphangisa ^{av
,} ^aw. 17 Isahlulelo laso ngizasibeka entanjeni ^{ax
,} ^ay, lokulunga entanjeni yokuqondisa ^az; lesiqhotho ^ba sizakhukhula isiphephelo samanga ^bb; lamanzi agabhele ^bc indawo yokucatsha ^bd. 18 Lesivumelwano senu ^be lokufa sizaphela, lokuvumelana kwenu lesihogo kakuyikuma ^bf; lapho isiswepu esikhukhulayo sisedlula ^bg, khona lizanyathelelwa phansi yikho. 19 Kusukela esikhathini sokwedlula kwaso, sizalithatha; ngoba ukusa ngokusa sizakwedlula, emini lebusuku ^bh; njalo kuzakuba ngokwesabisayo ^bi kuphela ukuqedisisa umbiko ^bj. 20 Ngoba umbheda mfitshane kakhulu ukuthi umuntu azelule kuwo, lengubo yincinyane kakhulu ukuthi umuntu azigoqele ngayo ^bk. 21 Ngoba iNkosi izavuka njengentabeni yePerazimi ^bl, ithukuthele njengesigodini ^bm seGibeyoni ^bn, ukuze yenze umsebenzi wayo, umsebenzi wayo ongejwayelekanga, yenze isenzo sayo, isenzo sayo esingejwayelekanga. 22 Ngakho-ke lingahleki usulu ^bo, hlezi izibopho zenu ziqiniswe; ngoba ngizwile eNkosini uJehova wamabandla ngokuqedwa okuqunywe phezu komhlaba wonke ^bp.

Inhlakanipho kaNkulunkulu

23 Bekani indlebe, lizwe ilizwi lami; lalelani lizwe inkulumo yami. 24 Umlimi ulimela ukuhlanyela lonke usuku yini? Uyavula abhuqe umhlabathi wakhe yini ^bq? 25 Kakunjalo yini, esewuhlelembile ubuso bawo, ukuthi aphose amafitshizi*, ahlakaze ikhumini*, afake phezu kwakho ingqoloyi enhle kakhulu, lebhali* emisiweyo, lespelite* emngceleni wakho? 26 Ngoba uNkulunkulu wakhe uyamazisa ngendlela ^br, amfundise. 27 Ngoba amafitshizi kawabhulwa ngobhulo ^bs, levili lenqola kaliphendulwa phezu kwekhumini ^bt; kodwa amafitshizi atshaywa ngoswazi ^bu, lekhumini ngentonga. 28 Amabele esinkwa ayachotshozwa; ngoba kayikuhlala ewabhula kokuphela, loba ewachoboza ngevili lenqola yakhe, njalo kawachobozi ngamabhiza akhe. 29 Lalokhu kuvela eNkosini yamabandla; iyamangalisa ekwelulekeni ^bv, yinkulu ekusebenzeni ^bw.