Isa 30 | Ndebele | STEP | Maye ebantwaneni abahlamukayo! itsho iN kosi , ukuthi benze icebo , kodwa elingeyisilo elami, lokuthi bembese ngesembeso , kodwa esingesiso so moya wami, ukuze bengezelele isono phezu kwesono .

1 Maye ebantwaneni abahlamukayo! ^a itsho iNkosi, ukuthi benze icebo ^b, kodwa elingeyisilo elami, lokuthi bembese ngesembeso ^c, kodwa esingesiso somoya wami, ukuze bengezelele isono phezu kwesono ^d. 2 Abahamba ukwehlela eGibhithe ^e, njalo bengabuzanga umlomo wami ^f, ukuze baziqinise emandleni kaFaro, bathembele emthunzini weGibhithe! ^g 3 Ngakho amandla kaFaro azakuba lihlazo kini, lokuthembela ^h emthunzini weGibhithe ⁱ kube yikuyangeka. 4 Ngoba iziphathamandla zakhe zaziseZowani ^j lezithunywa zakhe ^k zafika eHanesi ^l. 5 Bonke izabayangisa ^m ngabantu ababengelakubasiza ⁿ, bangabi luncedo njalo bangabi yinzuzo, kodwa babe luyangiso njalo babe lihlazo.

6 Umthwalo ^o wezilo zeningizimu ^p. Elizweni lokucindezelwa ^q lembandezelo ^r, lapho okuvela khona ibhongo lesilwane ^s, ibululu ^{t
,} ^u lenyoka ephaphayo elokutshisa ^{v
,} ^w, bathwala inotho yabo ^x emhlana wamathole abobabhemi ^y, lokuligugu kwabo phezu kwamalunda amakamela ^z, bekusa ebantwini abangelasizo ^aa. 7 Ngoba amaGibhithe ^ab azasiza ngeze langokungelalutho; ngakho ngakhala ngalokhu ngathi: Amandla abo yikuhlala bathule ^ac.

8 Khathesi hamba, ukubhale ^ad phambi kwabo esibhebheni, ukulobe ngokugubha egwalweni ^ae, ukuze kube khona kuze kube lusuku lokucina, kuze kube nininini, kuze kube phakade. 9 Ngoba bangabantu abavukelayo ^af, abantwana abaqamba amanga, abantwana abangathandi ukuzwa umlayo weNkosi; 10 abathi kubaboni: Lingaboni ^ag; lakubakhangeli: Lingasikhangeleli izinto eziqondileyo ^ah; khulumani kithi izinto ezibutshelezi ^ai, likhangele izinkohliso; 11 phumani endleleni, liphambuke lisuke emkhondweni, lisuse oNgcwele kaIsrayeli phambi kwethu. 12 Ngakho utsho njalo oNgcwele kaIsrayeli uthi: Ngoba lidelele lelilizwi, lathembela kucindezelo lokuphambeneyo ^aj, labambelela kukho. 13 Ngakho lobububi buzakuba kini njengomkenke osuzakuwa, ukhukhumala emdulini omude, okudilika kwawo kuhle kufike ^ak masinyazana ^{al
,} ^am. 14 Yebo, uzawephula ^an njengokwephulwa kwembiza yababumbi ephahaziweyo; kayikuyekela ^ao, ukuze kungatholakali ezicucwini zayo udengezi ^ap lokokha umlilo eziko ^aq, kumbe ukukha amanzi emthonjeni ^ar. 15 Ngoba itsho njalo iNkosi uJehova, oNgcwele kaIsrayeli: Ngokuphenduka lokuphumula lizasindiswa ^as; ngokuthula ^at langokwethemba kuzakuba ngamandla enu; kodwa kalifunanga ^au. 16 Kodwa lathi: Hatshi, ngoba sizabaleka ngamabhiza ^av; ngakho-ke lizabaleka; njalo: Sizagada ^aw amabhiza alejubane ^ax; ngakho-ke abalixotshayo bazakuba lejubane. 17 Inkulungwane eyodwa ^ay izabaleka ngokukhalima koyedwa; ngokukhalima kwabahlanu lizabaleka, lize lisale njengensika phezu kwengqonga yentaba, lanjengesiboniso ^az phezu koqaqa.

Isithembiso sikaNkulunkulu ebantwini bakhe

18 Ngakho-ke iNkosi izalinda ^ba, ukuze ibe lomusa kini, ngakho-ke izaphakanyiswa ^bb ukuthi ibe lesihawu kini; ngoba iNkosi inguNkulunkulu wesahlulelo; babusisiwe bonke abalindela kuyo ^bc.

19 Ngoba abantu bazahlala eZiyoni eJerusalema ^bd; kaliyikukhala lokukhala inyembezi; izakuba lomusa omkhulu kuwe elizwini lokukhala kwakho; lapho ilizwa izakuphendula. 20 Loba iNkosi ilinika isinkwa sosizi ^be lamanzi okuhlupheka ^bf, kanti abafundisi bakho kabasayikususelwa engonsini ^bg, kodwa amehlo akho azabona abafundisi bakho. 21 Lendlebe zakho zizakuzwa ilizwi emva kwakho lisithi: Le yiyo indlela, hambani ngayo ^bh, lapho liphambukela ngakwesokunene lalapho liphambukela ngakwesokhohlo ^bi. 22 Lizangcolisa lokuhuqiweyo ^bj kwezithombe zakho ezibaziweyo ^bk zesiliva, lokunanyekiweyo kwezithombe zakho zegolide ezibunjwe ngokuncibilikisa ^bl; lizihlakaze njengelembu losesikhathini ^bm, lithi kuzo: Phumani! ^bn 23 Khona izanika izulu lenhlanyelo yakho ozayihlanyela emhlabathini, lesinkwa sesivuno somhlaba; uzavunda ucicime. Ngalolosuku ^bo izifuyo zenu zizakudla emadlelweni abanzi ^bp; 24 lezinkabi ^bq labobabhemi abatsha ^br okulima umhlabathi ^bs kuzakudla umncantsha ^bt, oweliweyo ngefotsholo langefologwe. 25 Laphezu kwayo yonke intaba ende ^bu laphezu kwalo lonke uqaqa oluphakemeyo ^bv kuzakuba lemifula lezifudlana zamanzi ^bw ngosuku lokubulawa okukhulu, lapho kusiwa imiphotshongo ^bx. 26 Futhi ukukhanya ^by kwenyanga kuzakuba njengokukhanya kwelanga, lokukhanya kwelanga kuphindwe kasikhombisa ^bz, njengokukhanya kwensuku eziyisikhombisa, mhla iNkosi ibopha ukwephuka kwabantu bayo, ipholisa ^ca umvimvinya wesilonda sabo.

Ukunqotshwa kweAsiriya

27 Khangela, ibizo leNkosi livela khatshana, livutha ulaka lwayo, lomthwalo unzima; indebe zayo zigcwele intukuthelo, lolimi lwayo lunjengomlilo oqothulayo; 28 lokuphefumula kwayo ^cb kunjengesifula esiphuphumayo size sifike phakathi kwentamo ^cc, ukuhlungula izizwe ngesihlungulo sobuze ^cd; njalo kuzakuba letomu ^ce eliduhisayo emihlathini yabantu. 29 Lizakuba lengoma, njengeyobusuku bokwehlukaniswa komkhosi, lokuthokoza kwenhliziyo, njengohamba lomhubhe ^cf esiya entabeni yeNkosi ^cg, eDwaleni lakoIsrayeli. 30 INkosi izazwakalisa-ke ilizwi layo elilodumo, ibonakalise ukwehla kwengalo yayo ^ch, ngentukuthelo yolaka, lelangabi lomlilo oqothulayo ^ci, isivunguvungu, lezulu lesiphepho ^cj, lesiqhotho ^{ck
,} ^cl. 31 Ngoba ngelizwi leNkosi ^cm amaAsiriya azaphahlazwa ^cn, itshaya ngenduku ^co. 32 Kuzakuthi loba ngaphi okwedlula khona induku emisiweyo, iNkosi eyibeka phezu kwayo, kube ngezigubhu ^cp langamachacho ^cq, langezimpi zokunyikinya ^cr ilwe labo. 33 Ngoba iThofethi ^cs yahlelwa endulo, layo yamiselwa inkosi ^ct; yayenza yatshona, yaba banzi, inqumbi yayo ingumlilo lenkuni ezinengi ^cu; ukuphefumula kweNkosi kuyayithungela ^cv njengesifula sesolufa*.